¶ 1 BEA toe alu a Jekobe i hono fonoga, bea nae ha‘u ia ki he fonua oe kakai hakake.

2 Bea jio ia, bea ne ilo ae vai i he goue, bea vakai, nae ai ae vahega faga sibi e tolu, nae tokoto o ofi ki ai, he nae fakainu ae faga manu mei he vai koia: bea nae tabuni aki ae gutu vai ae fuu maka lahi.

3 Bea nae fakataha ki ai ae gaahi vahega sibi kotoabe: bea nau filifilihi ae maka mei he gutu vai, bea fakainu ae faga sibi, bea nae toe ai ae maka ki hono botu, ki he gutu vai.

4 Bea behe e Jekobe kiate kinautolu, Kaiga, oku meife akimoutolu? Bea nau behe, koe kau Halani akimautolu.

5 Bea behe eia kiate kinautolu, Oku mou ilo a Lebani, koe foha o Nehoa? Bea naa nau behe, Oku mau ilo ia.

6 Bea beheage eia kiate kinautolu, Oku moui ia? bea nau beheage, Oku mālōlō be: bea vakai, ko Lejieli ko hono ofefine, oku ha‘u moe faga sibi.

7 Bea behe eia, Vakai, oku kei hoata be, bea oku heeki ai hokojia ae feituulaa ke fakataha ai ae faga manu: koia mou fakainu ae faga sibi, bea alu o fafaga.

8 Bea naa nau behe, Oku ikai te mau faa fai, kae oua ke fakataha mai ae vahega sibi kotoabe, bea oua ke filifilihi ae maka mei he gutu vai; bea te mau toki fakainu ae faga sibi.

¶ 9 Bea lotologa e nau alea moe ha‘u a Lejieli moe faga sibi a ene tamai, he naa ne tauhi ki ai.

10 Bea i he mamata a Jekobe kia Lejieli koe ofefine o Lebani, koe tuogaane o ene fa‘e, moe faga sibi a Lebani, koe tuogaane o ene fa‘e, nae unuunu atu a Jekobe o ne tekai‘i ae maka mei he gutu vai, bea ne fakainu ae faga sibi a Lebani, koe tuogaane o ene fa‘e.

11 Bea uma a Jekobe kia Lejieli, bea hiki hake hono le‘o, bea tagi.

12 Bea talaage e Jekobe kia Lejieli, koe kaiga ia o ene tamai, bea koe tama ia a Lebeka: bea nae lele ia o fakaha ki he ene tamai.

13 Bea kuo fanogo a Lebani ki he talanoa kia Jekobe, koe tama a hono tuofefine, bea nae lele ia ke fakafetaulaki kiate ia, bea ne faufua ia, o uma kiate ia, mo ne omi ia ki hono fale. Bea talanoa eia kia Lebani, ae gaahi mea ni kotoabe.

14 Bea behe e Lebani kiate ia, Koe mooni ko hoku hui koe, mo hoku kakano. Bea naa ne nofo kiate ia i he mahina e taha.

¶ 15 Bea behe e Lebani kia Jekobe, He oku totonu koa ke ke gaue kiate au tae ha totogi koeuhi ko hoku kaiga koe? Tala mai, koeha ae totogi e fai kiate koe?

16 Bea nae toko ua ae ofefine o Lebani; koe higoa oe uluaki ko Lia, bea koe higoa oe kimui ko Lejieli.

17 Nae mata kuikui a Lia, ka nae hoihoifua a Lejieli, mo matamatalelei.

18 Bea nae ofa a Jekobe kia Lejieli, bea ne behe, Teu tauhi koe i he ta‘u e fitu, ka ke tuku mai a Lejieli, ko ho ofefine kimui.

19 Bea behe e Lebani, Oku lelei lahi eku foaki ia kiate koe, i he eku foaki ia ki ha tagata kehe: ke ta nonofo mo au.

¶ 20 Bea nae gaue a Jekobe i he ta‘u e fitu, ke ne ma‘u a Lejieli; bea nae tatau ia kiate ia moe aho jii be, koeuhi ko ene ofa lahi kiate ia.

21 Bea nae behe e Jekobe kia Lebani, Tuku mai hoku unoho koeuhi keu alu atu kiate ia, he kuo kakato a hoku gaahi aho.

22 Bea fakataha e Lebani ae kau tagata kotoabe oe botu, bea ne fai ae katoaga.

23 Bea i he ene hoko ki he bo, naa ne ave hono ofefine ko Lia, o ne omi ia kiate ia; bea alu ia kiate ia.

24 Bea ne foaki ki hono ofefine ko Lia, a ene kaunaga ko Siliba, ke kaunaga  kiate ia.

25 Bea bogibogi hake ai, bea vakai, bea ta ko Lia ia: bea behe eia kia Lebani, Koeha eni kuo ke fai kiate au? Ikai naaku gaue kiate koe koeuhi ko Lejieli? bea koeha kuo ke kākā‘i ai au?

26 Bea behe e Lebani, E ikai fai ha mea behe i ho mau fonua, ke tomua foaki ae kimui i he uluaki.

27 Ka ke fakakakato a hono uike, bea te mau foaki ia foki kiate koe, oka ke ka toe gaue kiate au, i ha ta‘u e fitu kehe.

28 Bea nae fai ia e Jekobe; o ne fakakakato hono uike: bea ne foaki kiate ia hono ofefine ko Lejieli, ko hono unoho foki.

29 Bea foaki e Lebani ki hono ofefine ko Lejieli a Bila, ko ene kaunaga, ke kaunaga kiate ia.

30 Bea nae alu a Jekobe kia Lejieli, bea ofa lahi hake eia kia Lejieli ia Lia, bea naa ne toe gaue kiate ia i ha ta‘u e fitu.

¶ 31 Bea afio‘i e Jihova kuo fehianekina a Lia, bea naa ne gaohi ia ke faa fanau; ka nae baa a Lejieli.

32 Bea feitama a Lia, bea ne faele‘i ae tama, bea ui hono higoa ko Lubeni; he nae behe eia, Koe mooni kuo afio‘i e Jihova eku mamahi; bea koeni e ofa hoku unoho kiate au.

33 Bea nae toe feitama ia, bea faele‘i ae tama: o ne behe, He kuo fanogo a Jihova kuo fehianekina au, koia kuo ne foaki kiate au ae tama ni foki: bea ne ui hono higoa ko Simione.

34 Bea toe feitama ia, bea faele‘i ae tama: bea behe eia; Ko eni e tokaga hoku unoho kiate au i he kuoga ni, koeuhi kuou fanau‘i kiate ia ae tama e toko tolu; koia nae ui ai hono higoa ko Livai.

35 Bea toe feitama ia, bea faele‘i ae tama: bea behe eia, Koeni teu fakafetai kia Jihova: koia naa ne ui hono higoa ko Juta: bea nae gata ai ene fanau.