Na sala cava meu na va-Karisito vakalevu cake kina?

Sa biuta toka o Jisu Karisito na ivakaraitaki vinaka sara vei keda, ka sa vakaroti keda o Koya me da yaco me vakataki Koya. A vakaraitaka o Koya na ivakarau ni bula me vaka na vakabauta, inuinui, loloma cecere, vosota, yalomalua, bula savasava, gugumatua, ka talairawarawa. Ni da vulica na veika me baleti Koya ka segata me da tara cake na Nona ivakarau ni bula, eda na yaco me vaka na yalewa erau vinakata vei keda o Koya kei na Tamada Vakalomalagi.

Mo vakarautaki iko vakayalo

Na cava eso na ivakarau nei Jisu Karisito? Na ivakarau cava vei ira oqo o na gadreva vakalevu cake mo tara cake? O cei mada o sa bau raica se kila ena nomu bula ni vakaraitaka tiko na ivakarau oqori?

Na ivakarau cava va-Karisito o raica rawa vei ira yadua na goneyalewa o dau vakavulica? Ena rawa vakacava ni o vakayaloqaqataki ira me ra muria na ivakaraitaki ni iVakabula ka yaco me vakataki Koya?

Na ivolanikalou kei na vosa cava beka ena vakauqeti ira na goneyalewa me ra tara cake na ivakarau e va-Karisito?

Maciu 26:36–45, 50–52; Luke 23:33–34; Joni 19:25–27; 3 Nifai 17 (iVakaraitaki eso ni ivakarau va-Karisito)

Mosaia 3:19 (Ena vuku ni Veisorovaki nei Jisu Karisito sa rawa ni da yaco kina me da yalododonu)

3 Nifai 12:48; Moronai 7:48 (Veisureti me yaco me vaka na iVakabula)

Robert D. Hales, “Yaco mo Tisaipeli ni Noda Turaga o Jisu,” Ensign se Liaona, Me 2017, 46–48

Henry B. Eyring, “Nuitaka na Yalo Oya Ka Muataka na Caka Vinaka,” Ensign se Liaona, Me 2016, 16–18

Richard J. Maynes, “Na Rekitaki ni Bula sa Vakarisito,” Ensign se Liaona, Nove. 2015, 27–30

“Se Bula Na Karisito: Nodra iVakadinadina na iApositolo,” Ensign se Liaona, Epe. 2000, 2–3

“Meu na Vakatorocaketaka Vakacava na iTovo va-Karisito?” Vunautaka na Noqu Kosipeli (2004), 115--l26

Vidio: “Daily Bread: Change,”; “Christlike Attributes”

NaN:NaN

2:54

Veivakavulici ena ivakarau ni iVakabula

Ena veivanua kecega, sa noda ivakaraitaki ka dauveivakauqeti o Jisu Karisito. E rawa ni o vulica na Nona ivakarau ena nomu wilika me baleta na Nona bula ena ivolanikalou. E vakavuvulitaka ko Koya, “Koi au na sala, kei na vu ni dina, kei na vu ni bula” (Joni 14:6). Vakarautaki iko mo vakavulici ira na goneyalewa ena bibi ni kena vakaitovotaki na nodra bula ena ivakarau va-Karisito.

Wasea na veika sa sotavi

Ena itekivu ni veikalasi yadua, sureti ira na goneyalewa me ra wasea, vakavulica, ka vakadinadinataka na veika eso era sa sotava oti mai ena nodra bulataka na veika era vulica ena lesoni ni macawa sa oti. Oqo ena vakauqeta na saumaki ni tamata yadua ka na vukei ira na goneyalewa me ra raica na yaga ni kosipeli ena nodra bula e veisiga.

Vakamacalataka na ivunau

Digidigi mai na veivakasama oqo se nomu nanuma eso mo vakamacalataka kina na lesoni ni macawa oqo:

Solia vei ira yadua na goneyalewa e dua na ilavelave ni itaviqaravi ni ivakarau ni bula ena tabana e 126 ni Vunautaka na Noqu Kosipeli, ka kerei koya me taura e vica na miniti me vakacavara kina na vakadidike. Sureti ira na goneyalewa me ra wasea na veika era vulica mai na itaviqaravi oqo. Sureti iratou e vica me ratou wasea na ivakarau Vakarisito era dau qoroya vua e dua tale na lewe ni kalasi se dua na lewe ni matavuvale.
Sureti ira na goneyalewa me ra lako yadudua mai ki na vava ni volavola ka vola e dua se sivia na vosa me vakamacalataka na iVakabula. Ni ra sa lako taucoko mai ka vola e dua na ka ena lisi, kerei ira na goneyalewa me ra vakasamataka vakatitobu se na ivakarau cava era na vinakata me ra tara cake.

Vulica vata

Na itaviqaravi yadua e ra ena vukei ira na goneyalewa me ra vulica na ivakarau me ra tara cake kina na ivakarau va-Karisito. Muria na veivakauqeti ni Yalotabu ena nomu digitaka e dua se sivia ka na ganita na nomu kalasi:

