A vakalesui mai vakacava na matabete?
A vakalesui mai na matabete kivei Josefa Simici mai na veitabaki ni liga mai vei ira era a taura tu ena gauna makawa. Ena Me ni 1829, a vakalesuya mai o Joni na Dauveipapitaiso na Matabete i Eroni, ka sega ni dede, eratou a vakalesuya mai na Matabete i Melikiseteki, o Pita, Jemesa, kei Joni, eratou lewe tolu na iApositolo taumada ni i Vakabula. Ena ika 3 ni Epereli, 1836, eratou a vakalesuya mai na ikuri ni idola ni matabete o Mosese, Ilaijia, kei Ilaisa.
Mo vakarautaki iko vakayalo
O sa bau rawata vakacava e dua na ivakadinadina ni veivakalesuimai ni matabete? Na duidui cava e sa vakayacora na ivakadinadina oqo ena nomu veiqaravi vakamatabete?
Na cava era kila na cauravou me baleta na vakalesuimai ni matabete? Na cava era sa sotava oti ka sa vukea na tarai cake ni nodra ivakadinadina ni dodonu vakamatabete?
Vulica ena yalomasumasu na ivolanikalou kei na ivurevure eso oqo. Na cava e vakauqeti iko me baleta na vakalesuimai ni matabete?
Iperiu 5:4; Yavu ni Vakabauta 1:5 (Na Kalou ena kaciva taumada na tamata me ciqoma na matabete)
V&V 1:20 (A vakalesuimai na kosipeli me rawa kina vei ira na tamata yadua me ra vosa ena yaca ni Turaga)
V&V 2 (O Ilaija me na vakatakila na matabete; na yalayala kivei ira na tama e sa teivaki ena lomadra na gone)
V&V 13; Josefa Simici—Ai Tukutuku 1:66–72 (A vakalesuya mai o Joni na Dauveipapitaisotaki na Matabete i Eroni)
V&V 27:12–13 (Eratou vakalesuya mai o Pita, Jemesa, kei Joni na Matabete i Melikiseteki)
V&V 110 (Eratou vakalesuya mai o Mosese, Ilaija kei Ilaisa na ikuri ni idola ni matabete)
David A. Bednar, “Na Kaukauwa ga Vakalomalagi,” Ensign se Liaona, Me 2012, 48–51 (raica tale ga na vidio “Na Lewa kei na Kaukauwa ni Matabete”)
Jeffrey R. Holland, “Noda iVakatakilakila Cecere Duadua,” Ensign se Liaona, Me 2005, 43–45.
Vidio: “Veivakalesuimai ni Matabete”
Vidio: “Elder Perry on the Priesthood, Part 4: Restoration Makes Authority Clear”
Veivakavulici ena ivakarau ni Turaga
A raica na iVakabula na nodra rawaka na Nona tisaipeli ka kunea na sala matalia eso me vukei ira ni vulica ka tubu—na veisala ka na mana vakalevu vei ira. E tiko vei iko e dua na madigi matalia me vukei ira na cauravou yadua ni rawata e dua na ivakadinadina ni veivakalesuimai ni matabete. Na ivakadinadina oqo e rawa me vakalougatataki koya, nona matavuvale kei ira tale eso me tawamudu.
Raica mera veiliutaki na cauravou
Ena veiliutaki ena soqoni ni kuoramu e dua na lewe ni mataveiliutaki ni kuoramu. Ena liutaki ira na cauravou mera veivosakitaka vata na veika me baleta na cakacaka ni kuoramu, vakavulica vei ira na nodra ilesilesi ni matabete (mai na ivolanikalou vata kei na ivola iTavi Vua na Kalou), ka sureta e dua na daunivakasala se dua tale na lewe ni kuoramu me vakavulica e dua na lesoni ni kosipeli. Ena rawa me vakavakarau o koya ena nona vola e dua na ituvatuva ni soqoni ni kuoramu ena gauna ni bose ni mataveiliutaki.
Tekivuna na gauna ni vuli-ka
Digidigi mai na veivakasama oqo, se vakasamataka ga na nomu vakai iko, mo raicalesu kina na lesoni ni macawa sa oti ka vakatakila na lesoni ni macawa oqo:
-
Kerea e vica na cauravou me ra vola e dua na iyatuvosa ena papa ni volavola ka vakalekalekataka e dua na dina bibi era a vulica ena macawa sa oti.
