Aisea e taua ai le aiga?

O le aiga ua faauuina e le Atua ma e autu i ai Lana fuafuaga mo le taunuuga e faavavau o Ana fanau. O lenei fuafuaga paia ua mafai ai e tagata taitoatasi ona toe foi atu i Lona afioaga ma tuufaatasia ai aiga e faavavau.

Saunia oe lava ia faaleagaga

Aisea e te manatu ai e manaomia le faitalia i le fuafuaga o le fiafia a le Tama Faalelagi? Na faapefea ona e iloa le taua o le aiga?

O a savali o loo maua e alii talavou mai le lalolagi lea e feteenai ai ma mea na saunoa mai ai perofeta e uiga i le taua o le aiga? E faapefea ona e fesoasoani i alii talavou ia malamalama i le taua faavavau o le aiga?

Ia suesue ma le agaga tatalo ia mau ma punaoa, filifili vaega o le a fesoasoani i alii talavou ia malamalama i le pogai e taua ai le aiga.

Roma 8:16–17; Eperu 12:9 (O i tatou o fanau a le Tama Faalelagi)

Kenese 2:18–24; MF&F 131:1–4; 138:48 (Upumoni o le talalelei e faatatau i le aiga)

Mosaea 4:14–15; MF&F 68:25, 27–29; 93:40, 43, 48–50(E aoao e tamaiti le talalelei mai o latou matua)

“O Le Aiga: O Se Folafolaga i le Lalolagi,” Ensign po o le Liahona, Nov. 2010, 129 (tagai foi i le Faamaoni i le Faatuatua [2004], 59)

Carole M. Stephens, “O Le Aiga e Ou Le Atua,” Ensign po o le Liahona, Me 2015, 11–13

D. Todd Christofferson, “Aisea e Faaipoipo Ai, Aisea e Fai ai se Aiga,” Ensign po o le Liahona, Me 2015, 50–53

L. Tom Perry, “Avea ma ni Matua Lelei,” Ensign po o le Liahona, Nov. 2012, 26–28

Vitio: “E Mafai Na Faavavau Aiga”; “O le Aiga o se Faalapotopotoga Faale Atua”

3:11

1:49

Musika mo le autu a le autalavou: “Nothing Can Separate Us”

Aoao atu i le ala a le Faaola

Sa valaaulia e le Faaola Ona soo e molimau atu, ma a o latou faia, sa pai atu le Agaga i o latou loto. A o e aoao atu ia alii talavou e uiga i le mafuaaga e taua ai le aiga, valaaulia i latou e faasoa mai a latou molimau e uiga i le taua o le aiga i le fuafuaga o le faaolataga a le Atua.

Tuu atu i alii talavou e taitai

O se tasi o le au peresitene o le korama (po o se fesoasoani i le epikopo i le korama a le ositaulaga) e taitaia le fonotaga a le korama.Na te taitaia alii talavou i le fefautuaai faatasi e uiga i pisinisi faalekorama, aoao i latou i o latou tiute faaleperisitua (mai tusitusiga paia ma le tusi Tiute i le Atua ), uunai i latou e faasoa atu o latou aafiaga i le faataunuuina o o latou tiute i le Atua, ma valaaulia se faufautua po o se isi tagata o le korama e aoao atu se lesona o le talalelei.E mafai ona ia saunia e ala i le faatumuina o se lisi o mataupu talanoaina o le fonotaga a le korama i le taimi o se fonotaga a le au peresitene.

Amata le aafiaga faaleaoaoga

Filifili mai nei manatu pe mafaufau i ni ou lava manatu e iloilo ai le lesona o le vaiaso ua tea ma faalauiloa atu le lesona o lenei vaiaso:

Fai atu i alii talavou e faasoa atu i vaega taitoalua ia mea na latou aoaoina mai le lesona o le vaiaso ua te’a ma auala e mafai ona latou faatatauina ai i o latou olaga.
A o le’i amataina le fonotaga a le korama, fai atu i alii talavou e aumai se mea faitino e faatusa i ai se tasi o o latou mea e manatua e sili ona fiafia i ai ma o latou aiga (e pei o tu masani faaleaiga, faiga malologa, ma isi gaoioiga)

Aoao faatasi

O gaoioiga taitasi o loo i lalo e mafai ona fesoasoani i tagata o le korama ia malamalama ai i le taua o le aiga. I le mulimuli ai i le taitaiga a le Agaga, filifili se tasi po o le sili atu o le a sili ona aoga mo lau korama:

Fai atu i alii talavou e faitau le saunoaga a Elder D. Todd Christofferson “Aisea e Faaipoipo Ai, Aisea e Fai ai se Aiga” po o le parakalafa mulimuli e valu o le saunoaga a Elder L. Tom Perry “Avea ma ni Matua Lelei,” vaavaai ai mo ni tali i le fesili “Aisea e taua ai aiga?” Valaaulia ia uso o le korama e faasoa mai mea sa latou mauaina. O a mea e mafai ona faia e alii talavou e faaalia ai lo latou malamalama i le taua o aiga? E faapefea e lo latou malamalama i le taua o aiga ona aafia ai le auala o latou taulimaina ai ia tagata o latou aiga?
Vaevae le korama i ni vaega se fa. Tuu atu i vaega taitasi e suesue se tasi o vaega o le lauga a Carole M. Stephens “O Le aiga e Ou Le Atua” (e amata vaega taitasi ma se upumoni malosi e uiga i le aiga). Fai atu i vaega taitasi e sauni e aoao atu isi vaega i mea sa latou aoaoina mai a latou vaega. E mafai faapefea ona latou aoao atu ma faataitaia nei upumoni i o latou aiga ma alalafaga?
Faaali se tasi o ata vitio o loo fautuaina mai i lenei otootoga, ma fai atu i alii talavou e faalogologo mo ni mafuaaga na tuuina mai ai e le Tama Faalelagi ia i tatou ni aiga. Fesili atu i alii talavou pe faapefea ona latou tali atu i se tasi o le na fai mai se tala faapenei, “Ou te le iloa pe aisea e tatau ai ona ou faaipoipo” po o le “Ou te manatu ou te le manao e fai sau fanau pe a ou matua.” O le a se mea latou te tau atu i se uo e le o lelei le tulaga o lona aiga i le taimi nei? (Tagai “Aiga,” Mo le Malosi o le Autalavou, 14-15.)
Atofa atu i alii talavou taitasi se tasi o mau o i lenei otootoga. Fai atu i uso o le korama e suesue le “O Le Aiga: O Se Folafolaga i le Lalolagi” ma vaavaai mo se fuaitau lea e fesootai ma le latou mau. Valaaulia alii talavou taitasi e faasoa mai lana mau ma le vaega o le folafolaga e fesootai i ai. Fai atu i alii talavou e faasoa mai soo se aafiaga sa latou mauaina lea e faaalia ai le taua o aiga.

Fai atu i alii talavou e faasoa mai mea na latou aoaoina i le aso. Pe o latou malamalama i le mafuaaga e taua ai aiga? O a ni o latou lagona po o uunaiga o i ai? Pe o i ai ni a latou fesili faaopoopo? Mata e aoga le faaaluina o se isi taimi i lenei aoaoga faavae?

Valaaulia e faatino

O le alii talavou o loo taitai e faaiuina le fonotaga. E mafai ona ia:

Tuu atu lana molimau i le taua o le aiga i le fuafuaga a le Atua.
Fai atu i tagata o le korama e faasoa atu le “O Le Aiga: O Se Folafolaga i le Lalolagi” i se tagata o le aiga po o se uo.