Veiitaviqaravi me Sureti ira na iTabagone mera Cakava

Na veiitaviqaravi oqo ena rawa ni vukei ira na itabagone mera raica na iwalewale ni kena bulataki na kosipeli ena nodra bula. Vaka-raraba, sa dodonu me vakayaloqaqataki na itabagone mera qarava na nodra ituvatuva ni kena cakacakataki na veika era sa vulica. Ena rawa ni soli vakasama vei ira na veiitaviqaravi oqo.

Sa rawa mera vakaitavitaki ira vakaiira na itabagone ena veiitaviqaravi oqo, vakailawalawa lalai, se vakalasi. Mo nanuma ni na vakalasikati vei iko na vakasama uasivi ena nomu kauwaitaka tiko na nodra gagadre na itabagone o vakatavulica.

Navuca mo bulataka na ivunau

Vakasamataka vagumatua na ka me caka

Sureti ira na itabagone mera vakasamataka vagumatua na cava e rawa ni ra cakava me bulataki kina na ivunau.

Vola na ka me caka

Sureti ira na itabagone mera vola na cava era na cakava mera bulataka kina na ivunau.

Veivosaki vakalasi

Sureti ira na itabagone mera veivosakitaka vata kei na so tale na lewe ni kalasi me baleta na iwalewale ni kena bulataki na ivunau.

Wasea na lomamu kei na ivakadinadina

Sureti ira na itabagone mera wasea na lomadra kei na ivakadinadina me baleta na ivunau ka vakamacalataka na vuna e bibi kina vei ira.

Vakarautaka e dua na ituvatuva ni veivakatavulici

Sureti ira na itabagone mera yavutaka e dua na ituvatuva mera vakavulici ira tale kina eso me baleta na ivunau.

Veivosakitaka na bibi ni ivunau

Sureti ira na itabagone mera veivosakitaka na bibi ni vunau ki na nodra bula.

Vola na ivakadinadina

Tukuna vei ira na itabagone mera vola na nodra ivakadinadina ni ivunau.

Vakatarogi ira tale eso

Sureti ira na itabagone mera vakatarogi ira tale eso me laurai kina na veika era sa sotava oti kei na veivakasama me baleta na ivunau.

Cakava e dua na ituvatuva

Sureti ira na itabagone mera cakava e dua na ituvatuva ni veivakalougatataki era sa ciqoma ena nodra bulataka na ivunau.

Vorata e dua na bolebole se leqa

Sureti ira na itabagone mera wasea e dua na bolebole se vakatataro e tiko vei ira ka wasea se a vukei ira vakacava na ivunau se ivolanikalou.

Vakatauvatani

Kerei ira na itabagone mera bulataka e dua na ka mai na ivolanikalou se vosa ni parofita bula vakaiira.

Cakava na veiitaviqaravi ena iTavi vua na Kalou se Torocake Yadudua

Sureti ira na itabagone mera cakava e dua na itaviqaravi mai na ivola iTavi vua na Kalou se Torocake Yadudua.