Na cava-so na itavi ni Yalo Tabu?

Na Yalo Tabu e vakatakila na ivakadinadina ni dina. Sa iKoya na ivurevure ni ivakadinadina kei na ivakatakila vakatamata. E rawa me dusimaki keda o Koya ena noda vakatulewa ka taqomaki keda mai na veika rerevaki vakayago ka vakayalo. E kilai o Koya meDauniveivakacegui, ka rawa vei Koya me vakamaravutaka na noda lomataqaya ka vakasinaiti keda ena inuinui. Mai na Nona kaukauwa, eda sa vakasavasavataki ni da veivutuni, ciqoma na cakacaka vakalotu ni veivueti, ka taqomaka na noda veiyalayalati. Me rawa ni vakaibalebale na veiqaravi ena vakaitutu ni matabete, sa ka bibi sara me da na vakatudaliga ka vakamuria na veivakauqeti ni Yalo Tabu.

Mo vakarautaki iko vakayalo

Na veika cava so o sotava vakatamata e rawa mo wasea vei ira na cauravou ka na vakavulici ira me baleta na itavi ni Yalo Tabu?

Na cava na vuna e bibi kina vei ira na cauravou mera vulica mera kila ka muria na veivakauqeti ni Yalotabu? E rawa vakacava mo vukei ira mera kilikili ka vakasaqara na Nona veitokani?

Ena nomu vulica na ivolanikalou oqo kei na veivurevure tale eso me baleta na Yalo Tabu, vakasaqara na Nona veidusimaki mo kila na cava mo vakavulica vei ira na cauravou me baleta na bibi ni Yalo Tabu ena nodra bula.

Joni 14:16–27 (Na Dauveivakacegui e rawa me vakavulici keda ka kauta mai na veika kece ena noda vakanananu)

Joni 15:26; V&V 42:17; Mosese 1:24 (Na Yalo Tabu e dau tukuna na itukutuku kei Tamada kei na Luvena)

Kalatia 5:22–23 (Vakamacalataka o Paula ni o koya na vua ni Yalotabu)

2 Nifai 32:5 (Na Yalo Tabu ena vakaraitaka vei keda na ka e dodonu meda cakava)

3 Nifai 27:20 (Ciqomi ni Yalo Tabu e vakasavasavataki keda)

Moronai 8:26 (Na Yalo Tabu e vakasinaiti keda ena inuinui kei na loloma)

Moronai 10:5 (Na Yalo Tabu e vakavulica vei keda na dina)

Gary E. Stevenson, “E rawa Vakacava Mena vukei Iko na Yalo Tabu?” Ensign se Liaona, Me 2017, 117–20

Henry B. Eyring, “Au sa Laiva Vei Kemudou na Noqu Vakacegu,” Ensign se Liaona, Me 2017, 15–18

Juan A. Uceda, “Na Turaga o Jisu Karisito sa Vakavulica vei Keda Meda MasuEnsign se Liaona,Nove. 2016, 30–32

Robert D. Hales, “Na Yalo Tabu,” Ensign se Liaona, Me 2016, 105–7

Vidio: “Voice of the Spirit”, “Enemy Territory”

Veivakavulici ena ivakarau ni Turaga

Na iVakabula e wasea na italanoa rawarawa, vakaibalebale, ka ivakaraitaki dina ni bula me vakavulica ena dua na sala e maucokona kivei ira Nona tisaipeli. Na veika cava soti o sotava vakatamata e rawa mo wasea vata kei ira na cauravou me vukea nodra kila na itavi ni Yalo Tabu ka vakila e dua na gagadre mera vakasaqara ka kilikili kaya na veika e sotavi?

