Ena tarai au vakacava kei ira era vakavolivoliti au na veika au kaya?

Na noda ivosavosa e vakaraitaka na noda kila se o cei o keda vaka luve ni Kalou. Na ivosavosa eda tauca e rawa me veilaveti cake ka vakayaloqaqataki ira eso tale, se rawa me veivakararawataki ka vakacudrui ira. Ena noda tauca na veivosa veilaveti, eda sa sureta na Yalo Tabu me tiko vata kei keda.

Mo vakarautaki iko vakayalo

E tukuna tiko vakacava na mataqali ivosavosa o tauca tiko ni ko sa kilai iko vakavinaka tiko? O sa vakayagataka vakacava na mataqali vosa eso mo veivakauqeti, veivakavulici, veivakacegui, ka veivosaki kina? E sa veisau vakacava na itagede veiganiti ni ivosavosa e vuravura ena gauna ni nomu bula?

E veilaveti ka veivakayaloqaqataki beka na vosa era vakayagataka na cauravou, se a vakararawataka ka vakacudruya eso tale? Era na veivakayaloqaqataki vakacava na cauravou vei ira era tiko voliti ira mera vakayagataka na vosa e sureta mai na Yalotabu?

Na tiki ni ivolanikalou kei na vosa cava e rawa me vukei ira na cauravou ena nodra vakila na bibi ni vosa era vakayagataka me ra veitaratara kina vata kei ira eso tale?

Na Vosa Vakaibalebale 15:1–4; 16:24; 1 Timoci 4:12; Jemesa 3:2–10; Alama 31:5; V&V 108:7 (Na noda vosa sa rawa ni mana vakaukauwa sara vei ira tale eso)

Maciu 12:36; 15:11; Efeso 4:29–32; Mosaia 4:30 (E dodonu meda qarauna na vosa eda dau cavuta)

Jean B. Bingham, “Au na Kauta Mai na Rarama ni Kosipeli ki na Noqu Vale,” Ensign se Liaona, Nove. 2016, 6–9

Jeffrey R. Holland, “Nodra Vosa na Agilosi,”Ensign se Liaona, Me 2007, 16–18

W. Craig Zwick, “Na Cava Nomu Nanuma?” Ensign se Liaona, Me 2014

“iVosavosa,” Me iSakisaki ni iTabagone (2011), 20–21

“Veivakacacani, ” Tudei Ena Vakabauta (2004), 184

Vidio: “No Cussing Club”; “Bullying—Stop It” “Texting Truths”

Veivakavulici ena ivakarau ni iVakabula

Ena veituvaki yadua, sa dau ivakaraitaki ka dauveituberi kina na iVakabula. A vakavulici ira na Nona tisaipeli ena masu ena Nona masu vata kei ira. A vakavulica vei ira mera dauloloma ka veiqaravi ena iwalewale a loloma ka veiqaravi kina. A vakavulica vei ira na sala me vakavulici kina na Nona kosipeli ena ivakarau a veivakavulici kina o Koya. Ni ko vakarau veivakavulici, vakasamataka na ivakarau e dau veivosaki kina na Turaga kei na sala meda veivosaki kina ena ivakarau era laveti ka vakayaloqaqataki kina na tamata ka sureta na Yalo Tabu.

Raica mera veiliutaki na cauravou

Me liutaka na bose ni kuoramu e dua na lewe ni mataveiliutaki ni kuoramu (se ivukevuke vua na bisopi ena kuoramu ni bete). Ena liutaki ira na cauravou o koya ena veivakasalataki vakaiira me baleta na bisinisi ni kuoramu, vakatavulici ira ena nodra itavi vakamatabete (mai na ivolanikalou kei na ivola iTavi Vua na Kalou ), vakayaloqaqataki ira ni wasea na veika era sotakaya ena vakayacori ni itavi vua na Kalou, ka sureta e dua na daunivakasala se dua tale na lewe ni kuoramu me vakatavulica e dua na lesoni vakosipeli. Ena rawa me vakavakarau o koya ena nona vola e dua na ituvatuva ni soqoni ni kuoramu ena gauna ni bose ni mataveiliutaki.

Tekivuna na gauna ni vuli-ka

Digidigi mai na veivakanananu oqo se vakasamataka ga vakaiiko na nomu mo raicalesu kina na lesoni ni macawa sa oti ka vakatakila na lesoni ni macawa oqo:

Sureta e vica na cauravou mera wasea na veika era a vakauqeti kina ena lesoni ni macawa sa oti.
Vola na veimalanivosa oqo ena vava ni volavola: Vosa eda wilika. Vosa eda rogoca. Vosa eda vola. Vosa eda cavuta. Kerei ira na cauravou mera wilika na Efeso 4:29–32 ka vakamacalataka na kena semati vakacava ki na va na malanivosa ena vava ni volavola. Sureti ira na cauravou me ra tugana na veitaro oqo: Na cava o vakila me baleta na mataqali ivosavosa o wilika, rogoca, ka vakayagataka? E veisureti vakacava na vosa se vakayalolailaitaka na veidusimaki mai na Yalo Tabu?

