¶ 1 BEA nae fekau e Jekobe ki hono gaahi foha, o behe, Mou fakataha mai, koeuhi keu fakaha kiate kimoutolu aia e hoko kiate kimoutolu i he gaahi aho amui.

2 Ae gaahi foha o Jekobe, mou fakakatoa akimoutolu o fanogo: bea fakafanogo kia Isileli ko hoo mou tamai.

¶ 3 Ko Lubeni, ko hoku uluaki koe, ko hoku malohi, moe kamataaga o hoku malohi, koe lelei moe galigali eiki, moe fugani oe malohi.

4 Oku ke gau‘eue koe o hage koe vai, bea e ikai te ke hoko o lelei; koeuhi naa ke alu ki he mohega o hoo tamai; bea naa ke fakauli‘i ia: naa ke alu ki hoku tokotoaga.

¶ 5 Ko Simione mo Livai koe ogo tokoua; oku i he e na fakakaukau ae gaahi mea tautea fakamamahi.

6 Ko hoku laumalie, oua naa ke fie kau ki he e na fakalilolilo; ko hoku ogoogolelei, oua naa ke kau mo ho na fakataha, he naa na tamate‘i ae tagata i he e na ita, bea i ho na loto lahi, naa na holoki hifo ae a maka.

7 Malaia ki he e na ita, he nae kakaha ia: moe na lili, he nae tae ofa ia: teu tufa akinaua i Jekobe, mo veteki akinaua i Isileli.

¶ 8 Ko koe Juta, e fakamalo ki ai a ho gaahi tokoua; e i he kia o ho gaahi fili a ho nima; e bunou kiate koe ae gaahi fānau a hoo tamai.

9 Koe uhiki laione a Juta: ko hoku foha kuo ke alu hake mei he tamatea: naa ne tulolo, o tokoto o hage koe laione, bea hage koe laione motua; bea kohai te ne ue‘i hake ia?

10 E ikai mole ae tokotoko oe bule ia Juta, be ha taha ke foaki ae fono mei hono va‘e, kae oua ke haele mai a Sailo; bea e iate ia ae tanaki fakataha oe kakai.

11 Te ne nootaki ene uhiki ki he vaine, mo ene uhiki asi ki he vaine matuaki lelei; te ne fo hono gaahi kofu i he uaine, mo hono gaahi kofu i he toto oe kalebi.

12 E kulokula hono mata i he uaine, bea e hinehina hono nifo i he hua huhu.

¶ 13 E nofo a Sebuloni i he taulaga ki tahi; bea koe taulaga ia ki he gaahi vaka: bea e a‘u atu a hono gataaga ki Saitoni.

¶ 14 Koe asi malohi a Isaka, oku tokoto ia i he tauloto oe kavega e ua.

15 Bea e behe eia oku lelei ae fiemalie, bea oku mata lelei ae fonua; bea e fakabunou hifo hono uma ke haamo, bea e hoko ia koe tamaioeiki ki he tukuhau.

¶ 16 E fakamāu hono kakai e Tani o hage koe toko taha ae faahiga o Isileli.

17 Koe gata fekai a Tani i he veehala, koe gata ia i he hala oku ne uu ae mui va‘e oe hose, koia e higa ki mui ai ae tagata heka hose.

18 Kuou tatali ki hoo fakamoui e Jihova.

¶ 19 Ko Kata, e lava‘i ia e ha kogakau, ka te ne toki ikuna amui.

¶ 20 E tubu ia Aseli ae ma lelei, bea e tubu iate ia ae gaahi meakai fakaeieiki.

¶ 21 Koe hainiti a Nafitali kuo veteage: oku ne lea aki ae gaahi lea lelei.

¶ 22 Koe vaa fua lahi a Josefa, io koe vaa fua ia oku ofi ki he vai; oku kaka hake hono gaahi vaa i he fuga a.

23 Kuo fakamamahi lahi ia e he kau tagata fana, o nau fana‘i ia, mo fehia kiate ia:

24 Ka nae tuu mau ene kaufana i he malohi, bea nae fakamalohi ae kubu‘i nima o hono nima, e he nima oe Mafimafi o Jekobe. Oku mei ai ae Tauhi, koe Maka o Isileli:

25 Io, mei he Otua o hoo tamai, aia te ne tokoni‘i koe; bea i he Mafimafi, aia te ne tabuaki koe aki ae gaahi tabuaki oe lagi mei oluga, moe gaahi tabuaki oe loloto oku i lalo, moe tabuaki oe gaahi huhu, bea moe manāva:

26 Koe gaahi tabuaki a hoo tamai kuo mahilihili ia ki oluga i he gaahi tabuaki a hoo gaahi kui, o a‘u ki he matuaki gataaga mamao oe gaahi mouga taegata; te nau i he ulu o Josefa, bea ki he tumuaki oe ulu o ia nae vahe‘i mei hono gaahi tokoua.

¶ 27 E uakai a Benijimani o hage koe ulofi: te ne kai i he bogibogi aia kuo ne ma‘u, bea te ne tufa i he bo ae koloa kuo vete.

¶ 28 Koe gaahi faahiga e hogofulu ma ua eni o Isileli; bea ko eni ia nae lea aki e he e nau tamai kiate kinautolu, o ne tabuaki aki akinautolu; naa ne tabuaki akinautolu taki taha, o fakatatau ki hono tabuaki oona.

29 Bea fonojia ia kiate kinautolu, o ne behe. E tanaki au ki hoku kakai: ka mou tanu au mo eku gaahi tamai; i he ana oku i he goue a Efilone oe faahiga o Heti.

30 I he ana oku i he goue i Makibila, aia oku haga atu ki Mamili, i he fonua ko Kenani, aia nae fakatau e Ebalahame, moe goue a Efilone oe kau Heti, koe botu maana koe tanuaga.

31 Naa nau tanu i ai a Ebalahame mo hono unoho ko Sela; bea naa nau tanu i ai a Aisake mo hono unoho ko Lebeka; bea naaku tanu i ai a Lia.

32 Nae fakatau ae goue moe ana oku i ai, mei he fānau a Heti.

33 Bea kuo fakaoji e Jekobe ene fekau ki hono gaahi foha, bea naa ne hamuji hake hono va‘e i he mohega, bea tukuage eia hono laumalie, bea nae tanaki ia ki hono kakai.