Raica mera veiliutaki na cauravou

Ena veiliutaki ena soqoni ni kuoramu e dua na lewe ni mataveiliutaki ni kuoramu. Ena liutaki ira na cauravou mera veivosakitaka vata na veika me baleta na cakacaka ni kuoramu, vakavulica vei ira na nodra ilesilesi ni matabete (mai na ivolanikalou vata kei na ivola iTavi Vua na Kalou), ka sureta e dua na daunivakasala se dua tale na lewe ni kuoramu me vakavulica e dua na lesoni ni kosipeli. Ena rawa me vakavakarau o koya ena nona vola e dua na ituvatuva ni soqoni ni kuoramu ena gauna ni bose ni mataveiliutaki.

Tekivuna na gauna ni vuli-ka

Digidigi mai na veivakasama oqo se vakasamataka ga na nomu vakai iko mo raicalesu kina na lesoni ni macawa sa oti ka mo vakaraitaka kina na lesoni ni macawa oqo:

Solia e dua na gauna vei ira na cauravou mera vakasamataka ka wase e dua na ka era nanuma mai na lesoni ni macawa sa oti. Vakasamataka nomu semata rawa vakacava nodra isaunitaro ena lesoni nikua.
Sureti ira na cauravou mera vola me baleta e dua na gauna era a vakila kina na veivakauqeti ni Yalo Tabu. Na cava era kitaka mera ciqoma kina na Nona veivakayarayarataki? Na duidui cava e vakayacora Nona veivakayarayarataki? Kevaka e ganita, eso vei ira mera wasea na veika era sotava oti.

Vulica vata

Na itaviqaravi yadua e koto qori e ra ena vukea na lewe ni kuoramu mera kila na itavi ni Yalo Tabu. Muria na veivakauqeti ni Yalotabu, digitaka e dua se sivia ka na veiganiti kaya na nomu kuoramu.

Vola na veitaro oqo ena papa : E rawa Vakacava Mena vukei Iko na Yalo Tabu? Ena rawa ni vukei keda vakacava na Yalo Tabu? Sureti ira na cauravou me ra vaqara na vosa nei Elder Gary E. Stevenson “E rawa Vakacava Mena vukei Iko na Yalo Tabu?” se sarava na vidio “Voice of the Spirit,” me kunei na isau ni taro ena papa. Ni veiganiti, wasea na veika o sa sotava oti ni o a ciqoma na veivakauqeti niYalo Tabu, ka sureti ira na cauravou me ra wasea eso na ka era sa sotava oti. E rawa talega ni ra wasea na veika era na cakava me ra vakatudaliga vakavinaka cake ka vakamuria na veivakauqeti ni Yalo Tabu.
Vakaraica eso na italanoa mai na veivosa eso ni koniferedi raraba se qai oti ka vakaraitaka na itavi eso ni Yalo Tabu. Navuca me oka talega na veika e sotava o Peresitedi Henry B. Eyring kei na luvena, se o Yalododonu mai Austria “Au sa Laiva Vei Kemudou na Noqu Vakacegu” se na veika e a sotava o Elder Juan A. Uceda ena gauna ni nona kaulotu mai Peru “Na Turaga o Jisu Karisito sa Vakavulica vei Keda Meda Masu.” Sureti ira yadua na cauravou me ra wilika e dua vei ira na italanoa oqo, ka qai talanoataka tale vei ira na nona kuoramu ena nona vosa ga, ka vakatakila na itavi cava e vakayacora na Yalo Tabu ena italanoa oya. Vakayaloqaqataki ira na cauravou me ra wasea na veika era sa sotava oti ena gauna a vukei ira kina na Yalo Tabu.
Sureta e dua na lewe ni kuoramu me vakavulica e dua na tiki ni lesoni oqo. E rawa me cakava na tikina oqo me tiki ni nona ituvatuva ni iTavi Vua na Kalou me vulica ka vakavulica me baleta na Yalo Tabu (raica na “Kila na iVunau,” draunipepa 18, 42, se 66).
Sureti ira na cauravou mera vakasaqara na ivolanikalou oqo, ka raica kina na ilesilesi ni Yalo Tabu, ka mera vakaraitaka na sala e dau vakalougatataki ira kina na Nona veivakauqeti: Joni 14:26; 15:26; Kalatia 5:22–23; 2 Nifai 32:5; 3 Nifai 27:20. Sa rawa talega vei ira na cauravou mera vakasaqara ena vosa nei Elder Robert D. Hales “Na Yalo Tabu” na veitikina mera vulica kina na ilesilesi ni Yalo Tabu. Sureti ira na cauravou mera vola na gauna ena nodra bula era na gadreva kina na veivakauqeti ni Yalo Tabu. Ena gauna cava e sa na qai bibi kina vua na Yalo Tabu me vakaraitaka vei ira na veika e dodonu mera cakava? Ena gauna cava e rawa ni ra gadreva na cauravou mera vakila na veivakauqeti veivakacegui ni Yalo Tabu? Vakasamataka mo wasea e dua na ka o sotava saraga vakaiiko ena nomu ciqoma na veivuke ni Yalo Tabu.
Vakaraitaka e dua na vidio ka volai koto ena idusidusi oqo, ka kerei ira na cauravou mera rogoca na veika e vakavulica vei ira na vidio me baleta na ciqomi ni veidusimaki mai vua na Yalo Tabu. Kerei ira yadudua na cauravou me wasea eso na ka era sa vulica. Oti qai vola na itukutuku oqo mai vei Julie B. Beck ena vava ni volavola: “Na ka bibi duadua e rawa ni taukeni ena bula oqo sa ikoya na kena rawati, ka ciqomi ka cakacakataki na ivakatakila yadudua. Ni tiko vei keda e sega ni da guce; ni yali vei keda eda sega ni rawata” (“Vei Ira Talega na Vada Kau na Sovaraka na Yaloqu ena Gauna Koya,” Ensign se Liaona, Me 2010, 11). Sureti ira mera vakasamataka ka vola na cava era vakila me baleta na vosa cavuti oqo kei na kena bibi me kilikili na kena bulataki ka vakamuria na Yalotabu Vakauqeti ira mera tugana na cava e rawa mera cakava mera vakasaqara vakalevu cake sara na veitokani vata kei na Yalo Tabu.
Sureti ira na cauravou mera raica na serenilotu ena “Ulutaga” ena idusidusi “Yalo Tabu” mera raica e dua na serenilotu e vakavulica se na rawa ni vukei keda vakacava na Yalo Tabu. Kerei ira mera wasea na iyatuvosa mai na serenilotu era digia. Vakasamataka na kena lagati e dua na serenilotu me vaka e dua na kuoramu.

