¶ 1 BEA nae ikai faa taofi ia e Josefa i he ao okinautolu kotoabe nae tutuu o ofi kiate ia; bea tagi ia, o behe, Ke alu ae tagata kotoabe meiate au. Bea nae ikai i ai ha tagata e toko taha, i he fakaha ia e Josefa ki hono gaahi tokoua.

2 Bea nae tagi kalaga ia; bea nae fanogo ki ai ae kakai Ijibite moe fale o Felo.

3 Bea behe e Josefa ki hono gaahi tokoua, Ko Josefa au: oku kei moui eku tamai? bea nae ikai faa tali ia e hono gaahi tokoua; he kuo nau bubutuu i hono ao.

4 Bea behe e Josefa ki hono gaahi tokoua, Oku ou kole kiate kimoutolu, mou unuunu mai kiate au. Bea naa nau unuunu atu, bea behe eia, Ko Josefa au, ko ho mou tokoua, aia naa mou fakatau ki Ijibite.

5 Bea koeni oua naa mou mamahi, be ita kiate kimoutolu, koeuhi ko hoo mou fakatau au ki heni: he nae fekau au e he Otua, keu muomua iate kimoutolu ke fakahaofi hoo mou moui.

6 He ko hono ua ta‘u eni, moe hogea ae fonua: bea oku toe ae ta‘u e nima e ikai i ai ha to ta‘u be koe ututa‘u.

7 Bea nae fekau au e he Otua ke muomua iate kimoutolu ke fakamoui ho mou hako i mamani, ke fakahaofi hoo mou moui, i he fakamoui lahi.

8 Bea koeni, nae ikai ko kimoutolu nae fekau au ki heni, ka koe Otua: bea kuo ne gaohi au koe tamai kia Felo, moe eiki ki hono fale kotoabe, bea moe bule ki he fonua kotoabe o Ijibite.

9 Mou fakatootoo, o alu ki he eku tamai, bea mou behe kiate ia, Oku lea behe ho foha ko Josefa, Kuo gaohi au e he Otua koe eiki ki Ijibite kotoabe; ke ke ha‘u kiate au, oua naa tatali.

10 Bea te ke nofo i he fonua ko Koseni, bea te ke ofi kiate au, akoe mo hoo fānau, moe fānau a hoo fānau, mo hoo faga manu, mo hoo faga sibi, moe mea kotoabe oku ke ma‘u.

11 Bea teu fafaga koe i ai; he oku kei toe ae ta‘u e nima oe hoge: telia naa majiva koe mo hoo kau nofoaga, bea moe mea kotoabe oku ke ma‘u.

12 Bea vakai, oku mamata a ho mou mata, bea moe mata o hoku tehina ko Benijimani, ko hoku gutu ia oku lea kiate kimoutolu.

13 Bea te mou tala ki he eku tamai hoku nāunāu kotoabe i Ijibite, bea moe mea kotoabe kuo mou mamata ki ai; bea te mou fakatootoo o omi eku tamai ki heni.

14 Bea naa ne faaki ki he kia o hono tehina ko Benijimani o tagi; bea tagi a Benijimani ki hono kia.

15 Bea uma ia ki hono gaahi tokoua kotoabe, o faufua mo tagi kiate kinautolu; bea hili ia ne nau fealeleaaki mo hono gaahi tokoua.

¶ 16 Bea nae ogo ae mea ni ki he fale o Felo, o behe, Kuo ha‘u ae gaahi tokoua o Josefa: bea nae fiefia lahi ai a Felo, bea mo hono kau nofoaga.

17 Bea behe e Felo kia Josefa, Ke ke lea behe ki ho kaiga, Mou fai ae mea ni; hilifaki ae koane ki hoo mou faga manu, bea mou mole leva ki he fonua ko Kenani;

18 Bea omi hoo mou tamai mo hoo mou gaahi kau nofoaga o ha‘u kiate au; bea teu foaki kiate kimoutolu ae lelei oe fonua ko Ijibite, bea te mou kai ae lelei oe fonua.

19 Bea koeni, kuo mou ma‘u ae fekau, bea mou fai eni; bea mou ave ae gaahi saliote mei he fonua ko Ijibite, koeuhi ko hoo mou tamaiki, mo ho mou gaahi unoho, bea mou omi hoo mou tamai, bea ha‘u.

20 Bea oua naa tokaga foki ki hoo mou gaahi mea: he oku amoutolu ae lelei oe fonua ko Ijibite kotoa.

21 Bea nae fai ia e he fānau a Isileli; bea foaki e Josefa ae gaahi saliote kiate kinautolu o hage koe fekau a Felo, o ne atu ho nau oho ki he hala.

22 Naa ne foaki kiate kinautolu, ki he tagata taki taha ae gaahi kofu, ka naa ne foaki kia Benijimani ae koga siliva e tolugeau, moe gaahi kofu kotoa kehekehe e nima.

23 Bea ne tuku ae mea koeni ki he ene tamai; koe asi e hogofulu kuo fakaheka ki ai ae gaahi mea lelei o Ijibite, bea koe asi fefine e hogofulu kuo fakaheka ki ai ae koane, moe ma, moe meakai koe oho ki he ene tamai i he hala.

24 Bea ne tuku hono gaahi tokoua ke nau alu, bea naa nau alu: bea behe eia kiate kinautolu, Vakai, ke oua naa mou ke i he hala.

¶ 25 Bea naa nau alu mei Ijibite, o hoko ki he fonua ko Kenani, kia Jekobe koe nau tamai,

26 O nau talaage kiate ia o behe, Oku kei moui a Josefa, bea koe bule ia oe fonua kotoabe o Ijibite. Bea lele ai ae moui o Jekobe, he nae ikai te ne tui kiate kinautolu.

27 Bea naa nau tala kiate ia ae gaahi lea kotoabe a Josefa, aia naa ne tala kiate kinautolu; bea i he ene mamata ki he gaahi saliote nae fekau e Josefa ke fetuku ia, nae toe moui ae laumalie oe nau tamai ko Jekobe:

28 Bea nae behe e Isileli, Maua, oku kei moui hoku foha ko Josefa: teu alu o mamata kiate ia i he heeki ai teu mate.