¶ 1 BEA nae alu a Jekobe i hono hala, bea fakafetaulaki mai kiate ia ae kau agelo ae Otua.

2 Bea kuo mamata a Jekobe kiate kinautolu, bea behe eia, Koe kau tau eni ae Otua: bea naa ne ui ae higoa oe botu koia, ko Mehanemi.

¶ 3 Bea fekau e Jekobe ae kau talafekau ke muomua iate ia ki hono taokete ko Isoa, i he fonua ko Seia, i he fonua ko Itomi.

4 Bea ne fekau kiate kinautolu, o behe, Te mou lea behe ki hoku eiki ko Isoa; oku behe mai a hoo tamaioeiki ko Jekobe, Naaku nofo aunofo mo Lebani, beau nofo moia o a‘u ki he kuoga ni.

5 Bea kuou ma‘u ae faga bulu moe faga asi moe gaahi faga manu, moe kau tagata tauhi, moe kau fefine tauhi, bea kuou fekau ke fakaha ia ki hoku eiki, koeuhi keu lelei i ho ao.

¶ 6 Bea toe liu mai ae kau tagata kia Jekobe, o nau behe, Naa mau hoko ki ho taokete ko Isoa, bea vakai, oku ha‘u ia foki ke fakafetaulaki mai kiate koe, moe kau tagata e fageau.

7 Bea nae manavahe ai a Jekobe, o mamahi lahi: bea ne vaeua ae kakai nae iate ia, bea moe faga sibi, moe faga manu lalahi, bea moe faga kameli.

8 Bea ne behe, Kabau e ha‘u a Isoa ki he kakai e taha o ta‘i ia, bea koe kakai e toe te nau hao.

¶ 9 Bea behe e Jekobe, E Otua o eku tamai ko Ebalahame, moe Otua o eku tamai ko Aisake, koe Eiki naa ke behe mai kiate au, Toe alu ki ho fonua mo ho kaiga, bea teu fai lelei kiate koe:

10 Oku ikai teu tāu au, moe jii hifo o hoo aloofa kotoabe, moe mooni kotoabe, aia kuo ke fakaha ki hoo tamaioeiki: he naaku alu mo hoku tokotoko be i he Joatani ni; ka koeni, kuou hoko koe kakai e ua.

11 Oku ou kole kiate koe, fakahaofi au mei he nima o hoku taokete, mei he nima o Isoa: he oku ou manavahe kiate ia, telia naa ne ha‘u o ta‘i au, bea moe fa‘e moe fānau.

12 Bea naa ke behe, Teu fai lelei kiate koe, o gaohi ho hako ke tatau moe oneone oe tahi, aia e ikai faa lau hono lahi.

¶ 13 Bea mohe ia i ai i he bo koia; bea naa ne fili mai aia nae ofi kiate ia, koe meaofa ki hono taokete ko Isoa;

14 Koe koji fefine e uageau moe koji tagata e uofulu, moe sibi fefine e uageau, moe sibi tagata e uofulu.

15 Koe kameli huhu e tolugofulu mo ho nau uhiki, moe faga bulu fefine e fagofulu, moe bulu tagata e hogofulu, moe asi fefine e uofulu moe uhiki e hogofulu.

16 Bea ne tuku fakafaahiga ia ki he nima oe kau tauhi, bea ne behe ki he ene kau tamaioeiki, Mou muomua iate au, o fakavahavaha ae faahiga manu taki taha.

17 Bea fekau ia ki he uluaki, o behe, Oka fakafetaulaki mai hoku taokete ko Isoa kiate koe, o fehui kiate koe, o behe, Kohai koe? bea oku ke alu kife? bea oku ahai ena i ho ao?

18 Bea ke lea o behe, Koe mea a hoo tamaioeiki ko Jekobe, bea koe meaofa ia kuo ne fekau ki hoku eiki ko Isoa; bea vakai, oku ne muimui mai.

19 Bea naa ne fekau behe ki hono toko ua, mo hono toko tolu, mo kinautolu kotoabe nae muimui ki he faga manu, o behe, Te mou lea behe ki hoku eiki ko Isoa, oka mou ka fetaulaki moia.

20 Bea te mou behe foki, Vakai, oku muimui mai a hoo tamaioeiki ko Jekobe. He nae behe eia, Teu fakafiemalie‘i ia aki ae meaofa, e muomua iate au, bea teu toki mamata ki hono mata; hei ilo be te ne ma‘u lelei au.

21 Koia nae ave ai ae meaofa, o nau muomua iate ia ki he kau vai e taha; bea mohe ia i he bo koia moe kakai.

22 Bea tuu hake ia i he bo koia o ne ave hono ogo unoho, mo ene ogo kaunaga, mo hono gaahi foha e toko hogofulu ma toko taha, bea nau a‘a i he a‘aaga ko Jaboki.

23 Bea naa ne ave akinautolu o fekau ke nau a‘a ki he kau vai e taha, bea ne ave mo ene mea kotoabe.

¶ 24 Ka nae nofo toko taha be a Jekobe; bea nae ai ae tagata naa na fefauhi mo ia o a‘u ki he mafoa ae ata.

25 Bea i he ene mamata oku ikai te ne malohi kiate ia, naa ne alaji ae tefito tubu o Jekobe: bea nae homo ae tega o Jekobe, i he ena fefauhi mo ia.

26 Bea naa ne behe, Tuku au keu alu, he kuo ma‘a ae aho; bea ne behe, E ikai teu tukuage koe o kabau e ikai te ke tabuaki au.

27 Bea ne behe kiate ia, Kohai ho higoa? bea ne behe, Ko Jekobe.

28 Bea behe eia, E ikai toe ui ho higoa ko Jekobe, ka ko Isileli: he oku hage ko ha eiki a hoo fai malohi ki he Otua, moe tagata, bea kuo ke lava‘i.

29 Bea fehui e Jekobe kiate ia, Oku ou kole kiate koe, ke ke tala mai ho higoa. Bea behe eia, Koeha oku ke fehui ai ki hoku higoa? Bea naa ne tabuaki ia i ai.

30 Bea ne ui e Jekobe ae higoa oe botu koia, ko Benieli. He kuou mamata ki he Otua, koe mata ki he mata, ka oku ou kei moui.

31 Bea i he ene alu i Benieli, nae hobo ae laa, bea nae ketu ia koeuhi ko hono tega.

32 Koia nae ikai kai ai e he fānau a Isileli ae uoua nae alaji, aia oku i he ao‘i tega, o a‘u ki he aho ni: koeuhi naa ne alaji ae ao‘i tubu o Jekobe i he uoua nae migi.