E Faapefea e le Suesueina o Talafaasolopito o le Ekalesia ona faamalosia lou faatuatua
Ata pue mai le Getty Images
I le avea ai ma se tamaitiiti aoga maualuga i Aferika i Saute, sa ou fiafia e suesue le talafaasolopito. Ina ua ou alu i le iunivesite, sa maua lou faailoga i le talafaasolopito. I le avea ai o se tamaitiiti aoga o le seminare ma le inisitituti, sa ou fiafia i au vasega uma, ae sa ou fiafia faapitoa lava i le Mataupu Faavae ma Feagaiga ona sa faailoa mai ai ia te au le talafaasolopito o le Ekalesia. I le aluga o tausaga, sa ou fiafia e faitau tusi i le Talafaasolopito o le Ekalesia—e oo lava ia i latou na talanoaina ni autu faigata i lo matou talafaasolopito. A o faaauau pea ona ou aoaoina le talafaasolopito o le Ekalesia mai punaoa eseese, ma sa faamalosia ai lou lava faatuatua. O auala nei e tolu e tutupu ai.
Ua saunia e le talafaasolopito o le Ekalesia se vaaiga mo a’u, aemaise lava pe a oo i faatinoga ua tuanai, e aofia ai le faatapulaaina o faamanuiaga o le perisitua ma le malumalu. Ina ua ou faatoa iloaina sa i ai se taimi na faatapulaaina ai tagata uli mai le umiaina o le perisitua, na luluina lou faatuatua. E mafai faapefea e le Ekalesia ou te alofa i ai ona taofia le perisitua mai tagata uli? Sa taumafai nisi o tagata e faaali mai ia te au ni faamatalaga na latou ta’ua o ni aoaoga faavae po o ni tusitusiga paia. Sa le mautonu i latou ma e matua faapopoleina lava.
I le aluga o taimi, o le faamatalaga faasolopito na iai sona lagona anoa ma tuuina mai ai se faamafanafanaga. Mo se faataitaiga, o le faatomuaga faasolopito i le Folafolaga Aloaia 2, mo se faataitaiga, e uiga ia Iosefa Samita sa faauuina ai ni nai tagata uli ae sa taofia e taitai o le Ekalesia le tuuina atu o le perisitua i le tagata uli i le amataga o le talafaasolopito o le Ekalesia. Ona tuuina atu ai lea o lenei faamatalaga taua: “e leai ni faamaumauga manino a le Ekalesia i le amataga o lenei faiga.”1 O Autu o le talalelei2 ma isi tusi lesona a le Ekalesia ua tuuina atu ai isi faamatalaga auiliili ma talaaga faaopoopo.3 Na tagitagi pea ia te au nei faamatalaga faasolopito ma faamalosia ai lo’u faatuatua.
E fesoasoani talafaasolopito o le Ekalesia ou te talisapaia ai i latou o e na muamua mai. E faapitoa le moni o lenei mea pe a silasila le tasi i foai ua foliga mai o ni tagata e “faatauvaa”. Mo se faataitaiga, o uluai falesa na fausia i Aferika i Saute, o Zimbabwe, ma Zambia i le 1950 ma le 1960 na mafai ona o sao a tagata o le au paia. O le mauaina o sauniga o le malumalu e manaomia ai le ositaulaga sili atu. O le iloaina o le a alu ai le tele o tausaga ona faatoa mafai lea ona latou maua malumalu i Aferika, e toatele tagata o le Ekalesia na faatauina atu a latou meatotino, e aofia ai o latou aiga, ina ia mafai ai ona maua tupe e malaga ai i le malumalu ma auai i na sauniga paia. O le Ekalesia i le konetineta o Aferika na fausia i luga o le faatuatua o nei uluai tagata o le Ekalesia, o e sa itiiti ni mea na, latou mauaina ae sa latou ositaulagaina le tele o mea. A ou faitau i a latou faamaumauga, e faamalosia lou faatuatua ma faateleina lou naunau e ositaulaga.
Ua uunaia au e le talafaasolopito o le Ekalesia ia avea au ma se tausi faamaumauga lelei atu. Ua uunaia e taitai o le Ekalesia le tausiga o api talaaga. Aisea? Ona o le talafaasolopito o le Ekalesia o se faamaumauga o “ala o le olaga, … faatuatua, ma galuega ”a ona tagata (tagai Mataupu Faavae ma Feagaiga 85:2). Soo se taimi lava ou te faitauina ai le talafaasolopito o le Ekalesia, e pei o le talafaasolopito fou, Au Paia, e faagaeetia au ona o nei lomiga ua na o api talaaga, o tusi, ma isi faamaumauga o tagata masani o le Ekalesia e mafai ona maua. O a latou tala i le taimi muamua e fautuaina ai au e avea ma se tausi faamaumauga lelei atu, lea e fesoasoani ai i tusi talafaasolopito i le lumanai e faamaumau se talafaasolopito moni o le Ekalesia i Aferika.
O loo i ai foi se faamanuiaga patino mai le faitauina o le talafaasolopito o le Ekalesia ma taumafai e tausia lau lava talafaamaumau. A o aoao mai e Peresitene Henry B. Eyring, Fesoasoani Lua i le Au Peresitene Sili, ua faamanuiaina au e vaai ma manatua le aao o le Alii i lou olaga ma olaga o tagata o lou aiga.4 O lenei manatuaga e faamalosia ai lau molimau ma faateleina ai lou malosi e feagai ai ma luitau i lou olaga. A ou tausia sau lava faamaumauga ma mafaufau e uiga i isi faamaumauga faaeteete a tagata o le Ekalesia, e amata loa ona ou vaai i mamanu autu a le Alii a o ia toefuataiina mai Lana Ekalesia ma le malo i aso e gata ai.
O nei lesona ma le tele o aoaoga na aoaoina mai le suesueina o le talafaasolopito o le Ekalesia, ua saofaga tele atu i lou lava atinaega faaleagaga. Ua tuuina mai foi ia te au e nei lesona le lototele e puipuia ai lou faatuatua aua ou te malamalama i le mafuaaga tatou te faia ai mea tatou te faia. O le iloaina o le talaaga faasolopito o le tele o a tatou faiga ma talitonuga ua avea ai au ma se faiaoga sili atu ma se soo e sili atu ona lelei.