Dijitol Nomo: Blong Ol Yang Adalt
Stap Winim Bigfala Wari
Evriwan i gat bigfala wari, be sik ia blong wari se yu no save winim wan samting bae i no stopem progres blong yu nomo be i nogud tu long helt blong tingting blong yu.
Stori #1: Yumi evriwan i bon blong stap hapi.
Stori #2: Bae yumi neva kasem wanem yumi nidim blong stap hapi, so ?from wanem yu wantem traem?
Risal blong tufala giaman stori ia i givim bigfala wari—filing ia we yumi kasem taem yumi no kasem wanem i nid blong yumi kasem we yumi putum i stap blong yumiwan, o taem yumi nogat wan samting nating we i stap blong yumi kasem mo jes akseptem nomo wea ples nao yumi stap long hem naoia. Fasin blong no winim wan samting i kam bifo bigfala wari ia, i nomata yumi filim se yumi bon blong no winim wan samting long laef, se yumi no save kam moa antap, o se yumi mekem evri samting we i nid blong yumi mekem be i no hapen nomo long wei we yumi wantem.
Be bigfala wari i pat blong laef, mo i save mekem yumi kam moa gud taem yumi lanem olsem wanem blong wok tru long hem. Hemia i 10 tingting long olsem wanem nao blong tanem bigfala wari blong yu i go long samting we bae yu kam antap gud long hem:
-
Akseptem ol samting we yu no winim mo tekem responsabiliti long pat we gat long hem. Yes i gat ol taem we ol samting i no hapen long wei we yumi wantem, be fulap taem, yumi save mekem samting i defren. Lukaotem blong lan long ol samting we yu no winim.
-
Prea from ol samting ia. Prea, be i no blong evri samting bae i kam gud blong mekem yu hapi bakegen, be blong yu save andastanem, blong faenem wan lesen, mo blong faenem wan gudfala fasin blong mekem se yu mas muv i go nao.
-
Stretem‑Problem Bigfala wari i save jenis. Traem blong karemaot tingting blong yu long ol harem nogud blong maen blong yu i go long stret ples—ples we yu karem moa samting long hem blong mekem wan plan.
-
Prea bakegen. Taem yu gat wan gudfala plan blong winim bigfala wari, prea blong faenem aot se plan blong yu i wan gudfala plan o no. Bae Lod i helpem yu blong muv i go bitim samting ya we yu no bin winim mekem se bigfala wari i tekem ples long fas ples.
-
Go long Wok Sapos yu lusum wok blong yu, wok long sem aoa evri dei taem yu stap lukaotem wan niufala wok semmak olsem we yu stap wok long olfala wok blong yu. Sapos problem hem i rilesensip, go mo fiksim problem ia. Wanem samting yu stap traehad blong winim—speseli sin we i mekem se yu gat bigfala wari—wok blong jenisim mo mekem ol smol gol i hapen.
-
Tekem sloslo long wanwan dei. Iven ol gol we i pat blong plan blong yu, i mas smol mo i mas muvum yu i go long stret rod.
-
Yusum sapot netwok blong yu. Ol fren mo famli oli ol gudfala tul. Letem olgeta oli save abaot wanem yu stap gotru long hem be i no go tumas. Ol tru fren bae oli lisin mo givim sapot. Samtaem wan we i save lisin gud i save mekem wan bigfala defren.
-
Askem wan prishud blesing. I nogat wan limit long hamas prishud blesing we yu save kasem. Sapos yu nidim wan, askem wan.
-
Stap strong kasem en wetem fasin blong save wet longtaem. Samtaem i tekem taem blong ol hadtaem i pas.
-
Kaontem ol blesing blong yu. Mekem wan lis blong ol samting we yu glad long hem. Ademap evri dei mo save se ansa ia, blong stap glad i stap wet long yumi.
Yes, laef i had. I had long yumi evriwan. Be, fet blong yumi i gro taem yumi ansa long ol hadtaem blong yumi long wei we i stret. Bae yumi save filim lav blong God long yumi from se yumi stap kam antap, blong mekem evri samting we yumi save mekem, mo blong askem help blong Hem.