¶ 1 BEA toe ma‘u e Ebalahame ae unoho, ko hono higoa ko Ketula.

2 Bea ne fanau‘i kiate ia a Similani, mo Jokesani, mo Metani mo Mitiani: mo Isibaka, mo Suaa.

3 Bea nae fanau kia Jokesani a Siba mo Titani, bea koe gaahi foha o Titani ko Asuli, mo Litusi mo Leumi.

4 Bea koe gaahi foha o Mitiani: ko Efaa, mo Efee, mo Henoke, mo Abaita, mo Elitaa. Koe gaahi fānau eni a Ketula.

¶ 5 Bea nae foaki e Ebalahame ene mea kotoabe kia Aisake.

6 Ka koe gaahi foha o Ebalahame i hono jinifu, nae atu ki ai e Ebalahame ae gaahi foaki, bea i he ene kei moui naa ne fekau ke nau alu ki he feituu hahake, koeuhi ke ataatā o hono foha ko Aisake.

7 Bea koe gaahi aho oe gaahi ta‘u nae moui ai a Ebalahame, koe ta‘u e teau moe ta‘u e fitugofulu ma nima.

8 Bea nae tukuage e Ebalahame hono laumalie, bea bekia ia i he motua lelei, koe tagata motua kuo a‘u; bea nae fakataha ia ki hono kakai.

9 Bea nae tanu ia e hono ogo foha ko Aisake mo Isimeli, i he ana i Makibila, i he goue a Efilone, koe foha o Sohaa, koe Heti, aia oku fehagai mo Mamili.

10 Koe goue ia nae fakatau e Ebalahame mei he gaahi foha o Heti; nae tanu i ai a Ebalahame mo hono unoho ko Sela.

¶ 11 Bea hili ae bekia a Ebalahame, nae tabuaki‘i e he Otua hono foha ko Aisake: bea nae nofo a Aisake o ofi ki he vaikeli ko Lehai‐loai.

¶ 12 Bea koe hako eni o Isimeli, koe foha o Ebalahame, aia nae fanau‘i kia Ebalahame e Hekaa koe Ijibite, koe kaunaga a Sela.

13 Bea koe higoa eni oe gaahi foha o Isimeli, ko ho nau higoa i ho nau gaahi toutagata; koe uluaki o Isimeli, ko Nebeoti; mo Keta, mo Atieli, mo Mibisami,

14 Mo Misima, mo Tumaa mo Masa:

15 Ko Hetaa, mo Tima, mo Jitua, mo Nefisi, mo Kitema.

16 Koe gaahi foha ia o Isimeli, bea koho nau higoa ia, i ho nau gaahi kolo, i ho nau gaahi fale: koe eiki e toko hogofulu ma toko ua, o fakatatau mo ho nau gaahi buleaga.

17 Bea koe gaahi ta‘u eni oe moui a Isimeli, koe ta‘u e teau moe tolugofulu ma fitu: bea tukuage eia hono laumalie, bea bekia ia, bea fakataha ia ki hono kakai.

18 Bea naa nau nofo mei Havila o a‘u ki Sua, aia oku ofi ki Ijibite, i he hala ki Asilia; bea nae bekia ia i he ao o hono gaahi kaiga kotoabe.

¶ 19 Bea koe hako eni o Aisake koe foha o Ebalahame: nae fanau kia Ebalahame a Aisake.

20 Bea nae fagofulu ta‘u ae motua o Aisake, i he ene ma‘u a Lebeka ko hono unoho, koe efefine e Betueli, koe Silia a Betanalami, koe tuofefine o Lebani koe Silia.

21 Bea nae hufia e Aisake hono unoho kia Jihova, he nae baa ia; bea tui kiate ia a Jihova, bea feitama hono unoho ko Lebeka.

22 Bea nae fegau‘e‘i ae fanau iate ia; bea behe eia, Kabau oku mooni, koeha oku ou behe ai? bea alu ia ke fehui kia Jihova.

23 Bea nae behe e Jihova kiate ia, Oku ai ae buleaga e ua i ho manāva, bea e mahui mei ho manāva ae kakai e ua, o taki taha hono aga; bea e malohi ae kakai e taha ki he taha; bea e tauhi e he uluaki ae kimui.

¶ 24 Bea i he ene kakato hono gaahi aho ke faele, bea vakai, nae ai ae māhaga i hono manāva.

25 Bea faele ae uluaki kuo kulokula kotoabe, o hage ha kofu fulufulu: bea ne nau ui hono higoa ko Isoa.

26 Bea toki faele‘i hono tehina, bea nae buke e hono nima ae mui va‘e o Isoa; bea nae ui hono higoa ko Jekobe; bea nae onogofulu ta‘u a Aisake i he fanau‘i akinaua.

27 Bea tubu ae ogo tama: bea nae boto a Isoa i he tuli manu, koe tagata taka uta; ka koe tagata agamaluia a Jekobe, bea nae nofo ia i he gaahi fale fehikitaki.

28 Bea ofa a Aisake kia Isoa, he naa ne kai a ene kano‘i manu, ka nae ofa a Lebeka kia Jekobe.

¶ 29 Bea nae fei haka a Jekobe; bea ha‘u a Isoa mei he vao, bea kuo vaivai ia;

30 Bea behe e Isoa kia Jekobe, Oku ou kole kiate koe, ke ke fafaga au aki ae lu kulokula na, he kuou vaivai; koia nae ui ai hono higoa, ko Itomi.

31 Bea beheage e Jekobe, Fakatau kiate au he aho ni, ae inaji oe uluaki foha.

32 Bea behe e Isoa, Vakai, kuou teitei mate: bea koeha hono aoga kiate au oe inaji oe uluaki foha?

33 Bea beheage e Jekobe; Fuakava mai kiate au he aho ni; bea ne fuakava kiate ia: bea naa ne fakatau ae inaji oe uluaki foha kia Jekobe.

34 Bea toki atu ai e Jekobe kia Isoa ae ma moe haka lu; bea kai ia mo inu, bea ne tuu hake o alu i hono hala; nae behe ae jiaki e Isoa ae inaji oe uluaki foha.