Meu na valuta rawa vakacava na iyaloyalo vakasisila?

“Na iyaloyalo vakasisila, kei na kedra velavela butobuto, sa luvuca yani na vuravura oqo me vakataka e dua na ua rerevaki, ka veikidomoki. E ka gaga. Kakua ni sarava se wilika. Ena vakarusai iko ke o vakayacora. Ko sa na sega ni dokai iko kina. Ena butakoca na nomu kila na veika totoka ni bula oqo. Ena vakamalumalumutaki iko ka dreti iko sobu ki na qara ni vakanananu ca kei na nomu rawa ni cakava sara. Drotani mai kina. Drotani mai kina me vaka e dua na mate rerevaki, ni sa dau veivakarusai talega”. Ena noda “vakaiyaragi ena iyaragi kece ga ni Kalou” (raica na Efeso 6:11–17) ka vakararavi ena kaukauwa ni Turaga, e rawa meda taqomaki keda mai na valuti ni meca ni ivalavala dodonu ka maroroya me savasava na noda vakasama kei na noda ivalavala.

Mo vakarautaki iko vakayalo

Na veika savasava ka veilaveti cava o sa vakatawana ki na nomu bula me vukea na kena valuti rawa na iyaloyalo vakasisila? Sa vakalougatataki iko vakacava ni ko lewe ni matabete mai na nomu valuta rawa na iyaloyalo vakasisila? ni dua na tagane vakawati? ni dua na tama?

Ena sala cava beka e sa vakavotui kina na iyaloyalo vakasisila vei ira na nomu cauravou? Ena rawa ni vakacacana vakacava na kaukauwa ni nodra matabete? Na veivakauqeti ni veika savasava ka veilaveti cava o rawa ni vakatura me vukea na nodra valuta rawa na iyaloyalo vakasisila?

Vulica ena masumasu na veiivolanikalou kei na veiivurevure oqo. O na vakayaloqaqataki ira vakacava na cauravou mera valuta rawa na iyaloyalo vakasisila?

Nai Vakatekivu 39:7-21; Roma 12:21; 2 Timoci 2:22; Alama 39:9; Moronai 10:30; V&V 27:15–18; 121:45–46 (E dodonu meda sa vuki tani vakatotolo sara mai na veivakatovolei ni dodomo ca ka dodonu meda vakasinaita noda vakasama ena vakanananu savasava)

Aisea 1:18; Ilamani 12:23; V&V 58:42–43 (E rawa ni da vosoti kevaka eda veivutuni)

Maciu 5:27–28; Roma 6:12; Alama 39:9; V&V 42:23 (Na dodomo ca sa ikoya e dua na ivalavala ca ka bibi na kena isau)

1 Nifai 17:3; Mosaia 24:14; Alama 26:12 (Ena vakaukauwataki keda na Kalou ena noda sasaga meda muria na ivakaro)

Jeffrey R. Holland, “Au sa Sega ni Soli Au vei Noqu Meca,” Ensign se Liaona, Me 2010, 44–46; raica tale ga na vidio “Watch Your Step”

2:36

Quentin L. Cook, “A Cava Dou sa Nanuma Ena Gauna Oqo?” Ensign se Liaona, Nove. 2012, 6–9

Linda S. Reeves, “Taqomaki mai na iYaloyalo Vakasisila—Matavuvale Vakaliuci Karisito,” Ensign se Liaona, Me 2014

Me Savasava Tikoga na Nomu Vakanananu

“iYaloyalo Vakasisila,” Tudei Ena Vakabauta (2004), 45–46

“Veivakamarautaki kei na iTukutuku Raraba,” Me iSakisaki ni iTabagone (2011), 11–13

Vidio:“To Look Upon” “Pornography Addiction: Is There Hope?”

NaN:NaN

Raica mera veiliutaki na cauravou

Me liutaka na bose ni kuoramu e dua na lewe ni mataveiliutaki ni kuoramu (se ivukevuke vua na bisopi ena kuoramu ni bete). Ena liutaki ira na cauravou o koya ena veivakasalataki vakaiira me baleta na bisinisi ni kuoramu, vakatavulici ira ena nodra itavi vakamatabete (mai na ivolanikalou kei na ivola iTavi Vua na Kalou ), vakayaloqaqataki ira ni wasea na veika era sotakaya ena vakayacori ni itavi vua na Kalou, ka sureta e dua na daunivakasala se dua tale na lewe ni kuoramu me vakatavulica e dua na lesoni vakosipeli. Ena rawa me vakavakarau o koya ena nona vola e dua na ituvatuva ni soqoni ni kuoramu ena gauna ni bose ni mataveiliutaki.

