¶ 1 KE malaia kiate ia oku uli mo taemaa, ki he kolo oku fakamalohi!

2 Nae ikai te ne talagofua ki he le‘o; nae ikai ke ma‘u eia ae akonaki; nae ikai ke falala ia kia Jihova; nae ikai te ne unuunu atu ki hono Otua.

3 Ko hono houeiki i ai koe faga laione gugulu; ko ene kau fakamāu koe faga ulofi oe efiafi; oku nau tatali ke nau kai bogibogi ae gaahi hui.

4 Koe kakai maamaa mo kākā a ene kau balofita: kuo fakauli‘i ae fale lotu e he ene kau taulaeiki, kuo nau maumau‘i ae fono.

5 Oku i he lotolotoga oia, a Jihova agatonu; e ikai te ne fai ha mea hala; oku omi eia a ene fakamāu ki he māma i he bogibogi kotoabe, oku ikai te ne jiaki; ka oku ikai ke ilo‘i ha ma e he tae agatonu.

6 Kuou tuuji ae gaahi buleaga: kuo auha a ho nau gaahi fale maoluga; neu fakalala a ho nau gaahi hala, koia oku ikai alu atu ai ha taha: kuo maumau‘i a ho nau gaahi kolo, koia oku ikai ai ha tagata, oku ikai ai ha taha oku nofo ai.

7 Naaku behe, Koe mooni, te ke manavahe kiate au, te ke ma‘u ae akonaki; koia e ikai tuuji ai ho nau nofoaga; ne ogo eku tautea ai akinautolu, naa nau tuu vave hake, o fakalielia‘i ae nau gaahi gaue kotoabe.

¶ 8 Oku behe e Jihova, Koia mou tatali kiate au, o a‘u ki he aho teu tuu hake ki he maumau; he kuou bau be ke tanaki ae gaahi fonua, keu fakataha ae gaahi buleaga, ke huai kiate kinautolu a eku tubutamaki, io, a eku houhau kakaha kotoabe: koeuhi e keina a mamani kotoabe aki ae afi o eku fuaa.

9 Bea hili ia teu omi ae lea maa ki he kakai, koeuhi ke nau ui kotoabe ki he huafa o Jihova, ke tauhi kiate ia i he uouagataha.

10 E omi mei he tua vaitafe o Itiobea ae feilaulau kiate au, ekinautolu oku hu kiate au, io, ae gaahi ofefine o eku kakai, kuo fakamovetevete.

11 I he aho koia e ikai te ke ma koeuhi ko hoo gaahi gaue kotoabe, aia kuo ke agahala ai kiate au: koeuhi teu too atu mei he lotolotoga oou, akinautolu oku fiefia i hoo fielahi, bea e ikai te ke toe agahiki, koeuhi ko hoku mouga maonioni.

12 Teu tuku foki i he lotolotoga oou, ae kakai agavaivai mo majiva, bea te nau falala ki he huafa o Jihova.

13 E ikai fai agahala e he toega o Isileli, be lea loi; bea e ikai ilo‘i i ho nau gutu ae elelo kākā: he te nau kai mo tokoto, bea e ikai fakamanavahe‘i akinautolu e ha taha.

¶ 14 Ke hiva, E ofefine o Saione; kalaga, E Isileli; ke fiefia mo nekeneka aki ae loto kotoa, E ofefine o Jelusalema.

15 Kuo too atu e Jihova a ho gaahi tautea, kuo ne kabuji kitua ho fili: koe tu‘i o Isileli, io, ko Jihova, oku i he lotolotoga oou: e ikai te ke toe mamata ki ha kovi.

16 E behe ki Jelusalema i he aho koia, Oua te ke manavahe: bea ki Saione, Oua naa tuku ke vaivai ho nima.

17 Oku mafimafi a Jihova ko ho Otua i he lotolotoga oou; te ne fakamoui, te ne fiefia iate koe, aki ae fiefia: e mālōlō eia i he ene ofa, te ne fiefia iate koe aki ae hiva.

18 Teu tanaki meiate koe akinautolu oku mamahi, koeuhi koe fakataha mamalu, koe manuki oia, koe mea mamafa kiate kinautolu.

19 Vakai, i he kuoga koia, teu veteki akinautolu kotoabe oku fakamamahi‘i koe; bea teu fakamoui ia oku ketu, mo fakataha ia nae kabuji kitua; bea teu ma‘u ae fakamalo, moe ogoogo kiate kinautolu i he fonua kotoabe, aia nae fakama‘i ai akinautolu.

20 Oku behe e Jihova, Teu toe omi akimoutolu i he kuoga koia, io, i he kuoga teu fakataha ai akimoutolu: he teu gaohi ma amoutolu ae higoa, moe ogoogolelei i he kakai kotoabe o mamani, o kau ka liliu a ho mou fakabobula i he ao o ho mou mata.