Na Veisorovaki i Jisu Karisito
“Raica au sa kaya vei kemudou ni dou na rawata na inuinui ena vuku ni veisorovaki i Karisito” (Moronai 7:41).
Na ituvatuva ena iwasewase oqo ena vukei ira na cauravou me ra “lako mai vua na Karisito … mo dou vakaivotavota ena nona veivakabulai, kei na kaukauwa ni nona veivueti” (Omanai 1:26). E rawa ni o vukei ira me ra kila vinaka na sala era rawa ni savasava tiko ga kina, ena veivutuni kei na Veisorovaki, ka kilikili kaya me vakayacori na nodra itavi vakamatabete. E rawa talega ni o vukei ira me ra kila me vaka ni ra Matabete i Eroni, sa nodra itavi tabu me ra vukei ira eso me ra rawata na veivakalougatataki ni Veisorovaki ena nodra qarava na cakacaka vakalotu ni sakaramede kei na papitaiso.
Me vakayacori na iTavi Vua na Kalou me tiki ni soqoni ni kuoramu ena Sigatabu, sa rawa ni o vakananuma mo vakatavulica na ituvatuva ni iTavi Vua na Kalou e ra ena gauna ni iwase oqo.
iTuvatuva mo Digidigi mai kina ena Vula Oqo
Muavata
Vakasamataka na navuci ni so na itaviqaravi ka salavata kei na veika era sa vulica tiko na itabagone. Na mataveilawa ni iTaviqaravi ni iTabagone ni Lotu e sa vakarautaki tu me vukei iko. E vuqa vei ira na itaviqaravi vakavuli ena idusidusi oqo era rawa talega ni na veivuke vinaka sara ena veitaviqaravi ni Muavata. Cakacaka vata kei iratou na mataveiliutaki ni kuoramu mo digitaka ka tuvana na veitaviqaravi matau e na vaqaqacotaka vinaka na veika era vulica na cauravou ena Sigatabu.
iTavi Vua na Kalou
Na veiwase oqo era veisemati kei na ivola iTavi Vua na Kalou ki na veilesoni ena tabana oqo:
“Qarava na Cakacaka Vakalotu ni Matabete,” draunipepa 24–25, 48–49, 72–73