¶ 1 BEA ko Taina koe taahine a Lia, aia naa ne fanau‘i kia Jekobe, nae alu ia ke aahi ki he kau fefine oe fonua.

2 Bea i he mamata kiate ia a Sikemi koe fohoa o Hemoa koe tagata Hevi, koe eiki oe fonua, naa ne buke ia o na mohe, o ne fakahala‘i ia.

3 Bea bikitai hono laumalie kia Taina koe ofefine o Jekobe, bea ofa ia ki he taahine, o ne lea lelei ki he taahine.

4 Bea lea a Sikemi ki he ene tamai ko Hemoa, o behe, Ke ke ma‘u mai ae taahine ni ke ma unoho.

5 Bea fanogo a Jekobe kuo ne fakahala‘i hono ofefine ko Taina; ka nae i he goue a hono gaahi foha, mo ene faga manu: bea logobe a Jekobe kae oua ke nau ha‘u.

¶ 6 Bea nae alu a Hemoa koe tamai a Sikemi kia Jekobe, ke na alea mo ia.

7 Bea i he fanogo ki ai ae gaahi foha o Jekobe, naa nau ha‘u mei he goue; bea mamahi ae kau tagata o nau ita lahi, koeuhi ko ene fai mea kovi i Isileli, o mohe moe ofefine o Jekobe; ae mea nae ikai gofua ke fai.

8 Bea nae lea a Hemoa ki ai, o behe, Oku holi ae laumalie o hoku foha ho Sikemi ki ho ofefine: oku ou kole kiate kimoutolu, foaki mai ia kiate ia, ke na unoho.

9 Bea mou fai mali mo kimautolu, bea foaki mai ho mou gaahi ofefine kiate kimautolu, bea mou ma‘u ho mau gaahi ofefine kiate kimoutolu.

10 Bea ke tau nonofo; bea oku i ho mou ao ae fonua: mou nofo ki ai, mo fai hoo mou fakatau, bea mou ma‘u i ai ae gaahi abi moo moutolu.

11 Bea behe e Sikemi ki he tamai  ae fefine mo hono gaahi tuogaane, Ofa keu lelei i ho mou ao, bea koia oku mou tala teu foaki.

12 Tala mai ae totogi lahi, be koe foaki, bea teu atu o hage koia te mou tala kiate au, kae kehe ke foaki mai ae fefine ke ma unoho.

13 Bea nae lea fakakākā ae gaahi foha o Jekobe kia Sikemi, mo ene tamai ko Hemoa, o nau behe, koe mea i he ene fakahala‘i a Taina, ko ho nau tuofefine:

14 Bea naa nau behe kiate kinaua, Oku ikai te mau faa fai ae mea ni, ke foaki ho mau tuofefine ki ha toko taha oku tae kamu; he koe mea kovi ia kiate kimautolu.

15 Ka i he mea ni te mau loto kiate kimoutolu: o kabau te mou hoko o hage ko kimautolu, koeuhi ke kamu ae tagata kotoabe oku iate kimoutolu.

16 Bea te mau toki foaki ho mau gaahi ofefine kiate kimoutolu, bea te tau nonofo, bea te mau ma‘u ho mou gaahi ofefine kiate kimautolu, bea te tau nonofo, bea te hoko koe kakai be taha.

17 Bea kabau e ikai te mou tokaga kiate kimautolu ke mou kamu: bea te mau too ho mau ofefine, ka mau alu.

18 Bea nae leleiia a Hemoa, mo Sikemi koe foha o Hemoa, i he e nau lea.

19 Bea nae ikai fakatuai ae talavou ke fai ae mea koia, koeuhi nae lahi ene ofa ki he ofefine o Jekobe; bea nae tuu kimu‘a ia i he fale kotoabe o ene tamai.

¶ 20 Bea nae alu a Hemoa mo hono foha ko Sikemi ki he mataba oe nau kolo, o nau alea moe kau tagata oe nau kolo, o behe,

21 Oku nofo fiemalie be ae kau tagata ni mo kitautolu; koia tuku ke nau nofo i he fonua mo fai e nau fakatau i ai: he vakai, oku lahi ae fonua kiate kinautolu; ke tau ma‘u ho nau gaahi ofefine ke unoho, bea tau foaki kiate kinautolu ho tau gaahi ofefine.

22 Ka koe mea be taha e loto ai ae kau tagata kiate kitautolu, ke nofo mo kitautolu, ke tau hoko koe kakai be taha, o kabau e kamu ae tagata kotoabe oku iate kitautolu, o hage oku nau kamu.

23 Ikai e hoko ai e nau faga bulu, moe nau faga manu kotoabe, moe nau gaahi mea, koe tau gaahi mea? kae kehe ke tau loto kiate kinautolu, bea te nau nofo mo kitautolu.

24 Bea nae tokaga kia Hemoa mo Sikemi ko hono foha, akinautolu kotoabe nae alu kituaa i he mataba oe na kolo; bea kamu ae tagata kotoabe, io, akinautolu kotoabe nae hu kituaa i he mataba oe na kolo.

¶ 25 Bea i he ene hokojia hono aho tolu, kuo nau mamahi, bea nae taki taha too ae heleta e he ogo foha e toko ua o Jekobe, ko Simione mo Livai, koe ogo tuogaane o Taina, o na hu malohi ki he kolo, o tamate‘i ae kau tagata kotoabe.

26 Bea naa na tamate‘i a Hemoa mo hono foha ko Sikemi aki ae mata oe heleta, bea na too mai a Taina mei he fale o Sikemi, bea nau o ai.

27 Bea nae ha‘u ai ae gaahi foha o Jekobe ki he kakai mate o nau maumau‘i ae kolo, koe mea i he e nau fakahala‘i ho nau tuofefine.

28 Ne nau ave e nau faga sibi moe nau faga bulu, moe nau faga asi, moe mea kotoabe i he kolo, moe mea i he goue,

29 Moe nau koloa kotoabe, mo nau ave fakabobula e nau fānau iki, mo ho nau gaahi unoho, bea naa nau maumau‘i ae mea kotoabe i he gaahi fale.

30 Bea behe e Jekobe kia Simione mo Livai, Kuo mo fakamamahi‘i au, ke fakanamuku‘i au, ki he kakai oe fonua, koe kakai Kenani moe kakai Belesi: oku ou toko jii au, bea te nau fakataha kotoabe, ke tamate‘i au, bea teu auha, ko au, mo hoku fale.

31 Bea naa na beheage kiate ia, He nae lelei a ene fai ki ho ma tuofefine o hage ko ha muitau?