Koe Tohi ae Tagata Malaga
Vahe 1
1 Oku fakaha e he tagata malaga koe gaahi ulugaaga fakamama koe vaiga ia: 4 koeuhi oku feliliuaki ae mea kotoabe, 9 bea oku ikai ke tubu ha mea foou, bea oku galo ae gaahi mea motua, 12 bea kuo ilo eni e Solomone i he ene kumi ki he boto.
¶ 1 KOE gaahi lea eni ae Tagata Malaga, koe foha o Tevita, nae tu‘i i Jelusalema.
2 Vaiga oe vaiga, oku behe e he Malaga, vaiga oe vaiga, oku vaiga ae mea kotoabe.
3 Koeha hono aoga ki he tagata o ene gaue kotoabe oku ne fai i he lalo laa?
4 Oku mole atu ae toutagata e taha, kae ha‘u ae toutagata kehe: ka oku tuu mau ai be a mamani.
5 Oku hobo hake foki ae laa, bea alu hifo, oku alu fakavave ia ki he botu nae hobo mei ai.
6 Oku alu ae matagi ki he feituu toga, bea toe liliu ki he tokelau: oku fakatakamilo mau ai be ia, bea toe alu foki i hono gaahi aluaga.
7 Oku to atu ki tahi ae gaahi vaitafe kotoabe; ka oku ikai ke bito ai ae tahi; bea koe botu oku tubu mei ai ae vaitafe oku toe foki atu ia ki ai.
8 Oku fonu ae mea kotoabe i he gaue; oku ikai faa fakamatala ia e he tagata: bea oku ikai fiu ae mata i he jio, be koe teliga i he fanogo.
9 Koe mea aia oku talu mei mua, koia ia e kei i ai; bea koe mea oku fai ni koia be e fai; bea oku ikai ha mea foou i he lalo laa.
10 He oku ai ha mea e totonu ke behe ki ai, Vakai, koeni ae mea foou? nae i ai be ia i he kuoga i mua, aia nae mua iate kitautolu.
11 Oku ikai ha fakamanatu ki he gaahi mea i mua, bea e ikai ha manatu ki he gaahi mea oku hoko mai ni, be koia e hoko amui.
¶ 12 Ko au koe Malaga, naaku tu‘i au ki Isileli i Jelusalema.
13 Bea naaku fai i hoku loto ke kumi bea hakule keu boto i he mea kotoabe oku fai i he lalo lagi: he kuo tuku ae feiga ni e he Otua ke fakamamahi aki ae fānau ae tagata.
14 Kuou mamata ki he gaue kotoabe oku fai i he lalo laa; bea vakai, koe vaiga ae mea kotoabe moe fakamamahi ki he laumalie.
15 Koe mea bikobiko oku ikai faa fakatotonu, bea koia oku ikai katoa e ikai faa lau ia.
16 Naaku fakakaukau i hoku loto ooku, o behe, Vakai, kuou hoko o ma‘umea lahi, be. oku ou ma‘u lahi hake ae boto iate kinautolu kotoabe naa nau i mua iate au i Jelusalema; io, nae fakaboto‘i lahi hoku loto i he boto moe ilo.
17 Bea naaku tuku hoku loto ke ilo ae boto, bea ke ilo moe he moe vale: beau ilo‘i foki ia koe fakamamahi ki he laumalie.
18 He oku lahi ae mamahi i he boto oku lahi: bea ko ia oku fakatubu a ene ilo oku ne fakatubu moe mamahi.