Paghandom sa Oktubre 2020 nga Kinatibuk-ang Komperensya

Paghulagway ni Jen Tolman

Ang tanang numero sa pahina naggikan sa Nobyembre 2020 nga Liahona.

“Pagpakabuhi matag adlaw nga ikaw mas andam nga moatubang sa inyong Magbubuhat.”

Presidente Russell M. Nelson, Presidente sa Ang Simbahan ni Jesukristo sa mga Santos sa Ulahing mga Adlaw, “Usa ka Bag-o nga Normal,” 118.

“Samtang ang kalibutan maghisgot og gamay ni Jesukristo, maghisgot kita og daghan bahin Kaniya.”

Elder Neil L. Andersen sa Korum sa Napulog Duha ka mga Apostoles, “Kita Naghisgot kang Kristo,” 90.

Gipanalanginan atol sa Kalisdanan

Ang mga Santos sa Ulahing mga Adlaw “gipangga sa Ginoo atol sa mahagiton nga mga panahon nga atong nasinati sa milabay nga pipila ka mga bulan,” miingon si Elder Gary E. Stevenson sa Korum sa Napulog Duha ka mga Apostoles. Mihatag siya og tulo ka ehemplo sa mga panalangin nga nakapahimo “kanato sa paglahutay sa mga hagit nga nangabut”:

• Nakasentro sa panimalay nga pagkat-on sa ebanghelyo.

• Pagpangalagad sa mas taas ug mas balaan nga paagi.

• Hilabihang kalipay sa pagbalik sa mga ordinansa sa templo.

Tan-awa sa “Gipangga sa Ginoo,” 103–5; tan-awa usab sa Dieter F. Uchtdorf, “Ang Dios Mobuhat og Butang nga Dili Mahanduraw,” 51–54.

6 ka Bag-ong mga Templo Gipahibalo

Sama sa gipahibalo ni Presidente Russell M. Nelson sa Oktubre 2020 nga komperensya, giplano ang mga templo alang sa mosunod nga mga dapit:

• Tarawa, Kiribati

• Port Vila, Vanuatu

• Lindon, Utah, USA

• Greater Guatemala City, Guatemala

• São Paulo East, Brazil

• Santa Cruz, Bolivia

Paghulagway ni Jen Tolman

Detalye gikan sa Christ Appearing to the Twelve Apostles After the Resurrection [Si Kristo nga Nagpakita ngadto sa Napulog Duha ka mga Apostoles Human sa Pagkabanhaw], ni Scott Snow