¶ 1 OKU ai ae kovi kuou mamata ki ai i he lalo laa, bea oku lahi ia i he tagata.

2 Koe tagata aia oku foaki ki ai e he Otua ae baaga lahi, moe koloa lahi, moe ogoogolelei, koia oku ikai te ne majiva ai i ha mea ki hono laumalie i he mea kotoabe oku ne holi ki ai, ka oku ikai foaki ae malohi kiate ia e he Otua ke ne kamata ia, ka oku kai ia e he kakai kehe; koe vaiga eni, bea koe mahaki kovi mooni.

¶ 3 Kabau e tubu i ha tagata ae fānau e toko teau, bea moui ia ki he gaahi ta‘u lahi, bea lahi aubito ae gaahi aho o hono ta‘u, ka oku ikai fakabito hono laumalie i he lelei, bea ka mate ia oku ikai fai hano butu; oku ou behe e au, oku lelei hake iate ia ha fanau‘i tae hoko.

4 He koeuhi oku hoko mai ia moe vaiga, bea oku alu i he fakabouli, bea e ufiufi aki ae fakabouli a hono higoa.

5 Kae umaa eni, nae ikai te ne mamata ki he laa, be ilo ha mea e taha: oku lahi hake a ene fiemalie aana i he toko taha koia.

¶ 6 Io, ne ogo ene moui i ha ta‘u e ua afe, ka nae ikai te ne mamata ki ha lelei: ikai oku alu kotoabe ki he botu be taha?

7 Oku fai ae gaue kotoabe ae tagata koeuhi ko hono gutu, ka oku ikai fiu ai ene holi.

8 He koeha oku ma‘u lahi hake e he boto iate ia oku vale? koeha oku ma‘u e he majiva, aia oku ilo ke alu totonu i he ao oe kakai moui?

¶ 9 Oku lelei hake ae jio ae mata i he holi fano ae laumalie: he koe vaiga foki eni moe fakamamahi ki he laumalie.

10 Koe mea aia nae i ai kuo oji hono fakahigoa, bea kuo ilo ia koe tagata: ka oku ikai faa fekuki ia mo ia oku malohi lahi kiate ia.

¶ 11 Bea i he i ai ae gaahi mea lahi oku tubulekina ai ae vaiga, koeha hono aoga ki he tagata?

12 He kohai oku ne ilo ae mea oku lelei ki he tagata i he moui ni, i he aho kotoabe o ene moui vaiga, aia oku mole atu o hage koe ata? he kohai oku faa tala ki he tagata ae mea e hoko kimui iate ia i he lalo laa?