Meu na vakatorocaketaka vakacava na loloma Vakarisito?

Na loloma dina Vakarisito, ka kilai me loloma cecere sa ikoya na kena ka cecere duadua, vakaturaga ka kaukauwa ka muria mai na kena marautaki e yaloda (raica na 1 Nifai 11:23). Sa ivakaraitaki uasivi duadua ni loloma cecere o Jisu Karisito. Ena Nona veiqaravi e vuravura, e “a sa lako voli ka daucaka vinaka,” vakaraitaka na loloma cecere vei ira na dravudravua, na vakararawataki, kei ira na vakaloloma (raica na Maciu 4:23; Cakacaka 10:38). Meda rawata na loloma Vakarisito, sa dodonu meda vaqara, masulaka ka vakamuria na ivakaraitaki ni iVakabula ena noda vakasama, vosa kei na ivalavala.

Mo vakarautaki iko vakayalo

Na gauna cava era sa vakaraitaka kina vei iko e so tani tale na loloma Vakarisito? E tarai iko vakacava na revurevu ni ka oqo? Na gauna cava o vakila kina na loloma Vakarisito? Ko na vakatorocaketaka vakacava na loloma Vakarisito vei ira na tani?

Na madigi cava soti e tiko vei ira na cauravou mera vakaraitaka kina na loloma Vakarisito? Na cava e bibi kina mera vulica mera lomani ira na tani me vakataki Karisito?

Masulaka na nomu vulica na tiki ni ivolanikalou kei na ivurevure oqo, ka digitaka na kena ena ganiti ira vakatabakidua na cauravou.

1 Samuela 16:7 (Na Turaga e raica na yalo)

Luke 10:30–37 (Vosavakatautauvata ni kai Samaria dauloloma); raica talega na vidio ni iVolatabu “Parable of the Good Samaritan”

5:12

Luke 23:33–34 (O Jisu e a vosoti ira na sotia ni Roma era a vakoti Koya)

Joni 15:9–13 (Vakaraitaka o Karisito na Nona lomani keda ena Nona solia na Nona bula ena vukuda)

1 Joni 4:7–11, 18–21 (Sa loloma na Kalou)

Moronai 7:45–48 (Eda rawa ni masulaka meda vakasinaiti ena loloma cecere, na loloma dina Vakarisito)

Thomas S. Monson, “Yalovinaka, Loloma Uasivi, kei na Loloma,” Ensign se Liaona, Me 2017, 66–67

Dieter F. Uchtdorf, “Sa Biuta Tani na Rere na Loloma Levu Sara,” Ensign se Liaona, Me 2017, 104–7

Thomas S. Monson, “Loloma—na Uto ni Kosipeli,” Ensign se Liaona, Me 2014, 91–94

Dieter F. Uchtdorf, “O Ira Era Dauloloma Era na Lomani,” Ensign se Liaona, Me 2012, 70–76

Dallin H. Oaks, “Lomani Ira na Tani ena Bula Duidui,” Ensign se Liaona, Nove. 2014, 25null28

“ Loloma, ” Tudei Ena Vakabauta (2004), 62

Vidio ”Sharing the Light of Christ,“ ”Let Us Be Man,“ ”Dayton's Legs,“ ”Bullying---Stop It,“ “Why Am I Here?” “We Don’t Need to Be the Same to Be One”

5:12

3:12

3:2

10:22

4:10

1:0

Raica mera veiliutaki na cauravou

Me liutaka na bose ni kuoramu e dua na lewe ni mataveiliutaki ni kuoramu (se ivukevuke vua na bisopi ena kuoramu ni bete). Ena liutaki ira na cauravou o koya ena veivakasalataki vakaiira me baleta na bisinisi ni kuoramu, vakatavulici ira ena nodra itavi vakamatabete (mai na ivolanikalou kei na ivola iTavi Vua na Kalou ), vakayaloqaqataki ira ni wasea na veika era sotakaya ena vakayacori ni itavi vua na Kalou, ka sureta e dua na daunivakasala se dua tale na lewe ni kuoramu me vakatavulica e dua na lesoni vakosipeli. Ena rawa me vakavakarau o koya ena nona vola e dua na ituvatuva ni soqoni ni kuoramu ena gauna ni bose ni mataveiliutaki.

