¶ 1 BEA kuo mamata e Jekobe oku ai ae koane i Ijibite, bea behe a Jekobe ki hono gaahi foha, Koeha oku mou fejiofaki ai?

2 Bea behe eia, Vakai, kuou fanogo oku ai ae koane i Ijibite: mou alu ki ai, bea mou fakatau maa tautolu mei ai; koeuhi ke tau moui, kae ikai mate.

¶ 3 Bea nae alu ki Ijibite ke fakatau koane, ae gaahi taokete e toko hogofulu o Josefa.

4 Ka ko Benijimani koe tehina o Josefa, nae ikai tuku ia e Jekobe ke alu mo hono gaahi taokete; he naa ne behe; Telia naa to ha kovi kiate ia.

5 Bea ha‘u ae gaahi foha o Isileli ke fakatau ae koane mo kinautolu nae ha‘u; he nae lahi ae hoge i he fonua ko Kenani.

6 Bea nae bule be a Josefa i he fonua, bea koia be nae fakatau ki he kakai kotoabe oe fonua; bea ha‘u ae gaahi taokete o Josefa, o nau tulolo mo ho nau mata ki he kelekele, i hono ao.

7 Bea mamata a Josefa ki hono gaahi taokete, o ne ilo akinautolu, ka nae mata kehe ia kiate kinautolu, o ne lea malohi kiate kinautolu: bea ne behe kiate kinautolu, Oku mou ha‘u meife? bea nau talaage, Mei he fonua ko Kenani, ke fakatau meakai.

8 Bea nae ilo e Josefa hono gaahi taokete, ka nae ikai te nau ilo ia.

9 Bea nae manatu e Josefa ki he gaahi miji naa ne miji aki kiate kinautolu, bea behe eia kiate kinautolu, Koe kau mataki akimoutolu; kuo mou ha‘u ke mamata ki he telefua oe fonua.

10 Bea nau talaage kiate ia, Eiki oku ikai, ka kuo ha‘u a hoo kau tamaioeiki ke fakatau meakai.

11 Koe gaahi foha oe tagata be taha aki mautolu kotoabe: koe kau tagata mooni akimautolu, oku ikai koe kakai mataki a hoo kau tamaioeiki.

12 Bea behe eia kiate kinautolu, Ikai, ka kuo mou ha‘u ke mamata ki he telefua oe fonua.

13 Bea naa nau behe, Ko hoo kau tamaioeiki, koe kaiga e toko hogofulu ma toko ua, koe gaahi foha oe tagata be taha i he fonua ko Kenani; bea vakai, koe kimui, oku i he e mau tamai he aho ni, bea koe toko taha kuo ikai.

14 Bea behe e Josefa kiate kinautolu, Koia ia naaku lea ai kiate kimoutolu, o behe, koe kau mataki akimoutolu.

15 E ahiahi kiate kimoutolu aki ae mea ni; hage oku moui a Felo, e ikai te mou alu i heni, o kabau e ikai ha‘u ki heni ho mou tehina.

16 Fekau ho mou toko taha ke ne alu o omi ho mou tehina, bea e nofo bobula akimoutolu, koeuhi ke fakamooni ki hoo mou gaahi lea, be oku ai ha mooni iate kimoutolu; ka ka ikai, hage oku moui a Felo, koe kau mataki akimoutolu.

17 Bea naa ne tuku fakataha akinautolu ki he fale fakabobula, i he aho e tolu.

18 Bea behe e Josefa kiate kinautolu i hono aho tolu, Mou fai eni, bea mou moui; he oku ou manavahe ki he Otua;

19 Kabau koe kau tagata agatonu akimoutolu, tuku ke ha‘i ho mou toko taha i he fale o ho mou bobula: ka mou alu o fetuku ae koane telia ae hoge i ho mou gaahi fale.

20 Ka mou omi ho mou tehina kiate au; koia e fakamooni ai hoo mou gaahi lea, bea e ikai te mou mate. Bea naa nau fai ia.

¶ 21 Bea naa nau fealeleaaki o behe, Koe mooni, oku tau kovi koe mea i he tau tehina, koe mea i he e tau mamata ki he feiga a hono laumalie, i he ene fakakole kiate kitautolu, ka nae ikai te tau fie tokaga kiate ia; koia kuo to ai ae mamahi ni kiate kitautolu.

