¶ 1 BEA koe gaahi toutagaba eni o Isoa, aia ko Itomi.

2 Nae ma‘u e Isoa hono gaahi unoho mei he fānau fefine o Kenani; ko Ata koe ofefine o Eloni koe tagata Heti, mo Aholibama koe taahine o Ana, koe ofefine o Sibione, koe tagata Hevi.

3 Mo Basimati koe ofefine o Isimeli, koe tuofefine o Nebeoti.

4 Bea nae fanau e Ata kia Isoa, a Ilifasi; bea fanau‘i e Basimati a Leueli.

5 Bea fanau‘i e Aholibama, a Jeusi, mo Jalami, mo Kola; koe gaahi foha eni o Isoa, nae fanau‘i kiate ia i he fonua ko Kenani.

6 Bea nae ave e Isoa hono gaahi unoho, mo hono gaahi foha, mo hono gaahi ofefine, moe kakai kotoabe o hono fale, mo ene faga bulu, mo ene faga manu, moe mea kotoabe aia naa ne ma‘u i he fonua ko Kenani; bea alu mamao ia ki he tukuuta, mei he ao o hono tehina ko Jekobe.

7 He nae lahi e na koloa, koia nae ikai ai te na faa nofo fakataha; bea koe fonua naa na nofo aunofo ai, nae ikai ataatā ia kiate kinaua, koeuhi nae lahi e na faga manu.

8 Bea behe, nae nofo a Isoa i he mouga ko Seia, bea ko Isoa ko Itomi ia.

¶ 9 Bea koe gaahi toutagata eni o Isoa, koe tamai ae kakai Itomi, i he mouga ko Seia.

10 Koe higoa eni oe gaahi foha o Isoa: ko Ilifasi koe tama a Ata koe unoho o Isoa; ko Leueli koe tama a Basimati, koe unoho o Isoa.

11 Bea koe gaahi foha o Ilifasi, ko Temani, mo Omaa, mo Sefo, mo Katami, mo Kinasi.

12 Bea ko Timina, koe jinifu ia kia Ilifasi, koe foha o Isoa, bea ne faele kia Ilifasi, a Amaleki; koe gaahi tama ia a Ata, koe unoho o Isoa.

13 Bea koe gaahi foha eni o Leueli; ko Nehate, mo Sela, mo Sama, mo Misa: koe gaahi tama ia a Basimati, koe unoho o Isoa.

¶ 14 Bea koe gaahi tama eni a Aholibama, koe unoho o Isoa, koe taahine o Ana, koe ofefine o Sibione; naa ne fanau kia Isoa a Jeusi, mo Jalami, mo Kola.

¶ 15 Bea koe gaahi eiki eni i he gaahi foha o Isoa; koe gaahi foha o Ilifasi, koe uluaki foha o Isoa; koe eiki ko Temani, koe eiki ko Omaa, koe eiki ko Sefo, koe eiki ko Kinasi,

16 Koe eiki ko Kola, moe eiki ko Katami, moe eiki ko Amaleki; koe gaahi eiki ia  nae tubu ia Ilifasi i he fonua ko Itomi; koe gaahi tama eni a Ata.

¶ 17 Bea koe gaahi foha eni o Leueli koe foha o Isoa; koe eiki ko Nehate, moe eiki ko Sela, moe eiki ko Sama, moe eiki ko Misa: koe gaahi eiki eni  nae tubu ia Leueli, i he fonua ko Itomi; koe gaahi tama eni a Basimati koe unoho o Isoa.

¶ 18 Bea koe gaahi tama eni a Aholibama koe unoho o Isoa: koe eiki ko Jeusi, moe eiki ko Jalami, moe eiki ko Kola: koe gaahi eiki ia  nae tubu ia Aholibama, koe taahine o Ana, koe unoho o Isoa.

