¶ 1 BEA nae fonoga a Ebalahame mei ai, ki he fonua i he feituu toga, bea nofo ia i he vahaa o Ketesi mo Sua, bea aunofo ia i Kela.

2 Bea nae behe e Ebalahame  i he ene lau ki hono unoho ko Sela, Ko hoku tuofefine ia: bea fekau‘i e Abimileki, koe tu‘i o Kela, o ne ave a Sela.

3 Ka nae ha mai ae Otua kia Abimileki i he miji i he bo, o ne behe kiate ia, Vakai koe tagata mate koe, koeuhi koe fefine kuo ke too, he koe unoho ia o ha tagata.

4 Ka nae heeki ai ofi a Abimileki kiate ia: bea behe eia, E Eiki, te ke fakaauha foki ae buleaga maonioni?

5 Ikai naa ne behe mai kiate au, Ko hoku tuofefine ia? moe fefine, nae behe eia, Ko hoku tuogaane ia; i he totonu a hoku loto, moe maonioni a hoku nima kuou fai ae mea ni.

6 Bea behe e he Otua kiate ia i he miji, Io, oku ou ilo naa ke fai ia i he aga totonu, he naaku taofi koe foki ke oua naa ke fai hala kiate au; koia nae ikai teu tuku koe ke ke ala kiate ia.

7 Bea koeni, ke ke toe atu ki he tagata hono unoho: he koe balofita ia, bea te ne hufia koe, bea te ke moui: bea kabau e ikai te ke toe atu ia, ke ke ilo koe mooni te ke mate, akoe mo ia kotoabe oku oou.

8 Koia nae tuu hegihegi hake ai a Abimileki, o ne ui ene kau nofoaga kotoabe, o ne fakaha kiate kinautolu ae gaahi mea ni kotoabe; bea naa nau manavahe lahi.

9 Bea fekau e Abimileki ke ha‘u a Ebalahame, bea ne bebe kiate ia, Koeha eni kuo ke fai kiate kimautolu? bea koeha ha kovi naaku fai kiate koe, ke ke omi ai kiate au mo hoku buleaga ae hala lahi ni? kuo ke fai ae gaahi mea kiate au aia oku ikai lelei ke fai.

10 Bea fehui e Abimileki kia Ebalahame o ne behe, Koeha ae mea nae ha kiate koe, koeuhi ke ke fai ai ae mea ni?

11 Bea talaage e Ebalahame, Naaku behe i hoku loto, Koe mooni oku ikai i he botu ni, ae manavahe ki he Otua; bea te nau tamate‘i au, koeuhi ko hoku unoho.

12 Ka koe mooni be ko hoku tuofefine ia: he koe ofefine ia o eku tamai, ka oku ikai koe tama a eku fa‘e aaku; bea nae hoko ia ko hoku unoho.

13 Bea i he fakahe‘i au e he Otua mei he fale o eku tamai, naaku behe kiate ia, Ko hoo ofa eni, te ke fakaha kiate au; i he botu kotoabe te ta hoko ki ai, te ke fakaha au, o behe, Ko hoku tuogaane ia.

14 Bea too e Abimileki ae faga sibi, moe faga bulu, moe kau tamaioeiki, moe kau kaunaga o ne foaki akinautolu kia Ebalahame, mo ne toe atu kiate ia a Sela ko hono unoho.

15 Bea beheage e Abimileki, Vakai, oku i ho ao hoku fonua kotoabe; faiteliha koe ha botu te ke nofo ki ai.

16 Bea nae behe eia kia Sela, Vakai, kuou foaki ki ho tuogaane ae  koga siliva e afe: vakai oku iate koe ia, koe bulou ki ho mata kiate kinautolu kotoabe oku iate koe moe  kakai kotoabe: nae behe a hono valokia ia.

¶ 17 Bea lotu a Ebalahame ki he Otua; bea fakamoui e he Otua a Abimileki, mo hono unoho, mo ene kau kaunaga; bea naa nau fanafanau.

18 He ne kuo bubuni e he Otua ae manāva kotoabe i he fale o Abimileki, koeuhi ko Sela, koe unoho o Ebalahame.