¶ 1 BEA nae hoko i he gaahi aho o Amilafeli koe tu‘i o Saina, mo Alioke koe tu‘i o Ilasa, mo Kitaleoma koe tu‘i o Ilami, mo Titale koe tu‘i oe gaahi buleaga;

2 Naa nau tau mo Bila koe tu‘i o Sotoma, mo Bilisa koe tu‘i o Komola, mo Sinabe koe tu‘i o Atima, mo Semiba koe tu‘i o Seboimi, moe tu‘i o Bila aia oku ui ko Soa.

3 Nae katoa fakataha akinautolu kotoabe i he telea o Sitimi, aia koe tahi masima.

4 Naa nau tauhi kia Kitaleoma i he ta‘u e hogofulu ma ua, bea nau agatuu i hono hogofulu ma tolu oe ta‘u.

5 Bea nae ha‘u a Kitaleoma i hono hogofulu ma fa oe ta‘u, moe gaahi tu‘i nae iate ia, bea ta‘i ae kakai Lifeime i Asitelote Kaneime, moe kakai Susi i Hami, moe kakai Imime i Seva‐Kiliateimi,

6 Moe kau Hoa i ho nau mouga ko Seia, o a‘u ki Eli‐belani, aia oku ofi ki he toafa.

7 Bea naa nau liu mai, o hoko ki Eni‐misibate, aia ko Ketesi, o nau ta‘i ae fonua kotoabe oe kakai Amaleki, moe kakai Amoli foki, aia nae nofo i Hesisone‐Tamali.

8 Bea nae alu atu ae tu‘i o Sotoma, moe tu‘i o Komola, moe tu‘i o Atima, moe tu‘i o Seboime, moe tu‘i o Bila (aia ko Soa;) bea nau tali tau kiate kinautolu i he telea o Sitimi;

9 Kia Kitaleoma koe tu‘i o Ilami, mo Titale koe tu‘i oe gaahi buleaga, mo Amilafeli koe tu‘i o Saina, mo Alioke koe tu‘i o Ilasa; koe tu‘i e toko fa ki he toko nima.

10 Bea nae fonu ae telea o Sitimi i he gaahi luo kelebulu: bea nae hola ae gaahi tu‘i o Sotoma mo Komola bea higa i ai; bea ko kinautolu nae toe naa nau hola ki he mouga.

11 Bea naa nau veteki ae koloa kotoabe o Sotoma mo Komola, moe meakai kotoabe i ai, bea nau alu.

12 Bea naa nau ave a Lote, koe foha oe tokoua o Ebalame, aia nae nofo i Sotoma, mo ene gaahi mea, bea nau alu.

¶ 13 Bea nae ha‘u ae toko taha nae hao o fakaha kia Ebalame koe Hebelu; he nae nofo ia i he botu tokalelei o Mamili, koe tagata Amoli, koe tokoua o Esikoli, moe tokoua o Aneli; bea naa nau kau taha be mo Ebalame.

14 Bea kuo fanogo a Ebalame kuo ave bobula a hono kaiga, bea ne tuku ae mahafu tau ki hono kau nofoaga nae tubu i hono fale, koe toko tolugeau moe toko hogofulu ma toko valu, bea ne tuli akinautolu ki Tani.

15 Bea ne vahevahe akinautolu, aia mo hono kau nofoaga i he bouli, bea ne teia akinautolu, o ne tuli akinautolu ki Hoba, aia oku tuu ki he toohema o Tamasikusi.

16 Bea naa ne toe ma‘u ae koloa kotoabe, bea ne toe omi a hono kaiga ko Lote, mo ene gaahi mea moe kau fefine moe kakai.

¶ 17 Bea nae alu ae tu‘i o Sotoma ke fakafetaulaki kia Ebalame i he ene liu mai mei he ta‘i a Kitaleoma moe gaahi tu‘i, nae iate ia i he telea o Seve, aia koe telea oe tu‘i.

18 Bea omi e Melekiseteki koe tu‘i o Selemi ae ma moe uaine: bea koe taulaeiki ia oe Otua fugani maoluga.

19 Bea naa ne tabuaki ia o behe, Oku monuia a Ebalame, i he Otua fugani maoluga aia oku oona ae lagi mo mamani.

20 Bea ke monuia moe Otua fugani maoluga, aia kuo ne tuku ho gaahi fili ki ho nima. Bea naa ne tukuhau kiate ia, i he mea kotoabe.

21 Bea behe e he tu‘i o Sotoma kia Ebalame, Tuku mai kiate au ae kakai, bea ke too maau ae gaahi mea.

22 Bea talaage e Ebalame ki he tu‘i o Sotoma, Naaku hiki hoku nima kia Jihova, koe Otua fugani maoluga, oku oona ae lagi, mo mamani,

23 Koeuhi e ikai teu toe ha foi lou filo be ha nonoo oe tobuva‘e, bea e ikai teu too ha mea e taha meiate koe, telia naa behe ekoe, Kuou fakakoleaia a Ebalame,

24 Ka koe mea kuo kai e he kau talavou, bea moe inaji ki he kau tagata naa mau o mo au, ko Aneli, mo Esikoli, mo Mamili; tuku ke nau too ho nau inaji.