Tekivuna na gauna ni vuli-ka

Digidigi mai na veivakanananu oqo se vakasamataka ga vakaiiko na nomu mo raicalesu kina na lesoni ni macawa sa oti ka vakatakila na lesoni ni macawa oqo:

Vola ena vava ni volavola e dua na malanivosa mai na lesoni ni macawa sa oti, ka kerea e dua na cauravou me vakamacalataka na cava na kena ibalebale vua.
Vakaraitaka e dua na tiki ni sulu vulavula ( e dua na tavoi se qaniliga) kei na dua na vokete soso lailai. Vakamacalataka vei ira na cauravou na cava ena yaco kevaka era na tonia na isulu vulavula o ya ki na soso. O cei beka ena vakacacani, na soso se isulu vulavula? Na cava na revurevu ni iyaloyalo vakasisila ki na noda vakasama kei na yaloda? Veivosakitaka na vosa nei Peresitedi Hinckley e tiko ena itekivu ni lesoni oqo.

Vulica vata

Na itaviqaravi yadua e ra ena vukei ira na cauravou mera vulica na sala mera valuta rawa kina na iyaloyalo vakasisila. Mai na veivakauqeti ni Yalotabu ena nomu digitaka e dua se sivia ka na ganita vinaka na nomu kalasi:

Vakaraitaka na vidio “To Look Upon,” ka mera tukuna na cauravou me tu mada vakadua na vidio ena gauna yadua a rawa kina vei Tevita me duatani tale na nona digidigi. Na cava a yaco vei Tevita na Tui ni yaco oti oqo (raica na 2 Samuela 11–12)? Na cava a yaco ki na nona matavuvale? Na cava e rerevaki kina na saravi ni iyaloyalo vakasisila? Mera wilika na cauravou na Nai Vakatekivu 39:7–21 ka raica na ka a cakava o Josefa ena mataqali ituvaki vata oqo. Vakamacalataka vakalekaleka na revurevu ni nodrau ivalavala o Tevita na Tui kei Josefa. Na cava e ivalavala ca kina vua na Kalou na saravi ni iyaloyalo vakasisila? Na itataqomaki cava era sa vakayagataka na cauravou se rogoca era sa vakayagataka eso me vukei na nodra vakatikitiki tani mai na iyaloyalo vakasisila? Na itaviqaravi se vakanananu savasava cava era rawa ni vakayagataka me isosomi ni vakasama vakatani?

