Veiitaviqaravi me Sureti ira na iTabagone mera Cakava

Na veiitaviqaravi oqo ena rawa ni vukea na itabagone me raica se sala cava me na bulataki kina na kosipeli ki na nodra bula. Vaka-raraba, sa dodonu me vakayaloqaqataki na itabagone mera qarava na nodra ituvatuva ni kena caka na veika era sa vulica. Ena rawa ni soli vakasama vei ira na vei itaviqaravi oqo.

Sa rawa mera vakaitavitaki ira vakaiira na itabagone ena veiitaviqaravi oqo, vakailawalawa lalai, se vakalasi. Mo nanuma ni na vakalasikati vei iko na vakasama uasivi ena nomu kauwaitaka tiko na nodra gagadre na itabagone o vakatavulica.

Tuva-ka mo bulataka na ivunau

Vakasamataka vagumatua na ka me caka

Sureti ira na itabagone mera vakasamataka vagumatua se cava e rawa ni ra cakava mera bulataka kina na ivunau.

Vola na ka me caka

Sureti ira na itabagone mera vola na cava era na cakava mera bulataka kina na ivunau.

Veivosakitaka vata vakalasi se kuoramu

Sureti ira na itabagone mera veivosaki vata vakalasi se kuoramu se sala cava mera bulataki kina na ivunau.

Wasea na lomamu kei na ivakadinadina

Sureti ira na itabagone mera wasea na lomadra kei na ivakadinadina me baleta na ivunau ka vakamacalataka na vuna e bibi kina vei ira.

Vakarautaka e dua na ituvatuva ni veivakatavulici

Sureti ira na itabagone mera vakarautaka e dua na ituvatuva ni nodra vakatavulici eso tale me baleta na ivunau.

Veivosakitaka na bibi ni ivunau

Sureti ira na itabagone mera veivosakitaka na bibi ni vunau ena nodra bula.

Vola na ivakadinadina

Kerei ira na itabagone mera vola na nodra ivakadinadina ni ivunau.

Vakatarogi ira tale eso

Sureti ira na itabagone mera vakatarogi ira tale eso me laurai kina na veika era sa sotava oti kei na veivakasama me baleta na ivunau.

Cakava e dua na ituvatuva

Sureti ira na itabagone mera cakava e dua na ituvatuva ni veivakalougatataki era sa ciqoma ena nodra bulataka na ivunau.

Vorata e dua na bolebole se leqa

Sureti ira na itabagone mera wasea e dua na bolebole se vakatataro e tiko vei ira ka wasea se a vukei ira vakacava na ivunau se ivolanikalou.

Vakatauvatani

Kerei ira na itabagone mera bulataka e dua na ka mai na ivolanikalou se vosa ni parofita bula vakaiira.

Cakava eso na itaviqaravi ena iTavi vua na Kalou se Torocake Yadudua

Sureti ira na itabagone mera cakava e dua na itaviqaravi mai na ivola iTavi vua na Kalou se Torocake Yadudua.