Na cava na ibalebale ni vakabauti Jisu Karisito?

Me rawa ni kauti keda ki na veivakabulai na noda vakabauta, sa dodonu me kena iyaqa na Turaga o Jisu Karisito. Me da vakabauti Jisu Karisito sa kena ibalebale me da nuitaki Koya ka talairawarawa ki na Nona ivakaro. Na vakabauta e sivia cake sara na vakanuinui walega. Eda vakaraitaka na noda vakabauta ena cakacaka—ena ivakarau ni noda bula.

Mo vakarautaki iko vakayalo

O sa bau vakaraitaka beka vakacava na nomu vakabauti Jisu Karisito? Na veika cava soti o sa sotava e rawa ni o wasea vei ira na cauravou me rawa ni vakauqeti ira me ra cakacaka ena vakabauta?

Era dau cakacakataka vakacava na nodra vakabauti Jisu Karisito na Matabete i Eroni o dau vakavulici ira? Na cava era cakava tiko me ra vaqaqacotaka kina na nodra vakabauta?

Ni o vulica na ivolanikalou kei na ivurevure tale eso mo kila na veika e baleta na vakabauta, vakaraica na veika ena vukei ira na cauravou me ra vaqaqacotaka na nodra vakabauti Jisu Karisito.

Iperiu 11:4–9, 17–29; Ica 12:11–22 (iVakaraitaki ni tamata era a vakaraitaka na vakabauta)

Jemesa 1:5–6; 2:14–20 (Na vakabauta sai koya na veika e nuitaki kei na cakacaka)

Alama 32:21, 26–43 (Na vakabauta na vakanuinuitaki ni veika dina ia e sega ni rairai)

Moronai 7:33–39 (Dau yaco na cakamana ena vakabauta)

Quentin L. Cook, “Yavu ni Vakabauta,” Ensign se Liaona, Me 2017, 127–31

Bonnie H. Cordon, “Vakararavi vua na Turaga ka Kakua ni Vakararavi Tani,” Ensign se Liaona, Me 2017, 6–9

Dieter F. Uchtdorf, “Ika Va ni Tabavale, iOtioti ni Katuba,” Ensign se Liaona, Nove. 2016, 15–18

Neil L. Andersen, “Na Vakabauta e sega ni Ka Vakacalaka, ia sa Ka ni Digidigi,” Ensign se Liaona, Nove. 2015, 65–68

“Vakabauta,” Tudei ena Vakabauta, 132–135

Vidio: “Pure and Simple Faith”, “Mo Muri Koya—E Dua na iTukutuku ni Siganisucu baleti Jisu Karisito”

5:30

NaN:NaN

Raica me ra veiliutaki na cauravou

Ena veiliutaki ena soqoni ni kuoramu e dua na lewe ni mataveiliutaki ni kuoramu. Ena liutaki ira na cauravou me ra veivosakitaka vata na veika me baleta na cakacaka ni kuoramu, vakavulica vei ira na nodra ilesilesi ni matabete (mai na ivolanikalou vata kei na ivola iTavi Vua na Kalou), ka sureta e dua na daunivakasala se dua tale na lewe ni kuoramu me vakavulica e dua na lesoni ni kosipeli. Ena rawa me vakavakarau o koya ena nona vola e dua na ituvatuva ni soqoni ni kuoramu ena gauna ni bose ni mataveiliutaki.

Tekivuna na gauna ni vuli-ka

Digidigi mai na veivakasama oqo se vakasamataka ga na nomu vakaiiko mo raicalesu kina na lesoni ni macawa sa oti ka vakamacalataka na lesoni ni macawa oqo:

Kerei ira na cauravou yadua me ra taura e 30 na sekodi me ra vola na levu ga ni ka e rawa ni ra nanuma mai na lesoni ena macawa sa oti. Sureti ira na cauravou me ra wasea na nodra ituvatuva. E rawa vakacava ni o vakayagataka na nodra ituvatuva mo vakamacalataka kina na ulutaga ni vakabauta?
Droinitaka e dua na waqa voce rawarawa ga, ka vakayacana ena “Vakabauta.” Biuta e dua na ivoce me yacana na “iNuinui” kei na dua tale me yacana na “Cakacaka.” Tarogi ira na lewe ni kuoramu na cava ena yaco ki na waqa oqo kevaka e dua ga na ivoce. Na cava ena yaco ki na noda vakabauta kevaka eda sega ni cakacakataka na veika eda nuitaka me yaco? Vakayagataka na ivolanikalou se naTudei ena Vakabauta (tabana e 54–56) me vukei ira na lewe ni kuoramu me ra kila deivaki se cava na vakabauta kei na sala cava e veiwekani kina na droini oqo kei na vakabauta.

Vulica vata

Na itaviqaravi yadua oqo ena vukei ira na lewe ni kuoramu me ra kila deivaki na cava na ibalebale ni vakabauti Jisu Karisito. Mai na veivakauqeti ni Yalotabu, digitaka e dua se sivia ena ganita vinaka na nomu kuoramu:

