¶ 1 KA nae fai hala ae fānau a Isileli i he mea fakamalaia: he ko Akani, koe foha o Kalimi, koe foha o Sabiti, koe foha o Sela oe faahiga o Juta, naa ne too ae mea malaia: bea nae tubu ai ae houhau a Jihova ki he fānau a Isileli.

2 Bea nae fekau e Josiua ae kau tagata mei Jeliko ki Ai, aia oku i he botu o Bete‐aveni, i he botu hahake o Beteli, o ne behe kiate kinautolu, Alu hake o vakai ki he fonua. Bea nae alu hake ae kau tagata o nau fakajiojio ki Ai.

3 Bea naa nau liu mai kia Josiua, o nau talaage kiate ia, Oua naa tuku ke alu hake ae kakai kotoabe; kae tuku ke alu hake ae kau tagata e toko ua afe be koe toko tolu afe o ta‘i a Ai; bea oua naa bule ke alu ae kakai kotoabe ki ai; he oku nau toko jii be.

4 Koia nae alu hake ki ai i he kakai ae kau tagata e toko tolu afe: bea naa nau hola mei he ao oe kau tagata o Ai.

5 Bea nae teia iate kinautolu e he kau tagata o Ai ae kau tagata e toko tolugofulu ma toko ono; he naa nau tuli akinautolu mei he ao oe mataba o a‘u ki Sebalimi, bea nae ta‘i akinautolu i he alu hifo: koia nae vaivai ai ae loto oe kakai, bea hoko o hage ha vai.

¶ 6 Bea nae hae e Josiua hono kofu, bea fakato ia ki he kelekele ki hono mata i he ao oe buha o Jihova o a‘u ki he efiafi, aia moe kau mātua o Isileli, bea nae ai ae efu ki ho nau ulu.

7 Bea nae behe e Josiua, Oiaue, E Jihova koe Otua, koeha nai kuo ke omi ai ae kakai ni, ki he kauvai ni o Joatani, ke fakatukutuku‘i akimautolu ki he nima oe kakai Amoli, ke fakaauha akimautolu? Amujiaage ne mau fiemalie, bea nofo mau i he kauvai e taha o Joatani!

8 E Jihova, koeha eku lea e fai, oka fulitua a Isileli o jitua ki ho nau gaahi fili!

9 He koe kakai Kenani moe kakai kotoabe oe fonua te nau fanogo ki ai, bea te nau a‘i akimautolu, o nau motuhi ho mau higoa mei mamani: bea koeha te ke fai ki ho huafa lahi?

¶ 10 Bea nae folofola a Jihova kia Josiua, o behe, Tuu hake koe; koeha oku ke tokoto ai ki ho mata?

11 Kuo fai agahala a Isileli, bea kuo nau fai talagataa ki he eku fuakava aia naaku fekau kiate kinautolu: he kuo nau too ae mea malaia, bea kuo nau kaihaa, mo fai fakakākā foki, bea kuo nau ai ia ki he gaahi mea anautolu.

12 Koia nae ikai faa tuu ai ae fānau a Isileli i he ao o ho nau gaahi fili, ka nae tafoki atu ho nau tua ki he ao o ho nau gaahi fili; koeuhi kuo fakamalaia akinautolu: bea e ikai teu toe iate kimoutolu, o kabau e ikai te mou fakaauha ae mea kovi meiate kimoutolu.

13 Tuu hake, fakamaonioni‘i ae kakai, mo ke behe, Fakamaonioni‘i akimoutolu ki he abogibogi: he oku behe e Jihova koe Otua o Isileli, E Isileli, oku i loto iate koe ae mea fakamalaia; oku ikai te ke faa tuu i he ao o ho gaahi fili, kae oua ke mou too o ave ae mea fakamalaia meiate kimoutolu.

14 Koia, e omi akimoutolu i he bogibogi o fakatatau ki ho mou gaahi faahiga: bea e behe, koe faahiga koia e fili e Jihova e ha‘u ia o fakatatau ki ho nau gaahi nofoaga: bea koe nofoaga koia e fili e Jihova te nau ha‘u o fakatatau mo ho nau gaahi fale: bea koe fale koia e fili e Jihova te nau ha‘u tautau toko taha be ae tagata.

15 Bea e fai behe, koia oku moua moe mea malaia e tutu aki ia ae afi, aia moe mea kotoabe oku ne ma‘u: koeuhi kuo fai talagataa ia ki he fuakava a Jihova, bea koe mea i he ene fai agahala i Isileli.

¶ 16 Koia nae tuu hegihegi hake ai a Josiua i he bogibogi, o ne omi a Isileli i ho nau gaahi faahiga; bea nae fili ae faahiga o Juta:

17 Bea ne omi ae nofoaga o Juta; bea ne fili ae fale o Sela: bea ne omi ae fale o Sela o tautau toko taha ae tagata; bea nae fili a Sabiti.

18 Bea nae omi hono kau nofoaga o tautau toko taha ae tagata: bea moua a Akani, aia koe foha o Kalimi, koe foha o Sabiti, koe foha o Sela, i he faahiga o Juta.

19 Bea nae behe e Josiua kia Akani, E hoku foha, oku ou kole kiate koe, ke ke fakaabaaba kia Jihova koe Otua o Isileli, mo ke vete kiate ia; bea ke tala mai ni kiate au aia naa ke fai; oua naa ke fufu ia iate au.

20 Bea talaage e Akani kia Josiua, o behe, Koe mooni kuou fai agahala kia Jihova koe Otua o Isileli, bea oku behe be, mo behe be eku fai:

21 I he eku mamata i he mea nae vete ki he kofu faka‐Babilone matamatalelei, moe sikeli siliva e uageau moe koga koula, koe sikeli e nimagofulu hono mamafa, neu manumanu ki ai, beau ave ia: bea vakai, kuo fufu ia i he kelekele i hoku loto fale fehikitaki, bea oku i lalo ae siliva.

¶ 22 Bea nae fekau e Josiua ae kau talafekau, bea naa nau felele‘i ki he fale fehikitaki; bea vakai, nae fufu ia i hono fale fehikitaki, bea nae i lalo ae siliva.

23 Bea nae too ia mei he loto fale fehikitaki, o omi ia kia Josiua, bea ki he fānau kotoabe a Isileli, bea folahi atu ia i he ao o Jihova.

24 Bea ko Josiua mo Isileli kotoabe mo ia, naa nau ave a Akani, koe foha o Sela, moe siliva, moe kofu, moe koga koula, mo hono gaahi foha, mo hono gaahi ofefine, mo ene faga bulu, mo ene faga asi, mo ene faga sibi, mo hono fale fehikitaki, mo ia kotoabe naa ne ma‘u: bea nau omi akinautolu ki he luo ko Akoli.

25 Bea nae behe e Josiua, Koeha kuo ke fakamamahi‘i ai akimautolu? e fakamamahi‘i koe e Jihova he aho ni. Bea nae tologaki aki ia ae gaahi maka e Isileli kotoabe, bea nae tutu akinautolu aki ae afi, hili e nau tologaki akinautolu aki ae maka.

26 Bea naa nau fokotuu i oluga iate ia ae fuu eji maka lahi oku tuu o a‘u ki he aho ni. Bea nae tafoki a Jihova mei hono lahi o hono houhau. Koia nae ui ai ae botu koia, Koe luo o Akoli o a‘u ki he aho ni.