¶ 1 NAAKU behe ki hoku loto, Vakai eni, teu ahiahi‘i koe ki he fiegutuhua, koia ke ke fiefia koe i he fakava; bea vakai, koe vaiga foki eni.

2 Naaku behe ki he kata, Koe faha ia: bea ki he fiegutuhua, Oku aoga ia ki he ha?

3 Naaku fai i hoku loto keu faa inu uaine, kae kumi foki hoku loto ki he boto; bea ke buke atu ki he vale, koeuhi keu ilo be koeha oku lelei ke fai e he fānau ae tagata i he aho kotoabe oe nau moui i he lalo lagi.

4 Naaku fai ae gaahi gaue lahi; naaku laga hoku gaahi fale; bea naaku to eku gaahi goue vaine:

5 Naaku to eku gaahi goue moe gaahi akau oku fua, bea naaku to i ai ae faahiga akau fua kehekehe kotoabe.

6 Naaku gaohi ae gaahi ano vai, ke fakatafe ki he botu oku tubu i ai ae gaahi akau:

7 Naaku ma‘u ae kau tamaioeiki moe kau kaunaga, bea nae fanau‘i ae kau tamaioeiki i hoku fale; bea naaku ma‘u foki o lahi ae faga manu iki, mo ia oku lalahi, bea nae lahi hake a eku ma‘umea iate kinautolu kotoabe nae i mua iate au i Jelusalema.

8 Bea naaku tanaki foki kiate au ae siliva moe koula, bea moe koloa mahuiga lahi oe gaahi tu‘i moe botu fonua kehekehe: beau ma‘u ae kau tagata faiva moe kau fefine faiva, moe mea fakafiefia kotoabe oe fānau ae tagata, moe gaahi mea faiva i ho nau faahiga kehekehe.

9 Koia naaku hoko koe lahi au, beau tubu o lahi hake iate kinautolu kotoabe nae i mua iate au i Jelusalema: bea nae ma‘u be foki a eku boto iate au.

10 Bea koe mea kotoabe nae manako ki ai hoku mata nae ikai teu taofi ia mei ai, nae ikai teu taofi hoku loto mei ha fiefia; he nae fiefia hoku loto i he eku gaue kotoabe: bea ko hoku inaji ia i he eku gaue kotoabe.

11 Bea naaku toki mamata ki he gaue kotoabe kuo fai e hoku nima, moe gaue naaku ogojia i hono fai: bea vakai, koe vaiga ia kotoabe moe fakamamahi ki he laumalie, bea oku ikai hano aoga i he lalo laa.

¶ 12 Bea naaku tafoki au ke mamata ki he boto, moe he, moe vale: he koeha ha mea e faa fai e he tagata oku muimui ki he tu‘i? aia be kuo oji hono fai.

13 Bea naaku toki mamata oku lelei lahi hake ae boto i he vale, o hage koe lelei hake oe māma ki he bouli.

14 Koe mata oe boto oku i hono ulu; ka oku eveeva ae vale i he bouli: bea naaku mamata e au koe mea be taha oku hoko kiate kinautolu kotoabe.

15 Bea naaku toki behe ai i hoku loto, hage koia oku hoko ki he vale, koia foki oku hoko kiate au; bea koeha ia kuou boto lahi hake ai? bea naaku toki behe i hoku loto. Ta koe vaiga foki eni.

16 He oku ikai lahi hake ae fakamanatu ki he boto i he manatu ki he vale o taegata: koeuhi koe mea oku ai ni e galo ia i he aho kimui. Bea oku fefe ae mate ae boto? oku hage be ia koe vale.

17 Koia naaku fehia ki he moui; koeuhi koe gaue oku fai i he lalo laa oku fakamamahi kiate au: he koe vaiga ae mea kotoabe moe fakamamahi ki he laumalie.

¶ 18 Io, naaku fehia ki he eku gaue kotoabe naaku ogojia ai i he lalo laa: koeuhi teu tuku be ia ki he tagata oku muimui iate au.

19 Bea kohai oku ne ilo be ko ha boto ia be ko ha vale? ka e bule eia ki he gaue kotoabe kuou gaue ai mo fakaha aki a eku boto i he lalo laa. Koe vaiga foki eni.

20 Koia naaku alu fano ai ke fakataeamanaki hoku loto ki he eku gaue kotoabe naaku fai i he lalo laa.

21 He oku ai ae tagata oku fai ene gaue i he boto, moe ilo, bea moe totonu; ka te ne tuku be ia koe inaji o ha tagata oku ikai gaue ki ai. Koe vaiga foki eni, bea koe kovi lahi.

22 He oku ma‘u ae ha e he tagata mei he ene gaue, moe mamahi a hono loto, aia kuo ne ogojia ai i he lalo laa?

23 He ko hono gaahi aho kotoabe koe mamahi ia, bea ko ene feiga koe fakamafajia; io, naa moe bo oku ikai fakafiemalie hono loto. Koe vaiga foki eni.

¶ 24 Oku ikai ha mea oku lelei hake ki he tagata ka ko ene kai mo inu, bea ke fakafiefia‘i hono loto i he lelei o ene gaue. Naaku mamata foki ki he mea ni, kuo foaki mai ia mei he nima oe Otua.

25 He kohai oku faa kai, bea kohai oku fakatootoo lahi hake ki ai iate au?

26 He oku foaki e he Otua ki he tagata aia oku lelei i hono ao, koe boto, moe ilo, moe fiefia: ka oku ne foaki ki he agahala ae feiga ke tanaki mo fokotuu, ka ne foaki ia kiate ia oku lelei i he ao oe Otua. Koe vaiga foki eni moe fakamamahi ki he laumalie.