¶ 1 FAKATAHA akimoutolu, io, fakataha, ae buleaga oku ikai ke holi;

2 I he heeki ke omi ae tuutuuni e he aho, aia e alu atu o hage koe kafukafu, i he heeki ke hoko kiate kimoutolu ae houhau kakaha o Jihova, i he heeki ke hoko kiate kimoutolu ae aho oe tubutamaki o Jihova.

3 Mou kumi kia Jihova, akimoutolu kotoabe ae agamalu oe fonua, kuo mou fai a ene fakamāu; kumi ki he maonioni, kumi ki he agamalu: hei ilo e fufu akimoutolu i he aho oe houhau o Jihova.

¶ 4 Koeuhi e liaki a Kesa, bea fakauha a Asikeloni: te nau kabuji a Asitoti i he hoata, bea e taaki fuu a Ekiloni.

5 Ke malaia ki he kakai oe matātahi, koe buleaga oe kakai Kiliti! oku iate kimoutolu ae folofola a Jihova; E Kenani, koe fonua oe kakai Filisitia, naa mo koe, teu fakaauha koe, ke oua naa ai ha taha e nofo ai.

6 Bea e hoko ae matātahi koe gaahi nofoaga, moe gaahi fale ma ae kau tauhi sibi, moe gaahi lotoa ma ae faga sibi.

7 Bea e tuku ae fonua ma ae toega oe fale o Juta; te nau kai ai: te nau tokoto i he gaahi fale o Asikeloni i he efiafi: koeuhi e aahi kiate kinautolu a ho nau Otua ko Jihova, bea e liliu ai ho nau fakabobula.

¶ 8 Kuou fanogo ki he valoki a Moabe, moe gaahi manuki ae fānau a Amoni, aia kuo nau lauikovi‘i ai a hoku kakai, mo fakahikihiki akinautolu ki ho nau fonua.

9 Koia oku behe e Jihova oe gaahi kau tau, koe Otua o Isileli, Oku ou moui, bea koe mooni e hage ko Sotoma a Moabe, bea koe fānau a Amoni e hage ko Komola, io, koe botu oe akau veli, moe gaahi luo masima, moe fakaauha tuu mau: e maumau‘i akinautolu e he toe o eku kakai, bea e ma‘u akinautolu e he toega o eku kakai.

10 E ma‘u eni ekinautolu, koe mea i he e nau fielahi, koeuhi kuo nau valoki, mo fakahikihiki akinautolu, ki he kakai o Jihova oe gaahi kau tau.

11 E fakailifia a Jihova kiate kinautolu: he te ne fakahoge ae gaahi otua kotoabe oe fonua; bea e lotu ae kakai kiate ia, taki taha i hono botu, io, koe gaahi otu motu kotoabe oe hiteni.

¶ 12 Akimoutolu foki, ae kakai Itiobea, e tamate‘i akimoutolu e he eku heleta.

13 Bea e mafao atu eia a hono nima ki he tokelau, mo maumau‘i a Asilia; bea te ne gaohi a Ninive koe fakaauha, bea momoa o hage koe toafa.

14 Bea e tokoto ae faga sibi i he lotolotoga oia, ae faga manu kotoabe oe gaahi buleaga; e fakatou nofo ae komolane moe bitane i he fuga mataba i oluga; e hiva a ho nau le‘o i he gaahi mataba jioata; e i he gaahi lakaaga oe mataba ae fakaauha: he te ne veteki ae gaue oe sita.

15 Koeni ae kolo fakafiefia aia nae nofo fakafiemalie kovi, aia nae behe i hono loto, Ko au, bea oku ikai ha toko taha mo au: hono ikai kuo hoko ia koe fakaauha, koe botu ke tokoto ai ae faga manu! e taki taha iseisa mo alu atu iate ia, mo tubetube‘i hono nima.