NaN:NaN
Tarogi ira na cauravou se cava na vuna era nanuma kina ni vakacacana na yalo na iyaloyalo vakasisila. Me vaka e dua na kuoramu, wilika na iwase me baleta na iyaloyalo vakasisila ena Tudei Ena Vakabauta. Ni oti na veiparakaravu yadua, taura na gauna me veivosakitaki kina na bibi ni veika sa mai wiliki. (Me ivakaraitaki, e rawa mo veivosakitaka vata kei ira na cauravou na duidui ni veivanua se ituvaki e rawa me ra sotava kina na iyaloyalo vakasisila. Na cava e rawa me ra cakava me taqomaki tani kina na iyaloyalo vakasisila? Sureti ira me ra tuvalaka na veika me ra na cakava ena gauna era sotava kina ena vakacalaka.) Ni oti na ikatolu ni parakaravu, veivosakitaka na kaukauwa ni Veisorovaki kei na nona vakaitavi vakacava na bisopi se peresitedi ni tabana ena kena cakacakataki na veivutuni. Sureti ira na cauravou me ra raici bisopi kevaka era sa mai cokoti ena saravi ni iyaloyalo vakasisila.
Sureti ira na cauravou mera raitayaloyalotaka ni ra sa veivosakitaka tiko kei luvena tagane yabaki 12 ena gauna se bera mai na vuna e veivakarusai kina na iyaloyalo vakasisila kei na sala me vakatikitiki tani mai kina. Lesia na veimama ni kuoramu me ra vakasaqaqara ena vosa nei Elder Jeffrey R. Holland “Au sa Sega ni Soli Au Vei Noqu Meca” kei na ikarua ni veimama me ra vakasaqaqara ena vosa nei Sisita Linda S. Reeves “Taqomaki mai na iYaloyalo Vakasisila—Matavuvale Vakaliuci Karisito,” ka vakaraica na itukutuku se malanivosa ka na rawa ni vukei koya ena veivosaki oqo. (E rawa talega ni ra sarava e dua na vidio mai na ituvatuva oqo.) Sureti ira mera wasea na veika era sa raica. Sa vakayaco-ka vakacava na nodra digidigi baleta na iyaloyalo vakasisila ki na nodra marau ni veisiga ni mataka ni ra sa na tagane vakawati ka tama?
Sureti ira na cauravou me ra raitayaloyalotaka na nodra madigi me ra tukuna vua e dua na lewe ni Kuoramu ni iApositolo Le Tinikarua me baleta na bolebole era sotava tiko na itabagone nikua me baleta na iyaloyalo vakasisila. Na cava beka era na kaya vua? Solia vei ira yadua na cauravou e dua na ilavelave ni ono na parakaravu ni vosa nei Elder Quentin L. Cook “ E Rawa Mo Vakila Ena Gauna Oqo?” tekivu e na malanivosa “iValavala ca ni veiyacovi kei na vakanananu dukadukali.” Kerea na veimama ni kuoramu me ra vakasaqara ka wasea na veika a vulica o Elder Cook mai vua na gonetagane yabaki 15, ka kerea na veimama ni kuoramu tale ka dua me ra vakasaqara ka wasea na ivakasala a solia o Elder Cook. Na cava e rawa me ra cakava na cauravou me vukea na kena caka na nodra veivale me “vanua ni idrodro” mai na iyaloyalo vakasisila?
Sureti ira na cauravou me ra raitayaloyalotaka ni dua tiko na nodra itokani ka sa vakaleqai tiko ena iyaloyalo vakasisila. Na cava era na kaya mera vukei koya kina? Kerei ira yadua na cauravou me ra wilika na “Veivakamarautaki kei na iTukutuku Raraba” ena Me iSakisaki ni iTabagone se tiki ni iwase ena ulutaga “Rawata na Kaukauwa Mo Biuta Tani Kina na iValavala Ca” mai na ivolalailai Me Savasava Tikoga na Nomu Vakanananu. Na cava era na wasea na cauravou vata kei ira nodra itokani mai na iwase oqo? Na tiki ni ivolanikalou cava soti e rawa me vukea e dua e vakaleqai tiko ena iyaloyalo vakasisila? (Raica, me ivakaraitaki, na ivolanikalou e vakatututaki ena idusidusi oqo).

Kerei ira na cauravou mera wasea na veika era sa vulica nikua. Era sa kila vakavinaka beka na sala mera valuta rawa kina na iyaloyalo vakasisila? Na cava era sa bau vakila se vakanananu kina? E tiko tale beka eso na nodra vakatataro? Ena yaga beka me na tauri vakalevu na gauna ena ulutaga oqo?

Me Veivuke ena Veivakavulici

“Na nomu itavi bibi mo vukei ira na so me ra vulica na kosipeli, e sega ni vaka mo solia e dua na ivunau levu. E okati kina na nodra vakaitavitaki na lewenikalasi mera veivakavulici vakataki ira” (Veituberi, Me iLutua ni Noda Bula[1999], 73).

Veisureti me caka

Me na tinia na soqoni na cauravou ka veiliutaki tiko. Sa rawa vua me:

Wasea na veika sa cakava tiko me tarova na nona raica na veika tawa kilikili.
Vakayaloqaqataki ira na lewe ni kuoramu tale eso mera navuca na nodra dui ituvatuva mera vakatikitiki se dro tani mai na iyaloyalo vakasisila.
Sureti ira na lewe ni kuoramu mera laki raici bisopi se peresitedi ni tabana kevaka era sasaga dro tiko mai na iyaloyalo vakasisila.