¶ 1 BEA nae ave a Josefa ki Ijibite; bea ko Botifa koe matābule a Felo, koe bule oe kau leo, koe tagata Ijibite, naa ne fakatau ia i he nima oe kau Isimeli, akinautolu naa nau omi ia ki ai.

2 Bea nae ia Josefa a Jihova, bea koe tagata monuia ia, bea naa ne i he fale o ene eiki, koe tagata Ijibite.

3 Bea mamata ene eiki ki he iate ia a Jihova, bea moe fakamonuia e Jihova i hono nima ae mea kotoabe naa ne fai.

4 Bea nae lelei a Josefa i hono ao. o ne gaue kiate ia, bea ne fakanofo ia ke leohi hono fale, bea naa ne tuku ki hono nima a ene mea kotoabe.

5 Bea talu ae fakanofo ia ke leohi hono fale, bea mo ene mea fulibe, nae tabuaki e Jihova ae fale oe tagata Ijibite, koeuhi ko Josefa: bea koe tabuaki a Jihova nae i he ene mea kotoabe, i he fale, bea i he goue.

6 Bea naa ne tuku ene mea kotoabe ki he nima o Josefa; bea nae ikai te ne tokaga‘i eia haane mea, ka koe ma be naa ne kai. Bea koe tagata jino lelei a Josefa mo toulekeleka.

¶ 7 Bea hili ae gaahi mea ni, nae fakajiojio ae unoho oe eiki a Josefa kiate ia; bea ne behe, Ha‘u ke ta mohe.

8 Ka nae ikai loto ia ki ai, o ne behe ki he unoho o hono eiki, Vakai, oku ikai ilo‘i e he eku eiki ae gaahi mea oku oona i he fale, bea kuo ne tuku ia kotoabe ki hoku nima:

9 Oku ikai ha toko taha oku lahi hake iate au i he fale ni; bea nae ikai te ne taofi au mei ha mea e taha, ka ko koe be, koeuhi ko hono unoho koe: bea e fefe eku fai ae hala lahi ni, keu halaia ai ki he Otua?

10 Bea i he ene lea be i he aho kotoabe kia Josefa, nae ikai te ne tokaga kiate ia, ke na mohe, be ke ofi kiate ia.

11 Bea i he gaahi aho koia, nae behe, nae hu  a Josefa ki fale ke fai ene gaue; bea nae ikai ha tagata oe kakai oe fale i ai.

12 Bea naa ne buke ki hono kofu, o ne behe, Ha‘u ke ta mohe; ka nae jiaki e  Josefa hono kofu i hono nima, ka ka hola ia o hao kitua.

13 Bea nae hoko o behe, i he ene mamata kuo tuku hono kofu ki hono nima, bea kuo hola ia kitua,

14 Naa ne ui ki he kau tagata o hono fale, o ne behe kiate kinautolu, Vakai, kuo ne omi ae Hebelu ni ke bauuji‘i mai kiate kitautolu: nae ha‘u ia kiate au ke ma mohe mo ia, beau kalaga i he le‘o lahi:

15 Bea kuo fanogo ia kuou hiki hoku le‘o o kalaga, iloage, naa ne jiaki hono kofu kiate au, ka ka hola, bea mole kituaa.

16 Bea naa ne tuku mau hono kofu, kae oua ke ha‘u ene eiki.

17 Bea naa ne lea kiate ia i he lea ni, o behe, Koe tamaioeiki Hebelu naa ke omi kiate kitautolu, nae ha‘u kiate au ke bauu mai kiate au.

18 Bea i he eku hiki hake hoku le‘o o kalaga, iloage, naa ne jiaki hono kofu kiate au, bea hola kituaa.

19 Bea kuo fanogo a ene eiki ki he gaahi lea a hono unoho, aia naa ne lea aki kiate ia, o ne behe, Nae fai behe a hoo tamaioeiki kiate au; nae tubu ai ene ita lahi.

20 Bea nae ave a Josefa e he ene eiki, ki he fale fakabobula, ki he botu nae ha‘i ai ae kau bobula ae tu‘i: bea nae nofo ai ia i he fale fakabobula.

¶ 21 Ka nae ia Josefa a Jihova, o ne aloofa kiate ia, mo ne fakaofeina ia i he ao oe tauhi fale fakabobula.

22 Bea nae tuku e he tauhi fale fakabobula ki he nima o Josefa ae kau bobula kotoabe nae i he fale fakabobula; bea koe mea kotoabe naa nau fai, nae fai maana.

23 Nae ikai vakai e he tauhi fale fakabobula ki ha mea e taha nae i hono nima; koeuhi nae iate ia a Jihova, bea koia naa ne fai, nae fakamonuia ia e Jihova.