Tekivuna na gauna ni vuli-ka

Digidigi mai na veivakanananu oqo se vakasamataka ga vakaiiko na nomu mo raicalesu kina na lesoni ni macawa sa oti ka vakatakila na lesoni ni macawa oqo:

Sureti ira na cauravou mera vakananuma e dua na ka era saga mera bulataka mai na lesoni ena macawa sa oti ka qai waseakei na kuoramu se dua na iwasewase lalai.
Ena vica na tikini pepa lailai, vola na itomo ni vosa oqo,“Au vakila vakalevu na loloma mai vua e duatani tale ni__________________________.” Solia e yadua na tiki ni pepa oqo vei ira na cauravou ni se bera ni tekivu na soqoni ni kuoramu, ka qai sureti ira na cauravou mera vakalewenana tikina e lala tu. Sureti ira na cauravou mera wasea na nodra vakasama me tekivu kina na kalasi.

Vulica vata

Na itaviqaravi yadua e ra ena vukei ira na lewe ni kuoramu mera vulica na nodra sasaga mera loloma Vakarisito. Mai na veivakauqeti ni Yalotabu, digitaka e dua se sivia ka na ganita na nomu kuoramu:

Kau tikini pepa kina kalasi (me ra yadua na pepa na cauravou) ka dua na pepa me toqai tiko kina na vosa oqo e cake: Yalovinaka, Loloma Uasivi, kei na Loloma. Solia e dua na tikini pepa vei ira kece na cauravou, ka sureti ira me ra vaqara ena vosa nei Peresitedi Thomas S. Monson “Loloma—na Uto ni Kosipeli” kei na “Yalovinaka, Loloma Uasivi, kei na Loloma,” ka vaqara eso na vosa se italanoa ka vakavulica na vosa e toqai tiko ena pepa. Kerei ira na cauravou mera wasea na veika era sa kunea. Na madigi cava e tu ena kuoramu oqo meda yalovinaka, loloma ka vakaraitaka talega na loloma uasivi?
Na ka kece a cakava o Jisu Karisito a cakava ena loloma e taucoko—vei keda kei Tamana. Ena rawa vakacava meda talairawarawa ena loloma taucoko me vaka na iVakabula ka me kua nida rere? Wasea na nomu kalasi ena rua na lawalawa me ra vulica na vosa nei Peresitedi Dieter F. Uchtdorf na “Sa Biuta Tani na Rere na Loloma Levu Sara.” Digitaka e dua na lawalawa me wasea na cava era vulica mai na iwase e kena ulutaga tiko “Na Rere me Veivakayarayarataki Vakailoa” kei “Na ka e Leqa me baleta na Rere” kei na lawalawa ka tarava me wasea na cava era vulica ena iwase ni ulutaga “Na Sala Vinaka Cake” kei na “Sa Biuta Tani na Rere na Loloma Levu Sara.” Solia na gauna vei ira na cauravou me ra vola na nodra isaunitaro ki na veitaro oqo: Ena sala cava au na rawa ni vakaroti meu cakava na ka ena rere? Na cava e rawa meu cakava me vakatorocaketaka noqu yalomatua vakayalo? Na cava au via veisautaka me baleta na vei ka au vulica?
Sureti ira na cauravou me ra wilika na Joni 15:9–13; 1 Joni 4:7–11, 18–21; kei na Moronai 7:47–48 Na cava era vulica na cauravou mai na veitikina me baleta na ivakarau ni kena tarai cake na loloma va-Karisito? Ena vukei ira vakacava na ivakarau oqo mera dauveiqaravi ni matabete gugumatua cake? Sureti ira na leweni kuoramu me ra vakaraica na italanoa ena ivolanikalou ka vakaraitaka na nona loloma na iVakabula, ka kerei ira me ra veiwaseitaka vakataki ira na italanoa oqo. E rawa vakacava ni da vakamuria na ivakaraitaki ni Vakabula? Era na rawa talega ni ra wilika ka veiwaseitaka eso na vosa ka tuva tu ena ituvatuva oqo se wasea na veivakaraitaki ni gauna o ira se eso na tamata era kila era vakalougatataki ena nodra vakayacora eso na cakacaka ni loloma sa va-Karisito.