Sureti ira na goneyalewa me ra wilika na vosa nei Elder Robert D. Hales “Yaco mo Tisaipeli ni Noda Turaga o Jisu” ka veitalanoataka eso na ituvaki ni bula ni tisaipeli e sa vaka na voivoi talivata me dua na ibe. Ena rawa beka ni marautaka na goneyalewa kevaka era bulia ga na nodra ivakamacala—ka vakaraitaka na kedra cakacaka na veitikina me buli kina e dua na ka me levu—ka matataka na kena veivakatorocaketaki ni ivakarau va-Karisito. Sureti ira na goneyalewa me ra digitaka e dua na ivakarau va-Karisito ka tukuni tiko ena vosa era na vinakata me ra saga me ra na vakatoroicakataka vakataucoko.
Ena nona vosa “Nuitaka na Yalo Oya Ka Muataka na Caka Vinaka,” E vakavulica o Peresitedi Henry B. Eyring ni “imatai ni ka mo vakadeitaka mo cakava” ni ko vinakata mo muria na iVakabula “oya mo lako ka veiqaravi ni kilai tu ni o sega ni lako duadua.” Ena kena vukei me ra muria na goneyalewa na ivakasala oqo, sureti ira me ra vakasaqara ena vosa; makataka na yalayala, veivakananumi, kei na yalodina; ka wasea na veika era sa vulica vei ira na kalasi. Na cava e rawa ni ra cakava na goneyalewa me ra cakava na veisureti nei Peresitedi Eyring me ra laki qaravi ira na tamata? Me vakataka, na nodra rawa ni volavola vei ira era lomana, me vakataka na lewe ni matavuvale, itokani, se o ira e tiko tikivi koya, ka tukuna kina na nodra vakavinavinaka se qoroqoro. Vakayaloqaqataki ira me ra vakarorogo ki na veivakauqeti ni Yalotabu ni ra sa volavola.
Ena kena gadrevi mera kila vinaka na goneyalewa na vuna meda vakatabakiduataka kina na noda bula vei Jisu Karisito, sa rawa mo sureti ira me ra cakava e dua na qito e vakatabakiduataki kina na iyaya (me vakataka na vakacuru rigi se tuvai matau ni buloko e rewa e cake). Vakaraitaka na imatai ni va na miniti ni vosa nei Elder Richard J. Maynes “Na Rekitaki ni Bula sa Vakarisito.” Na cava era sa vulica me baleta na bibi ni vakatabakiduataki na nodra bula vua na iVakabula mai na itaviqaravi kei na vosa? Kerei ira na lewe ni kalasi mera cakacaka vakaisa ka raica e dua na italanoa e vakaraitaka tiko na veivakalougatataki eda ciqoma ni da vakatabakiduataka na noda bula vua na Karisito. Na cava mera na cakava mera vakatabakiduataka cake na nodra bula vua na iVakabula kei na Nona ivakavuvuli?
Wasea vata kei ira na goneyalewa na ivakarau va-Karisito e tuvai ena wase 6 ni Vunautaka na Noqu Kosipeli,“Au na Vakatorocaketaka Vakacava na iVakarau va-Karisito?” Kerei ira na goneyalewa me ra digitaka e dua vei ira na ivakarau oqo era na taleitaka me ra tara cake. Solia vei ira na gauna ena kalasi me ra vulica kina na ivakarau era sa digitaka, ena nodra muria na vakatutu ena ruku ni ulutaga “Vakatorocaketaki na iVakarau va-Karisito” ena tabana 122–23. Vakayaloqaqataki ira me ra tomana tiko na nodra vulica na ivakarau era digitaka ena macawa mai oqo ka wasea na vakasama eso mai na nodra vuli ena itekivu ni lesoni ena macawa ka tarava.
Sureti ira na goneyalewa me ra dui wilika na ivolanikalou e vakaturi tiko ena lesoni oqo, ka makataka na vosa kei na malanivosa e vakaraitaka eso na ivakarau ni iVakabula. Vakayaloqaqataki ira me ra vaqara na ivakarau ni bula oqo kei na so tale ni ra sarava na vidio “Christlike Attributes.” Solia vei ira na gauna me ra wasea na nodra nanuma me baleta na iVakabula kei na ivakarau e dau kena ivakaraitaki o Koya. E rawa vakacava me ra tara cake ena nodra dui bula na ivakarau oqo? E rawa talega ni ra wasea na nodra ivakaraitaki eso na tamata era kila ka ra nanuma ni ra dau vakaraitaka eso na ivakarau va-Karisito oqo.

2:54

Kerei ira na goneyalewa me ra wasea na veika era sa vulica nikua. Na cava era sa bau vakila se vakanananu kina? Era kila deivaki na sala e rawa ni ra yaco kina me ra va-Karisito cake? E tiko beka eso tale na nodra vakatataro? Ena yaga dina beka me tauri vakalevu na gauna ena ulutaga oqo?

Bulataka na ka eda vulica tiko

Sureti ira na goneyalewa me ra vakasamataka na sala me ra bulataka kina na veika era sa vulica nikua. Me kena ivakaraitaki, e rawa ni ra:

Vakavulica e dua na lesoni ni lotu vakamatavuvale me baleta na ivakarau ni nona bula na iVakabula ena nomu vakayagataka e dua na itaviqaravi mai na ituvatuva oqo.
Wasea na nodra ivakadinadina me baleta na iVakabula vua e dua na itokani se matavuvale se ena dua na soqoni ni lolo kei na soli ivakadinadina.

Wasea vata kei ira na goneyalewa na veika era na vulica tiko ena macawa mai oqo. Na cava na nodra vakanananu kei na nodra taro ena ulutaga oqo? Na cava e rawa ni ra cakava me ra vakavakarau ki na vuli? Me kena ivakaraitaki, e rawa ni ra wilika e dua na vosa, sarava e dua na vidio, se vulica e dua na ivolanikalou e semati ki na lesoni ena macawa mai oqo.

Veisemati ni iTaviqaravi ni iTabagone

Yavutaka e dua na itaviqaravi ni Muavata ka na rawa ni vukei ira na goneyalewa me ra bulataka na veika era sa vulica mai na lesoni oqo.