-
Kevaka e rawa, wasea na nomu iyatu ni lewa vakamatabete ki na kuoramu ka vakamacalataka na kena ibalebale (se sureta e dua na cauravou me wasea na nona). Na cava e vakavulica vei ira na cauravou na iyatu ni lewa me baleta na veivakalesuimai ni matabete? (Sa rawa ni ra kerea na lewe ni Matabete i Melikiseteki e dua na ilavelave ni iyatu ni lewa ena vakauti ni imeli ki na lineofauthority@ldschurch.org.) Navuca mo vakadikevi ira matua na tamata ena iyatu ni lewa. Na cava o dau vulica e vakauqeti iko mo doka kina na kaukauwa ni matabete?
Vulica vata
Na veitaviqaravi yadua e koto e ra e rawa me vukei ira na lewe ni kuoramu me ra kila na vakalesui mai ni matabete. Muria na veivakauqeti ni Yalotabu, digitaka e dua se sivia ka na ganita vakalevu duadua na nomu kalasi:
-
Sureta e dua na lewe ni kuoramu me vakavulica e dua na tiki ni lesoni oqo. E rawa me cakava oqo me tiki ni ituvatuva ni nona iTavi Vua na Kalou me vulica ka vakavulica me baleta na veivakalesui mai ni matabete (raica na “Kila Na iVunau,” tabana e 18, 42, se 66).
-
Vakaraitaka na iyaloyalo ka matataka na veika a yaco ena veivakalesui mai ni matabete (raica na Gospel Art Book, 93–95), se sarava na vidio “Veivakalesui Mai Ni Matabete.” O ira na cauravou me ra vakaraitaka na kena bibi o ira na vakaitavi ena veika a yaco oqo (me vakataki Josefa Simici, Joni na Dauveipapitaiso, Ilaijia, kei na so tale). Wilika na ivolanikalou me baleta na veika a yaco (me vakataki ira era vakatututaki ena ituvatuva oqo), ka tarogi ira na cauravou se taro cava era via taroga. Kerei ira vakayadudua na cauravou me wasea e dua na ivakarau e sa vakalougataki koya kina na matabete.
-
Tukuna vei ira na cauravou na taro a sauma o Elder L. Tom Perry ena “Elder Perry on the Priesthood, Part 4: Restoration Makes Authority Clear.” O ira na cauravou me ra vola na isaunitaro ni bera ni ra sarava na vidio; oti qai vakaraitaka na vidio ka sureti ira me ra wasea eso na ikuri ni veika era raica ka ra rawata mai na isaunitaro nei Elder Perry. Kerei ira me ra wasea na cava era vakila ena nodra ciqoma na matabete.
-
Wasea na vosa nei Elder Jeffrey R. Holland “Noda iVakatakilakila Cecere Duadua” ena kedra maliwa na cauravou. Kerei ira na cauravou me ra vakasaqara nodra iwase ni vosa, vakaraica na isaunitaro “A vakatikori vakacava na matabete?” kei “Na cava na vuna e soli kina na matabete ena ivakarau oqo?” Me tiki ni veivosaki oqo, sureti ira na cauravou me ra wilika na Iperiu 5:4 kei Na Yavu ni Vakabauta 1:5. Na cava na vuna e bibi kina vei ira na vakaitutu ena Matabete i Eroni me ra kila baleta na veivakalesui mai ni matabete?
-
Vakaraitaka na vidio “Na Lewa kei na Kaukauwa ni Matabete,” ka veivosakitaki vata vakuoramu na taro a taroga na tamai Elder David A. Bednar (se sureti ira na cauravou me ra wilika me baleta na veika a sotavi oqo ena vosa “Na Kaukauwa ga Vakalomalagi ”). Ena ivakarau cava e dodonu me da duidui kina mai vei ira eso tale na turaga e vuravura baleta ni da vakaitutu ni matabete?
Kerei ira na cauravou mera wasea na veika era sa vulica nikua. Era sa qai kila vakavinaka cake beka na veivakalesui mai ni matabete? Na cava era sa bau vakila se vakanananu kina? E tiko tale beka eso na nodra vakatataro? Ena yaga dina beka me tauri vakalevu na gauna ena ivunau oqo?
Me Veivuke ena Veivakavulici
“Ke ra lewe levu na nomu lewenikalasi era via solia mai na nodra vakasama me baleta na iulutaga e veivosakitaki tiko, o na rairai vinakata mo tukuna se vakasalataki ira vakaoqo, ‘Keimami na rogoca iliu na nona vakasama, ka na qai tarava na nomu.’ Era na vakarorogo kina na lewenikalasi ni ra kila ena soli na gauna vei ira me ra solia mai na nodra vakasama” (Veituberi, Me iLutua Ni Noda Bula [1999], 79).
Veisureti me ra bulataka
Ena qai tinia na soqoni o lewe ni mataveiliutaki ni kuoramu e veiliutaki tiko. Sa rawa vua me: