¶ 1 BEA nae ha‘u ae agelo e toko ua ki Sotoma kuo efiafi; bea nae nofo a Lote i he mataba o Sotoma, bea mamata a Lote, bea tuu hake ia o alu ke fakafetaulaki kiate kinaua: bea naa ne bunou ia mo hono mata ki he kelekele.

2 Bea behe eia, Ogo eiki, mo vakai mai, oku ou kole kiate kimoua, mo afe ki he fale o ho mo tamaioeiki o nofo i he bo ni, bea fufulu ho mo va‘e, bea te mo tuu hegihegi hake be, bea o i ho mo fonoga. Bea naa na behe, E ikai; ka te ma nofo i he hala he bo ni.

3 Bea kole fakamatoato ia kiateki naua; bea na afe ai kiate ia, o hu ki hono fale; bea naa ne teu e na kai, bea ta‘o ae ma tae mea fakatubu, bea ne na kai.

¶ 4 Bea nae heeki te na tokoto, mo ene ha‘u ae kau tagata oe kolo, io, ae kau tagata o Sotoma, o nau kabui ae fale, ae kau mātua moe talavou, ae kakai kotoabe mei he botu kehekehe.

5 Bea naa nau ui kia Lote o behe kiate ia, Kofaia ae ogo tagata nae omi kiate koe he bo ni? omi akinaua kitua kiate kimautolu ke mau ilo akinaua.

6 Bea alu kitua a Lote i he mataba kiate kinautolu, bea tabuni eia ae mataba i hono tua,

7 Bea ne behe, Oku ou kole kiate kimoutolu, e kaiga, oua te mou fai ae kovi behe ni.

8 Vakai mai, oku ai hoku ogo ofefin oku heeki ai te na ilo ha tagata; oku ou kole kiate kimoutolu, keu omi akinaua kiate kimoutolu, bea mou fai kiate kinaua, aia oku lelei kiate kimoutolu; kae oua te mou fai ha mea ki he ogo tagata ni; he koia kuo na omi ai ki he malu o hoku fale.

9 Bea naa nau behe, Tuu atu. Bea nau toe behe, Koe jiana ni nae ha‘u ia koe aunofo, bea kuo fie hoko ia koe fakamāu nai; bea koeni te mau fai kovi lahi kiate koe, iate kinaua. Bea naa nau feohofi mai o tatao ae tagata ko Lote, bea nae meimei maumau ae mataba.

10 Ka nae mafao atu ae ogo tagata ho na nima o toho mai a Lote ki he fale kiate kinaua, bea tabuni ae mataba.

11 Bea na ta‘i aki ae kui, ae kau tagata nae i he mataba oe fale, ae jii moe lalahi: koia naa nau fiu i he kumi ae mataba.

¶ 12 Bea behe e he ogo tagata kia Lote, Oku ai hao kaiga i he botu ni? ko ho foha i he fono, mo ho gaahi foha, mo ho gaahi ofefine, mo ia kotoabe oku ke ma‘u i he kolo ni fetuku mei he botu ni.

13 He te ma fakaauha ae botu ni, koeuhi kuo hoko o lahi aubito ae nau tagi ki he ao o Jihova; bea kuo fekau‘i akimaua e Jihova, ke fakaauha ia.

14 Bea nae alu kitua a Lote o lea ki hono gaahi foha i he fono, aia nae unoho mo hono gaahi ofefine, o ne behe kiate kinautolu, Tuu hake, hola mei he botu ni; koeuhi e fakaauha e Jihova ae kolo ni; ka nae hage ia ko ha toko taha oku luma, ki hono gaahi foha i he fono.

¶ 15 Bea bogibogi hake ai, nae fakavave a Lote e he ogo agelo, o behe, Tuu o ave ho unoho mo ho ogo ofefine oku i heni; telia naa auha koe i he agahala ae kolo.

16 Bea i he ene fakatuotuai, nae buke hono nima e he ogo tagata, bea moe nima o hono unoho, bea moe nima o hono ogo ofefine; nae aloofa a Jihova kiate ia; bea naa na omi ia kitua, o tuku ia i he tuaa kolo.

¶ 17 Bea hili e na omi akinautolu kituaa, bea behe eia, Hola ke ke moui ai, oua naa ke jio ki mui, be mālōlō i he tokalelei kotoabe, mole atu ki he mouga, telia naa ke auha.

18 Bea beheage e Lote kiate kinaua, Ke oua naa behe eku Eiki!

19 Vakai, kuo ofeina a hoo tamaioeiki i ho ao, bea kuo ke fakaogo lahi hoo aloofa, aia kuo ke fakaha kiate au, i hoo fakamoui au: bea e ikai teu faa lava ki he mouga, telia naa hoko ai ha kovi kiate au, beau mate.

20 Vakai, mai koe kolo ni oku ofi ke hola ki ai, bea oku jii ia; Ofa keu hola ki ai, (ikai koe jii ia?) bea e moui ai hoku laumalie.

21 Bea ne behe kiate ia, Vakai, kuou tokaga kiate koe i he mea ni foki, bea e ikai teu fakaauha ae kolo ni aia kuo ke kole ki ai.

22 Fakatootoo o hola ki ai; he oku ikai teu faa fai ha mea, kae oua ke ke hoko ki ai; Koia nae ui ai hono higoa oe kolo koia ko Soa.

¶ 23 Nae hoko a Lote ki Soa, kuo hobo ae laa ki mamani.

24 Bea nae fakauha e Jihova ki Sotoma mo Komola, ae makavela moe afi mei a Jihova i he lagi.

25 Bea ne fakaauha ae gaahi kolo koia, moe fonua tokalelei kotoabe, bea moe kakai kotoabe oe gaahi kolo, bea moe gaahi mea nae tubu i he kelekele.

¶ 26 Ka nae haga ki mui hono unoho, i he ene muimui iate ia, bea nae liliu ia koe bou masima.

¶ 27 Bea nae alu hegihegi hake be a Ebalahame ki he botu nae tuu ai ia i he ao o Jihova.

28 Bea ne jio atu ki Sotoma mo Komola, bea ki he fonua kotoabe oe tokalelei, bea ne mamata, bea vakai nae alu hake ae kohu oe fonua, o hage koe kohu oe bubua afi.

29 Bea i he fakaauha e he Otua ae gaahi kolo oe toafa, nae behe a ene manatu‘i e he Otua a Ebalahame, o ne fekau a Lote mei he lotolotoga oe auha, i he ene fakaauha ae gaahi kolo aia nae nofo ai a Lote.

30 Bea nae alu a Lote mei Soa, mo hono ogo ofefine o nau nofo i he mouga: he nae manavahe ia ke nofo i Soa; bea nofo ia i he ana‘i maka, aia mo hono ogo ofefine.

31 Bea behe e he taokete ki he tehina, Kuo motua e ta tamai, bea oku ikai ha tagata i mamani ke ha‘u kiate kitaua, o hage koe aga o mamani.

32 Ke ta fakainu uaine e ta tamai, bea te ta mohe mo ia, koeuhi ke ai ha hako i he e ta tamai.

33 Bea naa na fakainu uaine e na tamai i he bo koia; bea alu ae taokete o mohe mo ene tamai: bea nae ikai te ne ilo ene tokoto hifo, be ko ene toe tuu hake.

34 Bea bogibogi ai, nae behe ae lea ae uluaki ki he tehina, Vakai, naaku mohe anebo ki he eku tamai; bea ke ta fakainu uaine ia he bo ni foki; bea ke alu kiate ia ke mo mohe, koeuhi ke ai ha hako i he e ta tamai.

35 Bea naa na fakainu uaine e na tamai i he bo koia foki; bea aluage ae tehina, o mohe mo ia: bea nae ikai te ne ilo ene tokoto hifo, be ko ene tuu hake.

36 Bea feitama ai fakatouoji be ae ogo ofefine o Lote ki he e na tamai.

37 Bea fanau‘i e he uluaki ae tama, bea ne ui hono higoa ko Moabe, koe tamai ia ae kakai Moabe, o a‘u ki he aho ni.

38 Bea fanau‘i foki e he tehina ae tama, bea ne ui ia ko Beni‐ami: aia koe tamai ae gaahi fānau a Amoni, o a‘u ki he aho ni.