Vulica vata

Na itaviqaravi yadua e ra ena rawa ni vukei ira na cauravou me ra kila vakavinaka na bibi ni kena vakayagataki na ivosavosa vinaka. Mai na veivakauqeti ni Yalotabu, digitaka e dua se sivia ka na ganita vinaka na nomu kuoramu:

Kerea e veimama vei ira na lewe ni kuoramu me ra wilika na italanoa ni bavelo ena vosa nei Sisita Jean B. Binghams “Au na Kauta Mai na Rarama ni Kosipeli ki na Noqu Vale.” Kerea vei ira na vo ni veimama ni kuoramu me ra wilika na talanoa ni cauravou e a vakalialiai na gauna ni nona tabagone. Me ra qai vakavulica na rua na ilawalawa, na veika era vulica mai na italanoa na kaukuawa ni kena dau veilauti na vosa ena nona bula e dua. Sureti ira na cauravou me ra vakasamataka e dua era dau qoroya me ra ka vakarautaka e dua na ituvatuva me ra vakaraitaka vei ira na vuna era dau qoroi koya kina.
Vola ena papa ni volavola “Kevaka e dua na tamata e rawa me tarova na nona ivosavosa, e rawa me tarova________.” Sureti ira na cauravou me ra vakasaqara na Jemesa 3:2–10 ka vakalewena na vanua lala. Lesi ira yadua na cauravou me wilika e dua na vosa vakatautauvata a vakayagataka o Jemesa (tarovi na ose, tikina e 2–3; waqa, tikina e 4; buka waqa, tikina e 5–6; ka gaga, tikina e 7–8; mata-ni-wai dranu, tikina e 10–11). Sureti ira na cauravou mera vakarau vakavulica na vo ni kuoramu na ka e vakavulica na nodra vosa vakatautauvata me baleta na qarauni ni nodra ivosavosa. Sureti ira mera wasea na veika era rawa ni cakava mera qarauna kina na nodra ivosavosa.
Ni vo e vica na siga, sureti ira rawa e vica na cauravou mera kauta mai ki na soqoni ni kuoramu na nodra ivosavosa veivakauqeti taleitaki. Kerei ira vakayadua na cauravou me wasea na nona vosa cavuti ka vakamacalataka na veivakayarayataki e sa vakayacora ena nona bula. Sureta na kuoramu me ra vakasaqara na ivakaraitaki ena ivolanikalou ka vakaraitaka na kaukauwa dina ni kena vakayarayarataki na noda vosa kivei ira eso tale (me ivakaraitaki, o Kavetani Moronai kei na ulutaga ni galala [raica na Alama 46:11–22], na i Vakabula kei na yalewa sa kune ni dautagane [raica na Joni 8:1–11], se Apinatai kei Alama [raica na Alama 5:9–12]). Na cava e vakavulica vei ira na cauravou ena ivakaraitaki oqo me baleta na kaukauwa ni nodra vosa e rawa me tarai ira eso tale?
Solia ki na cauravou yadua e dua na iwasewase ni vosa nei Elder Jeffrey R. Holland “ Nodra Vosa na Agilosi, ” ka sureti koya me makataka na iusutu ni itukutuku mai na iwasewase o ya (kakua ni solia vei ira na cauravou na ulutaga ni vosa o ya). Mera vola ena vava na cauravou yadua na veika sa makataka ka me vakamacalataka na vuna. Kerei ira na lewe ni kuoramu mera vakatura na ulutaga e ganita na vosa o ya ka yavutaki ena usutu ni itukutuku era sa raica. Sureti ira na cauravou mera wasea na gauna era cavuta kina e dua na ka a laveta cake kina e dua se na gauna a laveti cake kina o koya mai vua e dua tale.
Vakaraitaka e dua na vidio mai na ituvatuva oqo, ka sureti ira na cauravou mera wasea na veika era sa vulica mai na vidio. Sureti ira mera vakasamataka vakatitobu na veika era rawa ni cakava me ra vakauqeta kina eso mera veivosaki ena sala ena sureta mai na Yalo ni Turaga. Me vakataka, na sala era rawa ni vukea kina e dua na itokani e dau vosavosa ca? Se na sala mera vakayagataka kina na veivosaki ena gacagaca vakalivaliva mera veilaveti ka vakayaloqaqataki ira eso? Sureti ira me ra vaqara na isaunitaro ena nodra wiliwili ena “Vosa” mai na Me iSakisaki ni iTabagone. Kerea mera wasea na nodra nanuma.
Sureti ira na cauravou me ra wilika na1 Nifai 5:1–7 ka wasea na veika era vulica mai na nodrau ivakaraitaki o Serai kei Liai me baleta na kena tarai keda kei ira tale eso na revurevu ni noda vosa. Kerei ira me ra wilika na vosa nei Elder W. Craig Zwick me baleta na itukutuku oqo ena nona vosa “Na Cava Nomu Nanuma?” Na cava eso tale na vakasama era rawata na cauravou mai na vosa oqo? Vakayaloqaqataki ira me ra wasea eso na sala e rawa ni ra muria kina na ivakaraitaki nei Liai ena nodra veimaliwai kei ira na lewe ni nodra matavuvale kei ira tale eso.

Kerei ira na cauravou mera wasea na veika era sa vulica nikua. Era kila tiko beka na bibi ni kena vakayagataki na ivosavosa savasava, veivueti? Na cava era sa bau vakila se vakanananu kina? E tiko tale beka eso na nodra vakatataro? Ena yaga beka me na tauri vakalevu na gauna ena ivunau oqo?

Veisureti me caka

Me na tinia na soqoni na cauravou ka veiliutaki tiko. Sa rawa vua me:

Wasea na nona ivakadinadina ni kena dau vakayagataki na ivosavosa savasava e dau veilaveti ka veivakayaloqaqataki vei ira na tamata ka na sureta tiko na veitokani ni Yalo Tabu.
Vakadeitaki ira na cauravou mera na vakayagataka na mataqali vosa e tukuna tiko na nodra veikacivi tabu ni ra sa lewe ni Matabete i Eroni.