¶ 1 FANOGO, E Isileli: oku ke alu he aho ni ki he kau vai e taha o Joatani, ke alu ke ma‘u ae gaahi buleaga oku lahi hake mo malohi lahi iate koe, ae gaahi kolo oku lahi, mo mole ki lagi a ho nau a.

2 Koe kakai lalahi mo loloa, koe fānau ae kau Anaki akinautolu oku ke ilo‘i, bea kuo ke fanogo ae lau ki ai, o behe, Kohai e faa tuu i he ao oe fānau a Anaki!

3 Koia ke ke ilo he aho ni, ko Jihova ko ho Otua koia ia oku alu muomua iate koe; hage koe afi fakaauha te ne fakaauha akinautolu, bea e tulaki hifo eia akinautolu i ho ao: koia te ke kabuji ai akinautolu kitua, o fakaauha vave akinautolu, o hage koe folofola a Jihova kiate koe.

4 Oua naa ke lea ekoe i ho loto, oka hili hono kabuji kitua akinautolu e Jihova ko ho Otua mei ho ao, o behe, Koe mea i he eku maonioni koia kuo omi ai au e Jihova keu ma‘u ae fonua ni: ka koe mea i he agakovi oe gaahi buleaga ni, koia oku kabuji ai e Jihova akinautolu kitua mei ho ao.

5 Oku ikai koe mea i hoo maonioni, be i he agatonu o ho loto, oku ke alu ke ma‘u ho nau fonua: ka koe mea i he agakovi oe gaahi buleaga ni koia oku kabuji ai kitua akinautolu e Jihova ko ho Otua mei ho ao, bea koeuhi ke ne fakamooni ki he folofola aia nae fuakava ai a Jihova ki hoo gaahi tamai, ko Ebalahame, mo Aisake, mo Jekobe.

6 Koia ke ke ilo, oku ikai foaki e Jihova ko ho Otua ae fonua lelei ni kiate koe ke ke ma‘u ia i hoo maonioni: he koe kakai kia kekeva akimoutolu.

¶ 7 Ke ke manatu, bea oua naa fakagalogalo‘i, a hoo fakatubu ae houhau o Jihova ko ho Otua i he toafa: talu ae aho naa ke hiki ai mei he fonua ko Ijibite, o a‘u ki hoo mou hoko ki he botu ni, kuo mou fai agatuu kia Jihova.

8 Bea i Holebi foki naa mou fakatubu ae houhau o Jihova, koia nae houhau ai a Jihova kiate kimoutolu ke fakaauha akimoutolu.

9 I he eku alu hake ki he mouga ke ma‘u ae ogo maka lafalafa, ae ogo maka oe fuakava aia nae fai e Jihova mo kimoutolu, bea neu nofo i he mouga i he aho e fagofulu moe bo e fagofulu, nae ikai teu kai ma be inu vai:

10 Bea nae tuku mai kiate au e Jihova ae ogo maka lafalafa kuo tohi aki ae louhi‘i nima oe Otua; bea nae tohi i ai o fakatatau ki he gaahi lea kotoabe aia nae folofola ai a Jihova kiate kimoutolu i he mouga mei he lotolotoga oe afi i he aho ae fakataha.

11 Bea hili ae aho e fagofulu moe bo e fagofulu, nae hoko o behe, nae tuku mai kiate au e Jihova ae ogo maka lafalafa, io ae ogo maka lafalafa oe fuakava.

12 Bea nae folofola a Jihova kiate au, Tuu hake bea ke alu vave hifo mei heni; he ko ho kakai aia kuo ke omi kitua mei Ijibite kuo nau fakahala‘i akinautolu; kuo nau tafoki leva mei he hala aia naaku fekau ai akinautolu; kuo nau gaohi maa nautolu ae mea fakatātā kuo haka.

13 Bea nae folofola a Jihova kiate au foki, o behe, Kuou mamata ki he kakai ni, bea vakai, koe kakai kia kekeva akinautolu:

14 Tuku ai be au, koeuhi keu fakaauha akinautolu, bea tamate‘i ho nau higoa mei he lalo lagi: bea teu fakatubu iate koe ha hako malohi mo lahi hake iate kinautolu.

15 Bea naaku tafoki o alu hifo ai mei he mouga, bea nae vela ae mouga i he afi: bea nae i hoku nima ae ogo maka lafalafa oe fuakava.

16 Bea naaku jio, bea vakai, kuo mou fai agahala kia Jihova ko ho mou Otua, bea kuo mou gaohi ha fakatātā haka ki he bulu mui: ne mou tafoki vave mei he hala aia nae fekau e Jihova kiate kimoutolu.

17 Bea naaku ave ae ogo maka lafalafa o li ia mei hoku ogo nima bea nae maumau ia i ho mou ao.

18 Bea naaku fakafoohifo i he ao o Jihova, o hage ko  eku muaki fai, i he aho e fagofulu moe bo e fagofulu: nae ikai teu kai ha ma, be inu ha vai, koe mea i hoo mou gaahi agahala aia naa mou agahala ai, i he fai kovi i he ao o Jihova, ke fakatubu hono houhau.

19 He naaku manavahe i he houhau bea i he houhau vela, aia nae houhau aki e Jihova kiate kimoutolu ke fakaauha akimoutolu. Ka nae tokaga a Jihova kiate au i he kuoga koia foki.

20 Bea nae houhau lahi a Jihova kia Elone ke fakaauha ia: bea naaku lotua a Elone foki i he kuoga koia.

21 Bea neu ave hoo mou agahala, koe uhiki bulu naa mou gaohi, bea tutu ia aki ae afi, bea malamalaki ia, beau momomomoji ia ke iki aubito, o tatau moe efuefu: bea naaku li a hono efuefu ki he vaitafe nae alu hifo mei he mouga.

22 Bea i Tabela, mo Masa, bea i Kibiloti‐hateva, naa mou fakatubu ae houhau o Jihova.

23 Bea i he fekau a Jihova akimoutolu mei Ketesi‐bania, o behe, Mou alu hake o ma‘u ae fonua aia kuou foaki kiate kimoutolu: naa mou agatuu ai ki he fekau a Jihova ko ho mou Otua, bea nae ikai te mou tui kiate ia, be tokaga ki hono le‘o.

24 Kuo mou agatuu kia Jihova talu mei he aho naaku ilo ai akimoutolu.

25 Nae behe be a eku fakatomabee au i he ao o Jihova i he aho e fagofulu moe bo e fagofulu, o hage ko eku tomua fai ia; koe mea i he behe e Jihova te ne fakaauha akimoutolu.

26 Koia neu lotu ai kia Jihova, o behe, E Jihova koe Otua, oua naa ke fakaauha ho kakai mo ho tofia, aia kuo ke huhui i hoo mafimafi, aia kuo ke omi mei Ijibite aki ae nima malohi.

27 Manatu ki hoo kau tamaioeiki, ko Ebalahame, mo Aisake, mo Jekobe; oua naa ke afio ki he talagataa ae kakai ni, be ki he e nau agakovi, be koe nau agahala:

28 Telia naa lau behe ehe fonua naa ke omi akimautolu mei ai, Koe mea i he ikai mafai e Jihova ke omi akinautolu ki he fonua aia naa ne talaofa kiate kinautolu, bea koe mea i he ene ita kiate kinautolu, koia kuo ne omi ai akinautolu kituaa ke tamate‘i akinautolu i he toafa.

29 Ka koe mooni ko ho kakai akinautolu mo ho tofia, aia naa ke omi kituaa i ho malohi lahi bea i ho nima kuo mafao.