Sureti ira na cauravou me ra wilika na Alama 32:21 kei na Ilamani 5:12. Kerea e vica vei ira me ra vakasokumuna ena nodra vosa na veika era vulica me baleta na vakabauta ena ivolanikalou. Sureti ira na cauravou me ra vaqara na ivakaraitaki ni tamata e kaukauwa na nodra yavu ni vakabauta ena vosa nei Elder Quentin L. Cook “Yavu ni Vakabauta” se na vosa nei Elder Neil L. Andersen “Na Vakabauta e Sega ni Ka Vakacalaka, ia sa Ka ni Digidigi.” Kerei ira me ra wasea na veika era kunea. Na cava era rawa ni cakava me ra tara e dua na yavu kaukauwa ni vakabauta?
Sureta e rua na cauravou me rau gole mai cake. Kerea e dua na cauravou me tucake ena veimataqali walewale ni tucake (me vaka na duri tu me veiyawaki na yavana ruarua se ravi tu) ka me dua tale na cauravou me biligi koya ga vakamalua ena veiwalewale ni tucake e cakava. Na iwalewale cava e vukei ira na cauravou me ra tudei tiko? Na iwalewale cava e vakavuna me lutu? Sureti ira na cauravou me ra wilika na vosa nei Sister Bonnie H. Cordon “Vakararavi vua na Turaga ka Kakua ni Vakararavi Tani,” me da vakaraica na nona ivakatutu me baleta na rawa vakacava meda vakatoroicaketaka na noda nuitaki Jisu Karisito ka me muataki tiko ga Vua na noda vakabauta. E rawa ni ra wasea na cauravou eso na ka era sa sotava me baleta na gauna era vakararavi ga kina nodra kila ka ra qai sotava na kena isau? se ena gauna era nuitaka kina na iVakabula kei na veivakalougatataki era ciqoma?
Sureta e dua na lewe ni kuoramu me vakavulica e dua na tiki ni lesoni oqo. E rawa ni cakava oqo me tiki ni nona ituvatuva ni iTavi Vua na Kalou me vulica ka vakavuvulitaka na vakabauta (raica na “Kila na iVunau,” tabana 18, 42, se 66).
Kerei ira yadua na cauravou me ra raica e dua na italanoa mai na ivolanikalou ka cakacakataka kina e dua na nona vakanuinui vei Jisu Karisito (raica na, me ivakaraitaki, Lako Yani 14:19–28; Maciu 8:5–13; Iperiu 11:4–9, 17–29; Ica 12:11–22; 1 Nifai 4). Sureti ira na cauravou me ra vola talega e dua na ka era sa sotava oti ka a cakacakataka kina o koya se dua e kila na nona vakabauti Jisu Karisito. Kerei ira yadua na cauravou me wasea na italanoa e kunea ena ivolanikalou kei na veika a vola sa sotavi oti. E rawa ni ra cakava oqo vakailawalawa lalai se vakuoramu.
Vola na taro eso oqo ena papa ni volavola: Na cava na vakabauta? Na cava na ibalebale ni vakabauti Jisu Karisito? Meu bula vakacava ena vakabauta? Meu vakalevutaka vakacava na noqu vakabauta? Sureti ira na lewe ni kuoramu me ra wilika na vosa nei President Dieter F. Uchtdorf “ika Va ni Tabavale, iOtioti ni Katuba,” lvaqara na sau ni taro oqo. Kerei ira me ra vola mai na nodra sau ni taro ena vavanivolavola ka kerea me ra wasea tale eso na ka era vulica vei ira na kalasi, o rawa ni taroga na taro oqo, “Na iotioti ni tatuba ni tomana tiko ga ena vakabauta me yacova na 'ikava ni tabavale, iotioti ni katuba' vakai rau na daukaulotu ena italanoa?”
Sureti ira na cauravou me ra wilika naMaciu 17:20, ka taroga na nodra vakasama ena ibalebale ni tosoi na ulunivanua ena noda vakabauta. Wasea na itukutuku eso oqo mai vei Bisopi Richard C. Edgley: “Au se bera ni bau raica vakadua na kena kau tani e dua na ulunivanua dina. Ia ena vuku ni vakabauta au sa raica na kena kautani e dua na ulunivanua ni vakatitiqa kei na yaluma ka vakaisosomitaki ena inuinui kei na nanamaki. Ena vuku ni vakabauta au sa vakadinadinataka ni vakaisosomitaki e dua na ulunivanua ni ivalavala ca ena veivutuni kei na veivosoti. Ia ena vuku ni vakabauta au sa vakadinadinataka na kena vakaisosomitaki e dua na ulunivanua ni mosi ena vakacegu, inuinui, kei na vakavinavinaka. Io, au sa raica na kena kau tani na ulunivanua” (“Vakabauta—e Nomu na Digidigi,” Ensign se Liaona, Nove. 2010, 33). Vakaraitaka na vidio “Pure and Simple Faith,” ka kerei ira na cauravou me ra vaqara eso na ulunivanua ka a kautani mai na vakabauta (se wasea e dua na ka o sa sotava oti).

5:30

Kerei ira na cauravou me ra wasea na veika era sa vulica nikua. Era sa kila deivaki beka na kena ibalebale me da vakabauti Jisu Karisito? Na cava era sa bau vakila se vakanananu kina? E tiko tale beka eso na nodra vakatataro? Ena yaga beka me tauri vakalevu na gauna ena ivunau oqo?

Me Veivuke ena Veivakavulici

“Ni o veivakavulici mai na ivolanikalou, e dau veivuke me ra vaqara na vuli tiko eso na ka” (Veituberi, Me iLutua ni Noda Bula [1999], 55).

Veisureti me caka

Me na tinia na soqoni na cauravou ka veiliutaki tiko. Sa rawa vua me:

Wasea na nona nanuma ena ibalebale ni vakabauti Jisu Karisito kei na veika sa tuva tiko me cakacakataka kina na nona vakabauta.
Veivosakitaka kei ira ena kuoramu na kena vakatakilai na nodra vakabauta ena nodra veiqaravi ni matabete.