¶ 1 BEA nae teau ma uofulu ma fitu ae ta‘u a Sela; koe gaahi ta‘u eni oe moui a Sela;

2 Bea nae bekia a Sela i Keja‐aliba; aia ko Hebeloni i he fonua ko Kenani; bea nae ha‘u a Ebalahame ke tegihia a Sela, mo tagi koeuhi koia.

¶ 3 Bea nae tuu ki oluga a Ebalahame i he ao o hono bekia, o ne lea ki he fānau a Heti, o behe,

4 Koe muli au moe aunofo iate kimoutolu, tuku mai ha botu faitoka meiate kimoutolu, koeuhi keu tanu ai hoku bekia mei hoku ao.

5 Bea leaage ae fānau a Heti kia Ebalahame, o behe kiate ia:

6 E Eiki, ke ke fanogo mai kiate kimautolu, koe Eiki lahi koe iate kimautolu; ke ke faiteliha ki ho mau gaahi fonualoto, ke fai ai ho bekia; e ikai ha mau toko taha e taofi meiate koe hono fonualoto, ka ke fai i ai ho bekia.

7 Bea tuu hake a Ebalahame, o tulolo la ki he kakai oe fonua, io ki he fānau a Heti.

8 Bea lea ia kiate kinautolu, o behe, Kabau ko ho mou loto keu tanu hoku bekia mei hoku ao, bea mou fanogo mai; bea mou kole kia Efilone koe foha o Sohaa, koeuhi ko au.

9 Koeuhi ke ne tuku mai ae ana i Makibila oku aana, bea oku i he botu o ene goue; ke ne fakatau ia kiate au, ki he baaga oku tatau moia, keu ma‘u ia ko hoku faitoka iate kimoutolu.

10 Bea nae nofo a Efilone fakataha moe fānau a Heti; bea leaage a Efilone koe tagata Heti kia Ebalahame i he ao oe gaahi fānau a Heti, io, i he ao oe kakai kotoabe nae hu i he mataba oe kolo, o behe,

11 Ko eku eiki, e ikai; ka ke fanogo mai: oku oou ae goue, bea moe ana oku i ai, teu foaki ia kiate koe; i he ao oe fānau a hoku kakai ni, oku ou foaki ia kiate koe, ke ke tanu ai ho bekia.

12 Bea toe tulolo a Ebalahame ki he kakai oe fonua.

13 Bea lea ia kia Efilone i he ao oe kakai oe fonua, o behe, Kabau ko ho loto ia, oku ou kole kiate koe fanogo mai kiate au: teu atu kiate koe ae baaga ki he goue; ke ke ma‘u ia, bea teu tanu hoku bekia i ai.

14 Bea lea a Efilone kia Ebalahame, o ne behe kiate ia,

15 Ko eku eiki, ke ke fanogo mai; oku tatau ae koga fonua moe sikeli siliva e fageau; ka koe umaa ia kiate au mo koe? koia, ke ke tanu be ho bekia.

16 Bea tokaga a Ebalahame kia Efilone; bea nae fua e Ebalahame ae siliva kia Efilone, aia naa ne tala i he ao oe fānau a Heti, koe sikeli siliva e fageau, o hage koe lau e he kau fakatau.

¶ 17 Bea koe goue a Efilone, aia nae i Makibila, bea ofi ki Mamali, koe goue, bea moe ana i ai, bea moe gaahi akau oku i ai, aia nae i he vee goue kotoabe, nae fakababau ia,

18 Kia Ebalahame koe tofia, i he ao oe fānau a Heti, i he ao o kinautolu kotoabe nae hu i he mataba o hono kolo.

19 Bea hili ia, nae tanu e Ebalahame hono unoho ko Sela i he ana i he goue o Makibila oku hagatonu ki Mamili, aia ko Hebeloni, i he fonua ko Kenani.

20 Bea koe goue, moe ana nae i ai nae fakababau ia kia Ebalahame, e he gaahi foha o Heti, ke ne ma‘u ko hono faitoka.