Mga Young Adult
Ang Manluluwas Nasayud sa Imong Kasakit
Gilitratohan ni Ashlee Larsen
Panahon sa atong panaw dinhi sa yuta, ang kadaghanan nato dunay panahon nga magsagubang og kaluya gumikan sa kaugtas, tensyon gumikan sa kabalaka, subo nga mga panahon, o gani (sama sa akong kahimtang) ang makapatiurok nga epekto sa depresyon. Kini nga mga pagbati mahitabo sa kadaghanan kanato samtang anaa kita sa kadalanan paingon sa berde nga mga bungtod og kahayag sa adlaw, ug dali ra makahimo kanato nga mobati og kawalay paglaum.
Ang mga panglimbasug alang sa kahimsog sa pangisip moabut lang kini nga dili kaayo nimo damhon. Kon ikaw nagserbisyo og misyon ug nakatutok og maayo sa uban nga imo nang gikalimtan ang imong kaugalingon. Kon ikaw adunay usa aka batang masuso ug mobati nga kinahanglan ikaw ang labing malipayon nga tawo sa kalibutan, apan dili gayud ka malipayon. Kon mawad-an ka sa usa ka minahal ug dili mahunahuna kon mag-unsa nalang ang kinabuhi kon wala sila. O bisan kon ang tanang butang ingon og maayo ra ang dagan, apan aduna kay pagbati nga dili ka OK.
Mao kini ang higayon nga kita kinahanglang mopuno sa atong mga kinabuhi sa kamalinawon sa walay katapusan nga gugma ni Jesukristo. Ang atong Manluluwas anaa kanunay, bisan kon kita mobati nga gibiyaan o nawala. Siya mobati sa imong kasakit ug nasayud unsaon sa pagtabang.
Ayaw kahadlok nga magpakitabang. Usa ka bahin sa plano sa Langitnong Amahan mao ang paghigugma ug pag-amuma sa usag usa (tan-awa sa Mosiah 18:21). Ug mao kana ang seksyon niining bulana—pagbuntog sa mga hagit sa kahimsog sa pangisip pinaagi sa pagtabang sa uban, ilabi na sa Manluluwas.
Kamo gihigugma.
Gikan sa usa ka tawo kinsa padayon nga nakigbisog ug nagpadayon pa gihapon,
Emilia Brändh