¶ 1 BEA tomabee a Josefa ki he mata o ene tamai, o tagi kiate ia, mo uma kiate ia.

2 Bea fekau e Josefa ki he ene kau tagata faitoo, ke nau fakatologa‘i ene tamai; bea nae fakatologa a Isileli e he kau faitoo.

3 Bea nae fai ae aho e fagofulu koeuhi koia; he ko hono gaahi aho ia kiate kinautolu oku fakatologa‘i; bea nae tagi ae kakai Ijibite i he aho e fitugofulu koeuhi koia.

4 Bea i he hili ae gaahi aho fakamamahi, nae lea a Josefa ki he fale o Felo, o behe, Ko eni, kabau kuou lelei i ho mou ao, oku ou kole kiate kimoutolu ke mou lea i he ao o Felo, o behe,

5 Nae bule‘i au e he eku tamai keu fuakava, o behe, Vakai, teu mate: bea te ke tanu au i he faitoka naaku gaohi maaku i he fonua ko Kenani. Bea koeni, oku ou kole kiate koe, tuku keu alu o tanu eku tamai, bea teu toe ha‘u.

6 Bea nae behe e Felo, Ke ke alu o tanu hoo tamai, o hage koe fuakava naa ne fekau ke ke fai.

¶ 7 Bea nae alu a Josefa ke tanu ene tamai; bea nae alu mo ia ae kau matābule kotoabe a Felo, moe kau mātua o hono fale, moe kau mātua o Ijibite,

8 Bea moe fale kotoabe o Josefa, mo hono gaahi tokoua, moe fale o ene tamai; koe nau tamaiki, moe nau faga manu, moe nau faga sibi, naa nau tuku be i he fonua ko Koseni.

9 Bea nae alu mo ia ae gaahi jaliote, moe kau tagata heka hose; koe kakai toko lahi aubito.

10 Bea naa nau hoko ki he hahaagauite i Etati, aia oku i tua Joatani, bea nau tagi ai i he tagi lahi mo fakamamahi: bea naa ne fai ae tagi ki he ene tamai i he aho e fitu.

11 Bea kuo mamata e he kakai oe fonua, aia koe kakai Kenani, ki he tagi i he botu i Etati, bea nau lea o behe, Koe tagi fakamamahi eni, ki he kakai Ijibite; koia nae ui ai hono higoa o ia ko Ebeli‐misilemi, aia oku i tua Joatani.

12 Bea nae fai e hono gaahi foha kiate ia, o hage ko ene fekau.

13 He nae fata ia e hono gaahi foha ki he fonua ko Kenani, o nau tanu ia i he ana i he goue ko Makibila oku haga ki Mamili, aia nae fakatau maana e Ebalahame, moe goue koe tanuaga, mei a Efilone oe faahiga o Heti.

14 Bea nae toe liu mai a Josefa ki Ijibite, hili ae tanu o ene tamai, aia mo hono gaahi tokoua, mo kinautolu kotoabe nae alu mo ia ke tanu ene tamai.

¶ 15 Bea kuo mamata e he gaahi tokoua o Josefa, kuo bekia ae nau tamai, naa nau behe, E fehia nai a Josefa kiate kitautolu, mo totogi kiate kitautolu ae kovi kotoabe naa tau fai kiate ia.

16 Bea naa nau fakau ae toko taha ke alu kia Josefa o lea behe, Nae fekau e hoo tamai i he ene kei moui, o behe,

17 Te mou lea behe kia Josefa, Oku ou kole ni kiate koe, fakamolemole ae kovi a ho gaahi tokoua moe nau fai hala; he naa nau fai kovi kiate koe: bea koeni, oku mau kole kiate koe, fakamolemole ae hia ae kau tamaioeiki ae Otua o hoo tamai. Bea nae tagi a Josefa i he e nau lea kiate ia.

18 Bea alu hono gaahi tokoua o foohifo i hono ao; a nau lea behe, Vakai mai, ko hoo kau tamaioeiki akimautolu.

19 Bea beheage e Josefa kiate kinautolu, Oua te mou manavahe; he koe fetogi au oe Otua?

20 Ka ko kimoutolu, naa mou mahalo kovi kiate au, ka nae bule‘i ia e he Otua ke lelei, koeuhi ke fakahoko aia oku fai he aho ni, ke fakahaofi ae moui ae kakai toko lahi.

21 Bea koeni, ke oua naa mou manavahe; he teu tauhi akimoutolu mo hoo mou tamaiki. Bea naa ne fakafiemalie‘i akinautolu, o lea ofa kiate kinautolu.

¶ 22 Bea nae nofo a Josefa i Ijibite, aia, moe fale o ene tamai; bea koe moui a Josefa koe ta‘u e teau, moe ta‘u e hogofulu.

23 Bea nae mamata a Josefa ki he fānau a Ifalemi, koe toutagata e tolu koe fānau foki a Mekili koe foha o Manase, nae omi o tuku ki he fuga tui of Josefa.

24 Bea nae behe e Josefa ki hono gaahi tokoua, Teu mate au; bea koe mooni e aahi ae Otua kiate kimoutolu, o ave akimoutolu mei he fonua ni, ki he fonua naa ne fuakava ki ai kia Ebalahame, mo Aisake, bea mo Jekobe.

25 Bea nae fai kia Josefa ae fuakava e he fānau a Isileli, o behe, Koe mooni e aahi ae Otua kiate kimoutolu, bea te mou fetuku hoku gaahi hui mei heni.

26 Bea nae bekia ai a Josefa, kuo teau ta‘u, moe ta‘u e hogofulu hono motua: bea naa nau fakatologa‘i ia, bea nau ai ia ki he buha i Ijibite.