¶ 1 BEA nae fekau e Josiua koe foha o Nuni, ae ogo tagata mei Sitimi, ke na fakaajiaji fakafufu be, o ne behe, Mo o o vakai ae fonua, io a Jeliko. Bea naa na o o hoko ki he fale o ha fefine agahala, nae higoa ko Lehabi, bea na mohe ai.

2 Bea nae tala ki he tu‘i o Jeliko, o behe, Vakai, nae omi ae ogo tagata ki heni i he bo ni mei he fānau a Isileli ke mataki‘i ae fonua.

3 Bea nae fekau e he tu‘i o Jeliko kia Lehabi, o behe, Omi ae ogo tagata kuo ha‘u kiate koe, aia kuo hu ki ho fale: he kuo na hau ke mataki‘i ae fonua kotoabe.

4 Ka nae ave e he fefine ae ogo tagata, o ne fufu akinaua, o ne tala o behe, Nae omi ae ogo tagata kiate au, ka nae ikai teu ilo be kuo na hau meife:

5 Bea i he hokojia ae sogo oe matani kolo i he bouli, nae alu ae ogo tagata ki tuaa: bea oku ikai teu iloa be ne na o kife: mou tuli fakatootoo akinaua; he te mou ma‘u akinaua.

6 Ka kuo oji ene omi akinaua ki he tua fale, o ne fufu akinaua i he gaahi kau oe falakesi, aia naa ne folahi lelei ki he tuafale.

7 Bea nae tuli akinaua e he kau tagata i he hala ki Joatani o a‘u atu ki he gaahi aaaga: bea i he alu leva kituaa akinautolu nae tuli akinaua, naa nau tabuni leva ae matani kolo.

¶ 8 Bea i he teeki ke takoto akinaua, naa ne alu hake kiate kinaua i he tuafale;

9 Bea behe eia ki he ogo tagata, Oku ou ilo kuo foaki e Jihova ae fonua kiate kimoutolu, bea kuo to ho mou lilika kiate kimautolu, bea kuo ilifia ae kakai kotoabe oe fonua koeuhi ko kimoutolu.

10 He kuo mau fanogo ki he fakamomoa e Jihova ae gaahi vai oe Tahi Kulokula maa moutolu, i hoo mou ha‘u mei Ijibite; bea mo ia ne mou fai ki he ogo tu‘i oe kau Amoli, aia nae i he kauvai e taha o Joatani, a Sihoni, mo Oki, aia ne mou fakaauha aubito.

11 Bea i he e mau ogo‘i leva, nae vaivai ho mau loto, bea nae ikai aubito kei malohi ha tagata koeuhi ko kimoutolu: he ko Jihova ko ho mou Otua, koe Otua ia i oluga i he lagi, bea i mamani i lalo.

12 Bea koeni, oku ou kole kiate kimoua, mo fuakava kiate au ia Jihova, i he eku fakaha ae agaofa ni kiate kimoua, bea koeuhi ke mo fakaha ae agaofa ki he fale o eku tamai foki, bea tuku mai kiate au ha fakailoga mooni:

13 Koeuhi ke mou fakamoui eku tamai, mo eku fa‘e, mo hoku gaahi tuogaane mo hoku gaahi tehina, mo ia kotoabe oku nau ma‘u, bea fakahaofi e mau moui mei he mate.

14 Bea nae tala kiate ia e he ogo tagata, Koe ma moui, ki hoo mou moui, o kabau e ikai te mou fakaha e ma gaue ni. Bea e hoko o behe, i he tuku mai e Jihova ae fonua kiate kimautolu, te mau fai agaofa mo agatonu kiate koe.

15 Bea naa ne toki tukutuku hifo akinaua mei he mataba jioata aki ae afo: he nae tuu hono fale i he fuga a oe kolo, bea nae nofo ia i oluga i he a.

16 Bea behe eia kiate kinaua, Mo o o mole atu ki he mouga, telia naa mo fetaulaki moe kau tuli; bea fufu akimoua i ai i he aho e tolu, kae oua ke liu mai ae kau tuli: bea hili ia e lelei hoo mo o i ho mo hala.

17 Bea nae behe e he ogo tagata kiate ia, Oku ma  fie taehalaia i hoo fuakava ni, aia kuo ke fakafuakava ai mo kimaua.

18 Vakai, oka mau ka hoko ki he fonua, te ke nonoo ae botu afo kulokula ni i oluga i he mataba, aia naa ke tukutuku hifo ai akimaua: bea ke omi hoo tamai mo hoo fa‘e, mo ho gaahi tuogaane, moe kaiga kotoabe oe fale o hoo tamai, ki abi kiate koe.

19 Bea e behe, iloga aia e hu kitua i he mataba o ho fale ki he hala, e i hono ulu be a hono toto, bea e tae hala akimaua: bea iloga aia e iate koe i he fale, e i ho ma ulu hono toto, o kabau e ala e ha nima kiate ia.

20 Bea kabau te ke fakaha e ma gaue ni, te ma toki ataatā ai mei he fuakava aia kuo ke fefuakava ai mo kimaua.

21 Bea nae behe eia, Hage ko hoo mo gaahi lea, ke behe be ia. Bea naa ne fekau akinaua ke na o, bea na o: bea ne nootaki ae afo kulokula i he mataba.

22 Bea naa na o, bea hoko ki he mouga, o na nofo ai i he aho e tolu, kae oua liu mai ae kau tuli: bea nae kumi akinaua e he kau tuli i he botu kotoabe oe hala, ka nae ikai te nau ilo akinaua.

¶ 23 Koia nae liu mai ae ogo tagata o alu hifo mei he mouga, o na o ki he kauvai e taha, o hoko kia Josiua koe foha o Nuni, o fakaha kiate ia aia kotoabe kuo hoko kiate kinaua:

24 Bea naa na behe kia Josiua, Koe mooni kuo tukuage e Jihova ae fonua kotoabe ki ho tau nima; he oku vaivai ae kakai kotoabe oe fonua koeuhi ko kitautolu.