Kerei ira na cauravou mera wasea na veika era sa vulica nikua. Na cava era sa bau vakila se nanuma? Era kila li na itavi ni Yalo Tabu? E tiko tale beka eso na nodra vakatataro? Ena yaga dina beka me tauri vakalevu na gauna ena ulutaga oqo?

Me Veivuke ena Veivakavulici

“Ni o masu ka vakavakarau tiko mo veivakavulici, ... o na vakauqeti ena so na gauna mo vakabibitaka eso na ivakavuvuli. Ena rawa talega ni soli vei iko eso na vakasama ni kena vakavulici eso na ivakavuvuli. O na raica talega eso na ivakaraitaki, se ena so na iyaya mo vakayagataka ena lesoni, na italanoa e dau veivakauqeti kei na itavi rawarawa vata tale eso. O na vakauqeti beka mo sureta mai e dua na tamata me mai vukei iko ena kena vakarautaki se vakavulici na lesoni. Ena rairai votu tale mai vei iko eso na veika o sa sotava oti mai ka rawa ni o wasea vei ira na lewenikalasi” (Veituberi, Me iLutua Ni Noda Bula [1999], 54).

Veisureti me caka

Me na tinia na soqoni na cauravou ka veiliutaki tiko. Sa rawa vua me:

Kevaka e ganita, wasea na veika o sotava ka vakila kina na veivakayarayarataki ni Yalo Tabu ena dua na kena sala ka veivosakitaki ena soqoni ni kuoramu.
Sureti ira na cauravou ena kuoramu mera kilikili kaya ka vakasaqara na veitokani ni Yalo Tabu.