19 Koe gaahi foha eni o Isoa aia ko Itomi, bea ko ho nau gaahi eiki ia.

¶ 20 Koe gaahi foha eni o Seia, koe tagata Hoa, aia nae ma‘u ae fonua; ko Lotani, mo Sobale, mo Sibione, mo Ena,

21 Mo Tisoni, mo Eseli, mo Tisani; koe gaahi eiki oe kakai Hoa, koe fānau a Seia, i he fonua ko Itomi.

22 Bea koe fānau a Lotani ko Holi, mo Hemami; bea koe tuofefine o Lotani ko Timina.

23 Bea ko fānau a Sobale eni; ko Alivani, mo Maneate, mo Ebale, mo Sifo, mo Onama.

24 Bea koe fānau eni a Sibione; ko Ejaa mo Ana; koe Ana ia aia naa ne ilo‘i ae faga miuli i he toafa, i he ene tauhi ae faga asi a ene tamai ko Sibione.

25 Bea koe fānau a Ana aeni; ko Tisoni mo Aholibama, koe taahine a Ana.

26 Bea koe fānau eni a Tisoni; ko Hemitani, mo Esibani, mo Itilani, mo Kilani.

27 Bea koe fānau eni a Eseli, ko Bilani, mo Sefani, mo Ekani.

28 Bea koe fānau eni a Tisani; ko Usa a mo Alani.

29 Ko eni ae gaahi eiki  nae tubu i he kau Hoa; koe eiki ko Loani, moe eiki ko Sobale, moe eiki ko Sibione, moe eiki ko Ana,

30 Koe eiki ko Tisoni, moe eiki ko Eseli, moe eiki ko Tisani; koe gaahi eiki eni nae tubu ia Holi, i he gaahi eiki i he fonua ko Seia.

¶ 31 Bea koe gaahi tu‘i eni nae bule i he fonua ko Itomi, i he teeki bule ha tu‘i ki he fānau a Isileli.

32 Ko Bela koe foha o Beoli, nae bule ia ki Itomi; bea koe higoa o hono kolo ko Tinaba.

33 Bea bekia a Bela, bea bule i hono buleaga a Jobaba koe foha o Sela o Bosila.

34 Bea bekia a Jobaba, bea bule i hono buleaga a Husami, mei he fonua ko Temani.

35 Bea bekia a Husami, bea ko Hetati koe foha o Bitati, aia nae ne ta‘i a Mitiane, i he goue o Moabe, nae bule ia i hono buleaga; bea koe higoa o hono kolo ko Eviti.

36 Bea bekia a Hetati, bea ko Samila mei Masileka, naa ne bule i hono buleaga.

37 Bea bekia a Samila, bea ko Saula mei Leobote o ofi ki he vaitafe, nae bule ia i hono buleaga.

38 Bea bekia a Saula, bea ko Bealihenani, koe foha o Akeboa, nae bule i hono buleaga.

39 Bea bekia a Bealihenani koe foha o Akeboa; bea bule a Hetali i hono buleaga; bea koe higoa o hono kolo ko Bau; bea koe higoa o hono unoho ko Mehetebeli, koe ofefine o Matileti, koe ofefine o Mesaabi.

¶ 40 Bea koe gaahi higoa eni oe gaahi eiki  nae tubu ia Isoa, o hage ko ho nau gaahi faahiga, i ho nau gaahi botu, i ho nau gaahi higoa; koe eiki ko Timina, moe eiki ko Alivani, moe eiki ko Jesete,

41 Koe eiki ko Aholibama, moe eiki ko Ela, moe eiki ko Binoni,

42 Moe eiki ko Kinasi, moe eiki ke Temani, moe eiki ko Mibisali,

43 Moe eiki ko Makiteli, moe eiki ko Ilami; koe gaahi eiki eni o Itomi, o hage ko ho nau nofoaga, i ho nau gaahi fonua: bea ko Isoa, koe tamai ia ae kakai Itomi.