¶ 1 BEA nae to ae hoge ki he fonua: ka oku taha kehe ae uluaki hoge aia nae hoko i he gaahi aho o Ebalahame. Bea nae alu a Aisake ki Kela kia Abimileki koe tu‘i oe kakai Filisitia.

2 Bea nae ha mai a Jihova kiate ia, o ne behe, Oua naa ke alu hifo ki Ijibite: nofo i he fonua aia teu fakaha kiate koe.

3 Ke ke nofo mau i he fonua ni, bea teu iate koe, bea teu tabuaki‘i koe; he teu foaki kiate koe mo ho hako ae gaahi fonua ni kotoabe, bea teu fakamooni ae fuakava aia naaku fuakava aki ki hoo tamai ko Ebalahame.

4 Bea teu fakatubu ho hako ke toko lahi, o hage koe gaahi fetuu oe lagi; bea teu foaki ki ho hako ae gaahi fonua ni kotoabe; bea e monuia i ho hako ae buleaga kotoabe o mamani;

5 Koeuhi nae talagofua a Ebalahame ki hoku le‘o, mo ne ma‘u eku tala, mo eku gaahi fekau, mo eku tuutuuni, mo eku gaahi fono.

¶ 6 Bea nae nofo a Aisake i Kela.

7 Bea fehui kiate ia ae kakai tagata oe botu koia, ki hono unoho: bea behe eia, ko hoku tuofefine ia; he nae manavahe ia ke behe atu, Ko hoku unoho ia; he naa ne behe, telia naa tamate‘i au e he kau tagata oe botu ni, koeuhi ko Lebeka; he nae hoihoifua ia ke mamata ki ai.

8 Bea nae nofo ia i ai o fuoloa; bea iloage, nae fakajio a Abimileki koe tu‘i oe kakai Filisitia, mei he tuba, o ne mamata oku fakava a Aisake mo Lebeka ko hono unoho.

9 Bea fekau e Abimileki ke ha‘u a Aisake, o ne behe, Vakai, koe mooni ko ho unoho ia; bea koeha naa ke behe ai, ko hoku tuofefine ia? bea talaage e Aisake kiate ia, Koeuhi naaku behe, telia naaku mate koeuhi koia.

10 Bea behe e Abimileki, Koeha ae mea ni kuo ke fai kiate kimautolu? ka ne mohe fainoa ha toko taha mo ho unoho; behe kuo ke omi ae kovi lahi kiate kimautolu.

11 Bea fai fono e Abimileki ki hono kakai, o behe, Koia e ala ki he tagata ni, be ko hono unoho, koe mooni e tamate‘i ia.

12 Bea nae toki to ta‘u e Aisake i he fonua koia, bea ne utu i he ta‘u koia hono tubu e ta tuo teau: bea nae tabuaki ia e Jihova.

13 Bea nae tubu be ae tagata, bea fakaaau ki mu‘a ia, bea ne tubu o lahi aubito.

14 He naa ne ma‘u ae faga sibi lahi, moe faga manu, moe kau tamaioeiki toko lahi; bea nae meheka ae kakai Filisitia kiate ia.

15 He koe gaahi vai kehekehe nae keli e he kau tamaioeiki a ene tamai, i he gaahi aho o Ebalahame, nae mabuni ia e he kakai Filisitia i hono tanu aki ae kelekele.

16 Bea behe e Abimileki kia Aisake, Ke ke alu iate kimautolu; he oku ke malohi hake koe iate kimautolu.

17 Bea alu mei ai a Aisake, bea fokotuu hono fale fehikitaki i he telea o Kela, bea nofo ai ia.

18 Bea nae toe keli e Aisake ae gaahi vai, aia naa nau keli i he gaahi aho o ene tamai ko Ebalahame: he nae tanu ia e he kakai Filisitia, hili ae bekia a Ebalahame: bea ne ui aki ia ae gaahi higoa, aia nae fakahigoa aki ia e he ene tamai.

19 Bea nae keli e he kau tamaioeiki a Aisake i he telea o nau ilo ai ae matavai moui.

20 Bea fakakikihi e he kau tagata tauhi manu a Kela, moe kau tauhi manu a Aisake, o nau behe, Oku a mautolu ae vai; bea ne ui hono higoa oe vai, ko Eseki; koe mea i he e nau ke mo ia.

21 Bea naa nau keli ae vai e taha, bea nau fakakikihi ki ai foki; bea ne ui hono higoa oia ko Sitina.

22 Bea hiki mei ai ia o keli ae vai e taha; bea nae ikai te nau fakakikihi ki ai; bea ne ui hono higoa oia ko Leobote; bea ne behe, He ko eni, kuo fakaataatā e Jihova ha botu kiate kitautolu, bea te tau tubu i he fonua.

23 Bea nae alu ia mei ai ki Beasiba.

24 Bea ha mai a Jihova kiate ia i he bo koia, o ne behe kiate ia, Koe Otua au o hoo tamai ko Ebalahame; oua naa ke manavahe, he oku ou iate koe, bea teu tabuaki koe, bea fakatokolahi ho hako, koeuhi ko eku tamaioeiki ko Ebalahame.

25 Bea fokotuu eia i ai ae ejifeilaulau o ne hu kia Jihova, bea fokotuu eia hono fale fehikitaki i ai; bea keli i ai e he kau tamaioeiki a Aisake ae vai.

¶ 26 Bea nae alu a Abimileki kiate ia mei Kela, bea mo hono kaiga e taha ko Ahusate, mo Fikoli koe eiki o ene kau tau.

27 Bea behe e Aisake kiate kinautolu, Koeha oku mou ha‘u ai kiate au, ka oku mou fehia kiate au, bea kuo mou kabuji au meiate kimoutolu.

28 Bea naa nau behe, Naa mau mamata bau kuo iate koe a Jihova; bea naa mau behe, Ke tau fefuakavaaki mo koe, io, iate kitautolu mo koe, bea ke tau fai ae fuakava mo koe;

29 Ke oua naa ke fai kovi kiate kimautolu, o hage koe mau tae ala kiate koe, bea kuo mau fai lelei be kiate koe, bea mau tuku koe ke ke alu fiemalie: bea koeni, koe monuia koe ia Jihova.

30 Bea nae teu eia ha nau katoaga, bea naa nau kai mo inu.

31 Bea nau tuu hegihegi hake mo nau fefuakavaaki: bea nae tukuage akinautolu e Aisake, bea naa nau alu iate ia i he fiemalie.

32 Bea nae hoko i he aho koia ae ha‘u ae kau tamaioeiki a Aisake, o nau fakaha kiate ia ae vai kuo nau keli, o nau behe kiate ia, Kuo mau ilo ae vai.

33 Bea ne ui ia ko Siba; koia oku ui ai ae kolo koia o a‘u ki he aho ni, ko Beasiba.

¶ 34 Bea nae fagofulu ae ta‘u a Isoa, bea ne ma‘u kiate ia a Jutiti ko hono unoho, koe ofefine o Beli koe  tagata Heti, mo Basimati koe ofefine o Elone koe  tagata Heti.

35 Koe mea koia, nae mamahi ai ae loto o Aisake mo Lebeka.