22 Bea lea a Lubeni kiate kinautolu, o behe, Ikai neu lea kiate kimoutolu, o behe, Oua naa mou fai hala ki he tamajii, ka nae ikai te mou tokaga? koia, vakai, oku eke foki ae totogi o hono toto.

23 Bea nae ikai te nau ilo oku ilo e Josefa e nau lea; he nae lea ia kiate kinautolu aki ae tagata hiki lea.

24 Bea nae foki atu ia iate kinautolu o tagi; bea toe ha‘u ia kiate kinautolu, ke nau alea, bea naa ne too a Simione iate kinautolu, o ha‘i ia i ho nau ao.

¶ 25 Bea nae fekau a Josefa ke fakafonu e nau gaahi tagai i he koane, bea ke toe ai ki he tagai ae tagata taki taha, ene baaga, bea ke tuku kiate kinautolu ae oho ke kai i he hala; bea nae fai behe ia kiate kinautolu.

26 Bea naa nau fakaheka ae koane ki he e nau faga asi, bea nau alu.

27 Bea i he too e ho nau toko taha ene tagai ke atu ae mea kai ki he ene asi i he fale talifonoga, nae ilo eia ene gaahi baaga; he vakai nae i he gutu oe tagai ia.

28 Bea behe eia ki hono gaahi tokoua, Kuo toe omi eku gaahi baaga; he vakai, oku i he gutu o eku tagai; bea nae vaivai ai ho nau loto, bea nau manavahe, o febeheaki, Koeha eni kuo fai e he Otua kiate kitautolu?

¶ 29 Bea naa nau ha‘u kia Jekobe koe nau tamai ki he fonua ko Kenani, o nau fakaha kiate ia ae mea kotoabe nae hoko kiate kinautolu; o behe,

30 Koe tagata oku eiki i he fonua, nae lea malohi kiate kimautolu, o behe, Koe kau mataki akimoutolu ki he fonua.

31 Bea mau tala kiate ia, koe kau tagata mooni akimautolu; oku ikai koe kau mataki akimautolu.

32 Koe kaiga e toko hogofulu ma toko ua akimautolu, koe gaahi foha oe mau tamai, koe toko taha oku ikai, bea koe kimui oku i he e mau tamai he aho ni, i he fonua ko Kenani.

33 Bea koe tagata, koe eiki oe fonua, nae behe kiate kimautolu, Teu ilo i he mea ni, be koe kau tagata mooni akimoutolu; tuku mai ho mou tokoua e toko taha kiate au, bea mou ave ae meakai ki he hoge o ho mau gaahi fale, bea mou alu;

34 Bea mou omi ki heni, ho mou tehina: koia teu ilo ai, oku ikai koe kau mataki akimoutolu, ka koe kau tagata mooni: bea teu toe tuku ai kiate kimoutolu ho mou tokoua, bea te mou fakatau i he fonua ni.

¶ 35 Bea i he e nau ligi e nau gaahi tagai, bea nau vakai, nae ilo taki taha ae tagata ene kato baaga i he gutu o ene tagai: bea kuo mamata akinautolu moe nau tamai ki he gaahi kato baaga, naa nau manavahe.

36 Bea behe e Jekobe koe nau tamai kiate kinautolu, Kuo mou fakamajiva au i he eku fānau; kuo ikai a Josefa, bea kuo ikai mo Simione, bea te mou toe ave mo Benijimani; oku kovi ae gaahi mea ni kotoabe kiate au.

37 Bea lea a Lubeni ki he ene tamai, o behe, Tamate‘i hoku foha e toko ua, o kabau e ikai teu toe omi ia kiate koe; tuku mai ia ki hoku nima, bea teu toe omi ia kiate koe.

38 Bea behe eia, E ikai alu hifo hoku foha mo kimoutolu, he kuo mate hono tokoua, bea oku toe toko taha be ia; bea kabau e hoko ha kovi kiate ia i he hala oku mou alu ai, te mou omi hoku ulu hina ki he faitoka i he mamahi.