Ua Na’o Tusiga Faaeletonika

O Upumoni e 4 Faaleaoaoga Faavae e Fesoasoani e Faatoilalo ai le Lotovaivai

Saunia e Alyssa Bradford

Mekasini a le Ekalesia

O le suesueina o tofotofoga o Iosua ma Iosefa Samita e mafai ona fesoasoani ia i tatou i o tatou lava tofotofoga.

O Iosefa Samita i le Falepuipui o Liperate

Ina ua valaauina le perofeta o Iosua e taitai le fanauga a Isaraelu i le nuu folafolaina, sa lofituina o ia i le galuega sa i ona luma.

Na tali atu le Alii i lona lotovaivai e faapea, “Ia e faamalosi ma loto tele; aua e te fefe, aua e te mata’u: aua o Ieova lou Atua o loo ia te oe i mea uma e te alu i ai” (Iosua 1:9).

Ina ua faafalepuipuiina le Perofeta o Iosefa Samita i le Falepuipui o Liperate, sa oo ina lotovaivai o ia ona o sauaga matautia na oo atu i le Au Paia.

Na fetalai mai le Alii:

“Lo’u atalii e, ia filemu lou agaga; o lou tiga ma ou puapuaga o le a na o sina minute laitiiti;

“Ma ona oo lea, afai e te talitalia lelei, o le a faaeaina oe e le Atua i lugā; o le a e manumalo i ou fili uma” (Mataupu Faavae ma Feagaiga 121:7–8).

Sa faamafanafanaina foi Iosefa e le Alii i le faapea atu:

“Ia e iloa, lo’u atalii e, o nei mea uma e te maua ai le poto masani, ma o le a avea mo ou lelei.

“Na afio ifo le Atalii o le Tagata i lalo o i latou uma . Ua sili atu ea oe ia te ia?” (Mataupu Faavae ma Feagaiga 122:7–8).

I tulaga na i ai uma Iosua ma Iosefa, pe na aveesea ea e le Alii faafitauli a nei perofeta? Leai. Nai lo lena, sa ia faasoa mai upumoni faaleaoaoga faavae nei:

O le Tama Faalelagi ma Lona Alo, o Iesu Keriso, e faatasi pea ma i tatou.
Pe a vaai atu i ai i se vaaiga e faavavau, o le a mavae atu o tatou tofotofoga.
O o tatou tofotofoga o le a tatou maua ai le poto masani.
E malamalama lelei ma le atoatoa Iesu Keriso ia i tatou ma mea o loo tatou feagai ai.

Soo se taimi lava tatou te lagona ai le lotovaivai, e mafai ona tatou tatalo i lo tatou Tama Faalelagi ia maua se molimau o nei upumoni faaleaoaoga faavae e ala i le mana o le Agaga Paia.

Aoao atili e uiga i le taulimaina o le lotovaivai i le vaega o le “Soifua Maloloina Faalemafaufau” o punaoa Fesoasoani o le Olaga i le Potutusi o le Talalelei.