1 Koia tika tatou e akaoti rava i te rangi e te enua e to reira katoa ranuku.

2 E kua tuatua iora te au Atua i rotopu ia ratou uaorai: A te taime itu, ka akaoti tatou i ta tatou angaanga, mei tei tuatuaia e tatou; e ka akangaroi tatou i te taime itu, mei te au angaanga katoatoa tei tuatuaia e tatou.

3 E kua akaoti iora te au Atua i te taime itu, no te mea ka akangaroi ratou i te taime itu mei ta ratou au angaanga ravarai i rave, mei tei tuatuaia e ratou (te au Atua) e ka anga; e kua akatapu ïa. Ko ta ratou tika teia i to ratou tuatuaanga i rotopu ia ratou uaorai i te anga anga i te au rangi e te enua.

4 E kua eke mai te Atua ki raro nei, e kua anga i teia au uki o te rangi e te enua, i to ratou angaanga i te rā i anga ai te Atua i te enua e te rangi,

5 Kia tau oki ki te au mea katoa tei tuatuaia e ratou, no runga i te au rakau ravarai o te kainga, i mua ake ka riro mai ei ki te enua nei, e te au rakau rikiriki o te kainga i mua ake ka tupu ei, kare oki te au Atua i akatopa mai i te ua ki te enua nei, mei ta ratou i tuatua e ka rave ratou, e kare rai oki ratou i anga i te tangata ei kenu i te one.

6 I na ra kua pupu mai te kou no roto i te enua, e akamauu iora i te enua katoatoa.

7 E kua anga iora te au Atua i te tangata mei roto mai i te one pueu o te enua, e kua rave maira i tona vaerua (koia oki te vaerua o te tangata) e kua tuku atura ki roto iaia; e kua akaea atura i te aʼo o te ora ki roto i tona putāngio, riro maira te tangata ei tangata ora.

8 E kua tanu iora te au Atua i te kainga i te itinga i Edene, e tuku iora i te tangata ki reira, ko te vaerua ïa o te tangata ta ratou i tuku ki roto i te kopapa ta ratou i anga.

9 E kua akatupu oki te au Atua i te au rakau taurekareka katoa kia akara, e te meitaki ei kai, te rakau katoa o te ora i rotopu i te kainga e te rakau o te kite i te meitaki e te kino.

10 E kua tae maira tetai kauvai mei roto mai i Edene ei akamauu i taua kainga ra, ei reira atura te mangaanga e ā atura manga.

11 E kua rave iora te au Atua i te tangata, e tuku iora iaia ki roto i te kainga i Edene ei tanu e ei tiaki.

12 E kua akaue iora te au Atua i te tangata na ko atura: Ko te au rakau katoa o te kainga, ei kai ïa naau,

13 Kareka te rakau o te kite i te meitaki e te kino, auraka rava koe e kai; i te rā e kai ei koe i te reira, ka mate tikai koe. I teianei, kite akera au, ko Aberahama, e tei runga teia i te taime o te Atu. Koia oki tei runga i te taime o Koloba; i na oki e, kare te Atua i oronga ake i to Adamu kiteanga.

14 E kua tuatua maira te au Atua: E anga tatou i tetai tauturu tau no te tangata, kare ïa e tau kia noo ua te tangata koia anake, no reira e anga tatou i tetai tauturu tau nona.

15 E kua akatopa iora te au Atua i te moe tinainai ki runga ia Adamu; e moe iora aia; e kua rave iora ratou i tetai ivi kaokao nona ra, tuakapi iora i taua ngai ra ki te kiko;

16 E taua ivi kaokao o te tangata ta te au Atua i rave ra, anga iora ei vaine, e kua arataki maira iaia kia Adamu.

17 E kua tuatua maira a Adamu: E ivi teia no toku nei ivi, e kiko no toku nei kiko; ka tuatuaia aia e Vaine, no te mea no roto aia i te tane;

18 No reira e akaruke ei te tangata i tona metua tane e tona metua vaine, ka piri atu ei ki tana vaine, e ka riro oki raua ei kopapa okotai.

19 E te vai taaka ua ra raua, te tane e te vaine, kare oki raua e akama.

20 E kua anga iora te au Atua i te au manu vaevae ā o te kainga, e te au manu o te reva, e kua arataki mai ia ratou kia Adamu kia akara aia i tana ka tuatua ia ratou; e ko ta Adamu ka kapiki ia ratou, ko to ratou rai ïa ingoa.

21 E kua oronga iora a Adamu i te au ingoa o te au puaka, to te au manu o te reva e te au manu vaevae ā o te kainga; e no Adamu i reira, kua kitea te tauturu tau nona.