¶ 1 OKU ai hono kuoga oe mea kotoabe, moe aho ki he gaue kotoabe i he lalo lagi:

2 Koe aho ke fanau‘i ai, moe aho ke mate; koe aho ke to, moe aho ke taaki aia kuo to;

3 Koe aho ke tamate‘i, moe aho ke fakamoui; koe aho ke holoki hifo, moe aho ke laga hake;

4 Koe aho ke tagi, moe aho ke kata; koe aho ke tagilāulāu, moe aho ke mee;

5 Koe aho ke liaki ae gaahi maka, moe aho ke tanaki fakataha ae gaahi maka; koe aho ke fāufua, moe aho ke vamamao;

6 Koe aho ke ma‘u, moe aho ke mole ai; koe aho ke kuku mau, moe aho ke liaki atu;

7 Koe aho ke mahaehae, moe aho ke tuitui; koe aho ke fakalogologo, moe aho ke lea;

8 Koe aho ke ofa, moe aho ke fehia; koe aho ke tau, moe aho ke melino.

9 Koeha ae lelei oku ma‘u eia oku gaue i he mea oku ne gaue ai?

10 Kuou mamata ki he feiga aia kuo tuku e he Otua ki he fānau ae tagata ke ahiahi aki akinautolu.

11 Kuo gaohi eia ae mea kotoabe ke fakaofoofa i hono kuoga: bea kuo ne ai foki ae mamani ki ho nau loto, bea koia oku ikai faa ilo ai e ha tagata ae gaue oku fai e he Otua mei he kamataaga o a‘u ki hono gataaga.

12 Oku ou ilo oku ikai ha lelei i ai, ka koeuhi ke fiefia ae tagata, bea ke fai lelei i he ene moui.

13 Bea koe kai moe inu ae tagata kotoabe, moe fiefia i he lelei o ene gaue kotoabe, koe foaki ia ae Otua.

14 Oku ou ilo, koe mea kotoabe oku fai e he Otua, e tuu ma‘u ia o taegata: e ikai faa fakalahi ia, bea e ikai faa too mei ai ha mea; bea oku fai eni e he Otua koeuhi ke manavahe ae kakai i hono ao.

15 Koe mea nae i ai, oku i ai ni; bea koia kuo tuutuuni ke hoko, kuo hili hono fai, bea oku toe omi e he Otua ae mea kuo mole atu.

¶ 16 Bea naaku mamata foki i he lalo laa ki he botu oe fakamāu, oku i ai ae agahala; moe botu oe maonioni, oku i ai ae fai kovi.

17 Beau behe i hoku loto, e fakamāu e he Otua ae maonioni moe agahala: he oku i ai be hono aho ki he tuutuuni kotoabe moe gaue kotoabe.

18 Bea naaku behe i hoku loto koeuhi koe aga oe fānau ae tagata, ke fakaha ia e he Otua kiate kinautolu, bea nau ilo ai oku nau hage koe faga manu.

19 He koe mea oku hoko ki he fānau ae tagata oku hoko ia ki he faga manu; io, koe mea be taha oku hoko ki ai fakatouoji: o hage koe mate ae taha, oku behe be ae mate ae taha; io, koe mānava be taha oku nau ma‘u; bea koia oku ikai maoluga ai ae tagata i ha manu: he oku vaiga ae mea kotoabe.

20 Oku lau kotoabe ki he botu be taha; he oku mei he efu kotoabe, bea oku toe liliu kotoabe ki he efu.

21 Kohai oku ne ilo ae laumalie oe tagata oku alu ki oluga, moe moui ae manu oku alu hifo ki he kelekele?

22 Koia oku ha mai kiate au, oku ikai ha mea oku lelei hake, ka koe fiefia ae tagata i he ene gaahi gaue aana; he ko hono inaji ia: he kohai te ne omi ia ke ne mamata ki he mea e hoko kimui iate ia?