¶ 1 BEA nae alu hake a Ebalame mei Ijibite, koia, mo hono unoho, mo ia kotoabe naa ne ma‘u, bea naa nau o mo Lote, ki he feituu toga.

2 Bea nae koloaia aubito a Ebalame i he faga manu, moe siliva, moe koula.

3 Bea alu ai be ia i hono fonoga mei he feituu toga o a‘u ki Beteli, ki he botu nae tuu ai a hono fale fehikitaki i he kāmataga, i he vahaa o Beteli mo Ai:

4 Ki he botu oe ejifeilaulau, aia naa ne tomua fokotuu: bea nae ui ai a Ebalame ki he huafa o Jihova.

¶ 5 Bea nae ma‘u e Lote foki, aia nae o mo Ebalame, ae faga sibi, moe faga manu, moe gaahi falefehikitaki.

6 Bea nae jii ae fonua kiate kinaua ke na nofo fakataha: he nae lahi aubito e na mea, koia nae ikai ai te na faa nofo fakataha.

7 Bea nae ai ha ke i he kau tauhi manu a Ebalame moe kau tauhi manu a Lote: bea nae kei nofo ae kakai Kenani moe kau Belisi i he fonua, i he kuoga koia.

8 Bea nae behe e Ebalame kia Lote, Oku ou kole kiate koe, ke oua naa ai ha ke iateki taua, be i he eku kau tauhi manu mo hoo kau tauhi manu; he oku ta kaiga.

9 Ikai oku i ho ao ae fonua kotoa? oku ou kole kiate koe, ke mavahe koe iate au: kabau te ke i he toohema bea teu alu au ki he toomatau; bea kabau te ke alu ki he toomatau, bea teu alu au ki he toohema.

10 Bea nae jio hake a Lote, bea vakai eia ki he fonua tokalelei kotoabe o Joatani, kuo lahi ae vai i he botu kotoabe. I he heeki ke fakaauha e Jihova a Sotoma mo Komola, nae hage ia koe goue a Jihova, o tatau moe fonua ko Ijibite, i he halaifonua ki Soa.

11 Bea nae fili e Lote maana, ae fonua tokalelei kotoabe o Joatani; bea fonoga a Lote ki he feituu-hahake: bea nae fakamavae akinaua.

12 Nae nofo a Ebalame i he fonua ko Kenani, bea nofo a Lote i he gaahi kolo oe tokalelei, bea naa ne fokotuu hono fale fehikitaki ke haga ki Sotoma.

13 Ka nae kovi ae kakai o Sotoma, bea agahala aubito i he ao o Jihova.

¶ 14 Bea nae folofola a Jihova kia Ebalame, hili ae mavae a Lote meiate ia, Tagaki hake ni ho mata, bea jio mei he botu oku ke i ai ki he tokelau moe toga, bea ki he hahake, mo hihifo:

15 He koe fonua kotoabe oku ke mamata ai, teu foaki ia kiate koe, bea ki ho hako o lauikuoga.

16 Bea teu fakatubu ho hako ke hage koe efu oe kelekele: bea kabau e faa lau e ha tagata ae efu oe kelekele, behe, e lau foki a ho hako.

17 Tuu hake, bea alu atu i he fonua, i hono loloa mo hono māukubu o ia; he teu foaki ia kiate koe.

18 Bea nae toki hiki e Ebalame hono fale fehikitaki, bea ha‘u o nofo i he fonua tokalelei o Mamili, aia oku i Hebeloni, bea nae fokotuu ai ae ejifeilaulau kia Jihova.