Sureti ira na cauravou mera vaqara ena Luke 10:25–29 ka vakaraica na taro e a taroga na loya vua na iVakabula. Vakamacalataka me isau ni taro oqo, a vakaraitaka na iVakabula na vosa vakatautauvata ni kai Samaria dauloloma. Lesia e vica na cauravou me ratou dramataki ira na tamata ena vosa vakatautauvata oqo, ka kerei ira me ratou dramataka na italanoa ni kemuni wilika vata tiko (tikina e 30–35). Cegu ena gauna mo tarogi ira era dramataki koya tiko na Livai, na bete kei na kai Samaria dauloloma se cava era cakava kina na ka era sa cakava, ka qai veitalanoataka na isaunitaro ena kuoramu. Wilika na ivakaro ni iVakabula vua na loya ena tikina e 36–37, qai sureti ira na cauravou mera wasea na gauna vata vaka oqori ka ra a sotava kina e dua na ka e via tautauvata kei na ka e a yaco ena vosa vakatautauvata.
Wilika, sarava, se rogoca vaka kuoramu na vosa nei Elder Dallin H. Oaks “Veilomani ka Bulavata ena Maliwa ni Duidui.” Kerei ira na cauravou me ra vaqara ivakasala ena vukei ira me ra lomani ira na tani ena gauna ni dredre. Na cava tale era rawa ni vulica o ira na goneyalewa ena nodra vulica vosanikalou vei ira na tamata era vakaraitaka na loloma vei ira era vosa vakacacataki ka beci koya? Eso na vakaraitaki e oka kina na Vakabula (raica na Luke 23:34), Josefa mai Ijipita (raica na Vakatekivu 45), se Fero (raica Alama 61:9). Sureti ira na cauravou mera vakananuma e dua ka ra dau sega ni taleitaka ka qai vakasamataka na cava mera cakava ni ra nanuma na loloma Vakarisito vei ira na vakaoqori.
Vakaraitaka e dua se sivia na vidio ka vakaturi tiko ena ituvatuva oqo. Na cava era vulica rawa na cauravou baleta na loloma Vakarisito mai na vidio oqo? E duidui vakacava na itukutuku ena vidio mai na veivakavulici vakavuravura ni vakasamataki na ibalebale ni dua me tagane dina? Kerei ira na cauravou mera wasea e dua na ka era sa sotava ni dua e veiqaravi tiko vua e duatani tale ka mai vakila kina na loloma ni iVakabula. Na cava e vakavulica vei koya na ka e sotava oqori baleti Jisu Karisito? Sureti ira na cauravou mera vakasamataka e dua era kila ka na gadreva tiko me vakila na loloma ni Turaga. Na cava e rawa ni ra cakava mera vukea na tamata oqori?

Kerei ira na cauravou mera wasea na veika era sa vulica nikua. Era kila tiko li na vakatorocaketaki na loloma Vakarisito? Na cava era sa bau vakila se vakanananu kina? E tiko tale beka eso na nodra vakatataro? Ena yaga beka me tauri vakalevu na gauna ena ivunau oqo?

Me Veivuke ena Veivakavulici

“Na vakarorogo e ivakaraitaki ni loloma. E na so na gauna e dau gadrevi kina na soli bula. Ni da vinakata meda vakarorogo vei ira eso, eda dau sega ni tukuna na veika eda via tukuna ka solia na gauna vei koya e vosa tiko me vakamacalataki koya” ( Veituberi, Me iLutua ni Noda Bula [1999], 76).

Veisureti me caka

Me na tinia na soqoni na cauravou ka veiliutaki tiko. Sa rawa vua me:

Wasea na veika e vakila baleta na loloma Vakarisito e semati kina vakacokotaki ni veiqaravi ni matabete.
Sureti ira na cauravou mera cakava na veivakauqeti e yaco mai vei ira ena gauna ni soqoni ni kuoramu mera vakacokotaka kina na loloma Vakarisito ka vakavinakataka cake na nodra veiwekani kei ira na tani.