¶ 1 BEA nae folofola e he Otua kia Jekobe, Vuu hake o alu ki Beteli, bea nofo ai; bea ke gaohi i ai ae ejifeilaulau ki he Otua, aia nae ha kiate koe i hoo hola mei he ao o ho taokete ko Isoa.

2 Bea fekau ai e Jekobe ki hono kau nofoaga, bea mo kinautolu kotoabe nae iate ia, o behe; Tukuage ae gaahi otua kehe oku iate kimoutolu, bea mou maa, bea fetogi ho mou gaahi kofu.

3 Bea ke tau tuu hake, o alu ki Beteli: bea teu gaohi ai ae ejifeilaulau ki he Otua, aia nae tali eku hu, i he aho o eku mamahi, bea nae iate au i he hala naaku alu ai.

4 Bea naa nau tuku kia Jekobe ho nau gaahi otua kehe kotoabe nae i ho nau nima, mo ho nau gaahi hau, nae i ho nau teliga; bea nae fufu ia e Jekobe i he lalo  akau koe oke nae ofi ki Sikemi.

5 Bea naa nau fonoga; bea koe manavahe ki he Otua, nae i he gaahi kolo kotoabe nae tuu takatakai iate kinautolu, bea nae ikai te nau tuli ae gaahi foha o Jekobe.

¶ 6 Bea hoko a Jekobe ki Lusa, i he fonua ko Kenani, aia ko Beteli, koia moe kakai nae iate ia.

7 Bea nae fokotuu eia i ai ae ejifeilaulau, o ne ui ae botu koia, ko Elebeteli: koeuhi nae ha ai ae Otua kiate ia, i he ene hola mei he ao o hono taokete.

8 Bea nae bekia ai a Tebola koe tauhi o Lebeka, bea nae tanu ia i Beteli, i he lolo oke; bea nae fakahigoa ae botu ko Alonibakuti.

¶ 9 Bea nae toe ha ae Otua kia Jekobe, i he ene ha‘u mai Betanalami, o ne tabuaki ia.

10 Bea behe e he Otua kiate ia, Ko ho higoa ko Jekobe: ka e ikai toe ui ho higoa ko Jekobe, ka ko Isileli ho higoa: bea ne ui hono higoa ko Isileli.

11 Bea behe e he Otua kiate ia, Koe Otua Mafimafi au: ke ke monuia, o tubu ke toko lahi; koe buleaga, moe gaahi buleaga e tubu iate koe, bea e tubu iate koe ae gaahi tu‘i.

12 Bea koe fonua naaku tuku kia Ebalahame mo Aisake, oku ou foaki ia kiate koe, bea mo ho hako amui iate koe, teu foaki ki ai ae fonua.

13 Bea nae haele hake ae Otua meiate ia, mei he botu naa ne folofola ai kiate ia.

14 Bea nae fokotuu e Jekobe ae bou i he botu naa ne folofola ai kiate ia, io, ae bou maka: bea ne liligi ki ai ae feilaulau inu, bea ne liligi ki ai ae lolo.

15 Bea nae ui e Jekobe ae higoa oe botu koia nae folofola ai ae Otua kiate ia, ko Beteli.

¶ 16 Bea naa nau fonoga mei Beteli; bea nae toetoe jii be, ke nau hoko ki Efelata, bea nae lagaa ai a Lejieli, bea nae faigataa.

17 Bea i he ene kei lagaa, nae lea ae mauli kiate ia, o behe, Oua te ke manavahe; he te ke ma‘u ae tama ni foki.

18 Bea i he tei alu hono laumalie, (he nae bekia ia,) bea ne ui hono higoa ko Benioni; ka nae ui ia e he ene tamai ko Benijimani.

19 Bea nae bekia a Lejieli, bea tanu ia i he hala oku tau ki Efelata, aia ko Betelihema.

20 Bea nae fokotuu e Jekobe ae bou ki hono tanuaga; bea koe bou ia oe tanuaga o Lejieli, o a‘u ki he aho ni.

¶ 21 Bea nae fai fonoga a Isileli, bea folahi hono fale fehikitaki ki ko atu oe fale maoluga ko Eta.

22 Bea i he kei nofo a Isileli i he fonua koia, nae alu a Lubeni o na mohe mo Bila, koe jinifu o ene tamai; bea fanogo ki ai a Isileli. Bea koe gaahi foha o Jekobe nae toko hogofulu ma toko ua.

23 Koe gaahi tama a Lia: ko Lubeni, koe uluaki o Jekobe, mo Simione, mo Livai, mo Juta, mo Isaka, mo Sebuloni.

24 Koe ogo tama a Lejieli: ko Josefa mo Benijimani.

25 Bea koe ogo tama a Bila, koe kaunaga a Lejieli, ko Tani, mo Nafitali.

26 Bea koe ogo tama a Siliba, koe kaunaga a Lia; ko Kata mo Aseli; koe gaahi foha eni o Jekobe, nae fanau‘i kiate ia i Betanalami.

¶ 27 Bea nae ha‘u a Jekobe ki he eni tamai ko Aisake i Mamili, ki he kolo ko Aaba, aia ko Hebeloni, koe botu nae aunofo ai a Ebalahame mo Aisake.

28 Bea koe gaahi aho o Aisake, koe ta‘u e teau, moe ta‘u e valugofulu.

29 Bea tukuage e Aisake a hono laumalie, bea bekia ia, bea fakataha ia ki hono kakai, kuo motua, nae a‘u hono gaahi aho; bea nae tanu ia e hono ogo foha, ko Isoa, mo Jekobe.