¶ 1 BEA koeni, nae tabuni mau a Jeliko koeuhi koe fānau a Isileli: nae ikai hu kitua ha toko taha, be hu ha toko taha ki loto.

2 Bea nae folofola a Jihova kia Josiua, Vakai, Kuou tuku a Jeliko ki ho nima, mo hono tu‘i, moe kau tagata to‘a o ia.

3 Bea ko kimoutolu ae kau tagata tau kotoabe, te mou a‘i ae kolo, o alu o takatakai o tuo taha. Bea ke fai behe be i he aho e ono.

4 Bea e fua e he taulaeiki e toko fitu i he ao oe buha oe fuakava ae mealea e fitu, koe nifo oe sibi tagata: bea i hono fitu oe aho te mou alu fakatakamilo i he kolo ke liuga fitu, bea e ifi e he kau taulaeiki ae mealea.

5 Bea e hoko o behe, oka nau ka ifi fakamanavaloloa aki ae mealea koe nifo oe sibi tagata, bea ka mou ka ogo‘i ae logoaa oe mealea, e kaila e he kakai kotoabe i he fuu kaila lahi; bea e higa lafalafa ai ae a oe kolo, bea e alu hake fakahagatonu atu ki ai ae tagata kotoabe.

¶ 6 Bea nae fekau e Josiua koe foha o Nuni ki he kau taulaeiki, o ne behe kiate kinautolu, Mou too hake ae buha oe fuakava, bea ke fua e he taulaeiki e toko fitu ae mealea e fitu koe nifo oe sibi tagata, i he ao oe buha tabu o Jihova.

7 Bea behe eia ki he kakai, Mou alu atu, o kabu‘i ae kolo, bea koia oku too mahafu tau ke alu muomua ia i he buha tabu o Jihova.

¶ 8 Bea nae hoko o behe, hili ae lea a Josiua ki he kakai, koe kau taulaeiki e toko fitu, aia nae fua ae mealea e fitu, ae nifo oe sibi tagata, naa nau alu muomua i he ao o Jihova o ifi ae gaahi mealea: bea nae muimui iate kinautolu ae buha oe fuakava a Jihova.

¶ 9 Bea nae alu muomua ae kau tagata too mahafu tau i he kau taulaeiki nae ifi ae mealea, bea nae muimui i he buha ae tau lahi, nae fai ae alu atu moe ifi aki ae mealea.

10 Bea kuo oji hono fekau e Josiua ki he kakai, o behe, Oua naa mou kaila, be fai ha logoaa aki ho mou le‘o, bea oua naa alu atu ha lea mei ho mou gutu, kae oua ke hokojia ae aho aia teu fekau ke mou kaila; bea te mou toki kaila.

11 Koia, nae alu takatakai i he kolo ae buha tabu o Jihova, o alu fakatakamilo tuo taha: bea naa nau toe ha‘u ki he abitaga, o mohe i he abitaga.

¶ 12 Bea nae tuu hegihegi hake a Josiua i he bogibogi, bea too hake e he kau taulaeiki ae buha tabu o Jihova.

13 Bea nae alualu mau be ae kau taulaeiki e toko fitu o muomua i he buha o Jihova o nau too ae mealea e fitu koe nifo oe sibi tagata, o ifi be ae gaahi mealea: bea nae alu muomua iate kinautolu ae kau tagata too mahafu tau: bea muimui i he buha tabu o Jihova ae tau lahi, kae alu ai be ae kau taulaeiki o ifi aki ae mealea.

14 Bea ko hono ua oe aho naa nau takatakai ae kolo o tuo taha, bea toe ha‘u ki he abitaga: bea naa nau fai behe be i he aho e ono.

¶ 15 Bea i hono fitu oe aho nae hoko o behe, naa nau tuu hegihegi hake o feouga moe maa ae aho, o nau takatakai behe be ae kolo ke liuga fitu: ka koe aho be taha koia naa nau alu fakatakamilo i he kolo o liuga fitu.

16 Bea i hono liuga fitu nae behe, i he ifi e he kau taulaeiki ae gaahi mealea, nae behe e Josiua ki he kakai, Mou kaila; he kuo foaki kiate kimoutolu e Jihova ae kolo

17 Bea e fakamalaia‘i ae kolo, aia, moia kotoabe oku i ai kia Jihova: ka e moui a Lehabi be, koe agahala, koia mo ia kotoabe oku iate ia i he fale, koe mea i he ene fufu ae ogo mataki naa tau fekau.

18 Bea ko kimoutolu, mou taofi mu‘a akimoutolu mei he mea malaia, telia naa mou fakamalaia‘i akimoutolu, i hoo mou ala ki he mea malaia, o fakamalaia‘i ae abitaga o Isileli, o fakamamahi‘i ia.

19 Ka koe siliva kotoabe, moe koula, moe gaahi ibu balasa moe aione, kuo fakatabu‘i kia Jihova: e omi ia kotoabe ki he fale koloa o Jihova.

20 Koia nae kaila ae kakai i he ifi ae mealea e he kau taulaeiki: bea nae hoko o behe, i he fanogo ae kakai ki he ifi oe mealea, bea kaila e he kakai i he fuu kaila lahi, nae higa lafalafa ae a ki lalo, bea alu hagatonu hake ae kakai ki loto kolo, o alu hagatonu atu ae tagata kotoabe, o nau ma‘u ae kolo.

21 Bea naa nau fakaauha aia kotoabe nae i he kolo, ae tagata moe fefine, ae talavou moe mātua, moe faga bulu, moe asi, moe sibi, aki ae mata oe heleta.

22 Ka nae fekau e Josiua ki he ogo tagata nae mataki ae fonua, Mo hu ki he fale oe fefine agahala, bea omi mei ai ae fefine, mo ia kotoabe oku ne ma‘u, o hage ko hoo mo fuakava kiate ia.

23 Bea nae hu ki ai ae ogo talavou aia koe ogo mataki, o omi kitua a Lehabi, mo ene tamai, mo ene fa‘e, mo hono gaahi kaiga, mo ia kotoabe naa ne ma‘u; bea naa nau omi kitua hono gaahi kaiga, o tuku akinautolu i he tua abitaga o Isileli.

24 Bea naa nau tutu ae kolo aki ae afi, mo ia kotoabe nae i ai: ka koe koula, moe siliva, moe gaahi ibu balasa moe aione, naa nau tuku ki he fale koloa o Jihova.

25 Bea nae fakamoui e Josiua a Lehabi koe agahala, moe fale o ene tamai, mo ia kotoabe naa ne ma‘u; bea oku nofo ia i Isileli o a‘u ki he aho ni; koe mea i he ene fufu ae ogo tagata fekau, aia nae fekau‘i e Josiua ke mataki ae fonua.

¶ 26 Bea nae lea tuki a Josiua kiate kinautolu i he kuoga koia, o behe, Malaia ki he tagata i he ao o Jihova, oku tuu hake o toe laga ae kolo ni ko Jeliko: e ai eia a hono tuuga i he ene uluaki tubu, bea i hono foha kimui te ne fokotuu a hono mataba.

27 Bea nae behe ae ia Josiua a Jihova; bea nae ogona hono ogoogolelei i he botu kotoabe koia.