Meu na vukei ira vakacava na noqu itokani luluqa mera lesu tale mai ki na lotu?

Me tiki ni noda dina tiko meda “vakadinadinataka na Kalou ena veigauna kecega, ena veika kecega kei na veivanua kecega” ( Mosaia 18:9), meda sa vukei ira yani na tiko tikivi keda kei na veitokani Yalododonu Edaidai era sa sega tu ni mai lotu. Sa rawa ni da vukei ira mera vakila na noda loloma dina kei na kauwai ena wasei ni noda ivakadinadina ni da cavuta ka vakayacora ka okati ira ena noda itaviqaravi.

Mo vakarautaki iko vakayalo

Na cava o na cakava mo vukei ira kina na lewe ni lotu o kila era luluqa tu? Na cava o rawa ni wasea vei ira na goneyalewa me baleta na veika o sa sotava?

Era dau veimaliwai vakacava na goneyalewa kei ira na lewe ni kalasi era luluqa tu? Na sala cava soti mera na vukei kina na goneyalewa oqo?

Na ivolanikalou kei na vosa cava ena vukei ira na goneyalewa mera vulica na sala mera laki vukei ira kina na itokani era sa luluqa tu?

Luke 15 (Vosa vakatautauvata ni sipi ka yali, tiki ni siliva ka yali, kei na gone cidroi)

Luke 22:32; Joni 21:15–17; 1 Pita 5:2–4 (Sa vakaroti keda na Turaga meda veivaqaqacotaki vakaikeda)

Alama 31:34–35; V&V 18:10–16 (Sa ka talei na tamata kecega)

S. Mark Palmer, “A Sa Vakaraici Koya Ko Jisu A Sa Lomani Koya,” Ensign se Liaona, Me 2017, 114–16

Mervyn B. Arnold, “Ki na Veivueti: E Rawa ni Da Cakava,” Ensign se Liaona, Me 2016, 53–55

Brent H. Nielson, “Waraki ni Gone Cidroi,” Ensign se Liaona, Me 2015, 101–3

Gordon B. Hinckley, “Na Vakabauta me Toso Kina na Ulunivanua,” Ensign se Liahona, Nove. 2006, 83–84

Vidio: “Help Others Come Back to Church,” “The Faith of Youth: The Ennis Family,” “Reach Out with Love”, “Face to Face with President Eyring and Elder Holland: How can I help my family members who are less-active?”

1:54

3:35

NaN:NaN

Veivakavulici ena ivakarau ni iVakabula

E veivuke na iVakabula vei ira e vakavulica mera tubu vakayalo ka saumaki mai ka sureti ira mera cakacaka ena vakabauta. O na vakaraitaka vakacava vei ira na goneyalewa o vakavulica ni ko sa nuidei tiko ni ra na rawa ni bulataka na kosipeli?

Wasea na veika o sa sotava

Ena itekivu ni veikalasi yadua, sureti ira na goneyalewa me ra wasea, vakavulica, ka vakadinadinataka na veika eso era sa sotava oti mai ena nodra bulataka na veika era vulica ena lesoni ni macawa sa oti. Oqo ena vakauqeta na saumaki ni tamata yadua ka na vukei ira na goneyalewa me ra raica na yaga ni kosipeli ena nodra bula e veisiga.

Vakamacalataka na ivunau

Digidigi mai na veivakasama oqo se nomu nanuma eso mo vakamacalataka kina na lesoni ni macawa oqo:

Vakaraitaka e dua na vidio e vakaturi tiko ena ituvatuva oqo, ka kerei ira na goneyalewa mera wasea na nodra nanuma me baleta na nodra vukei lesu tale mai ena lotu o ira na tani.
Vola na ulutaga ni lesoni ena vava ni volavola. Sureti ira na goneyalewa mera vola ena dua na tiki ni pepa e dua na sala era rawa ni vukei ira kina na itokani luluqa vakalotu mera lesu mai ki lotu. Soqona na tiki ni pepa ka veisoliyaka vei ira eso tani tale na goneyalewa. Sureta mera wasea na vakasama mai na pepa. Kerei ira na goneyalewa mera vakasamataka tiko ena gauna ni lesoni e dua era kila e luluqa vakalotu tiko ka vakasaqara na sala era rawa ni vukea kina na tamata o ya.

Vulica vata

Na itaviqaravi yadua e ra ena vukei ira na goneyalewa mera kila vakavinaka na sala mera vukei ira kina na itokani luluqa vakalotu mera lesu mai ki lotu. Muria na veivakauqeti ni Yalotabu ena nomu digitaka e dua se sivia ka na ganita na nomu kalasi:

Vakaraitaka ki na kuoramu e dua na itaba ni vakatawa ni sipi kei na sipi, me vakataka ena itaba oqo E keveta tiko o Jisu e dua na Lami a yali tu (Gospel Art Book [2009], naba 64). Kerei ira na goneyalewa me ra vakarogoca na vosa se malanivosa e vakayagataki me vakamacalataka na loloma e tu vei Jisu Karisito me baleti ira na Nona sipi ena nodra lagata se wilika na sere na“Talei Vua na iVakatawa” (Serenilotu naba 130 Me vukei ira na goneyalewa me ra vaqara na sala era rawa ni vukea na iVakabula me ra vakasokumuni ira na sa yali, e rawa ni o kerei ira me ra taleva lesu e va na lesoni e wasea o Elder S. Mark Palmer ena icavacava ni nona vosa “Sa Vakaraici Koya o Jisu A Sa Lomani Koya.” Ena rawa ni vukei keda vakacava na veilesoni oqo ena noda dodoliga yani vei ira na noda leweni matavuvale kei na itokani luluqa tu ena lotu? Na ivakavuvuli cava tale era rawa ni vakasamataka na goneyalewa ni na veivuke?
Kerei ira na goneyalewa mera vakasamataka na gauna era a vakayalia kina e dua na ka talei. Na cava era a cakava mera kunea tale kina? Lesia ki na goneyalewa yadua e dua vei iratou na tolu na vosa vakatautauvata ena Luke 15. Kerei koya me tokaruataka tale na vosa vakatautauvata oqo ena nona vosa ga ka wasea e dua na malanivosa mai na vosa vakatautauvata me ivakaleka ni veika a vakavulica na iVakabula ena vosa vakatautauvata o ya. Na cava era sa vulica na goneyalewa mai na ka e vakayacora na ivakatawa ni sipi, na marama, kei koya na tama ni gone ena vosa vakatautauvata? Era na muria vakacava na ivakaraitaki oqo ni ra saga mera vukei ira na sa “yali” tu mai na Lotu? Kerei ira na goneyalewa kevaka era na vinakata mera wasea na gauna era a lesu tale mai kina na nodra itokani se lewe ni matavuvale mai na nodra bula luluqa vakalotu.
Sureta taumada e liu e dua na goneyalewa me na wilika tiko mai na vosa nei Elder Mervyn B. Arnold “Ki na Veivueti: E Rawa ni Da Cakava.” Kerei koya me vakavakarau tiko mai me na mai wasea e dua se rua na italanoa e veivakauqeti vua. Sureti ira na goneyalewa me ra veivosakitaka na sala e rawa ni yaga kina vei ira vakalasi na italanoa oqo. O cei era bau kila tu e sega ni mai lotu tiko? E rawa vakacava ni ra cakacaka vata vakalasi me ra vukea na tamata oya me toro volekata na iVakabula? Sa rawa mo sureti ira talega na goneyalewa me ra raica na va na ivakavuvuli e tiko ena vosa nei Elder Arnold. Era kila beka eso era sa bula ivakaraitaki tiko ena ivakavuvuli oqo? Na cava era rawa ni ra cakava me ra vakataki ira oqo?
Wasea na italanoa me baleti ganei Elder Brent H. Nielson ena nona vosa “Waraki ni Gone Cidroi” se wasea na veika o sa sotava ena nomu vukea e dua na itokani se leweni vuvale luluqa ena lotu. Sureti ira na goneyalewa me ra wilika na Alama 31:34–35 kei na V&V 18:10–16. Na cava era vakavulica na ivolanikalou oqo me baleta na lomana na Tamada Vakalomalagi baleti ira na Luvena? Vukei ira na goneyalewa mera vola na yacadra na goneyalewa luluqa vakalotu ena tabanalevu, ka veivosakitaka vaka-kalasi ni ra sa ka vakamareqeti kei na veika era rawa ni cakava mera sureti ira kina mera lesu mai.
Vakaraitaka na vidio “Help Others Come Back to Church.” Sureti ira na goneyalewa mera vakasaqara na ivakavuvuli e vakavulica o Elder Bednar ka na vukei ira mera gugumatua cake ni sureta na nodra itokani luluqa mera lesu tale mai ki lotu. Na cava e dua kina na sala vinaka na cakacaka ni tuva kawa mera sureti kina na itokani luluqa tu mera mai vakaitavi ena lotu? Na itaviqaravi cava tale eso e rawa ni mana kina na ka e vakamacalataka tiko o Elder Bednar?

1:54

Kerei ira na goneyalewa mera wasea na veika era sa vulica nikua. Na cava era sa bau vakila se vakanananu kina? Era sa kila deivaki beka na sala mera vukei ira kina na nodra itokani luluqa vakalotu? E tiko beka eso tale na nodra vakatataro? Ena yaga beka me na tauri vakalevu na gauna ena ulutaga oqo?

Bulataka na ka eda vulica tiko

Sureti ira na goneyalewa mera vakasamataka na sala mera bulataka kina na veika era sa vulica nikua. Me kena ivakaraitaki, e rawa ni ra:

Vakacavara na Caka Vinaka ena Veika Sotavi ena yavunilewa 7 ena Torocake Yadudua.
Masu mera vakauqeti ena sala mera vukea kina e dua na itokani se lewe ni matavuvale me lesu tale mai ki lotu ka sureti koya ki lotu se dua na itaviqaravi ni Muavata.
Talemuria e dua na ituvatuva era sa cakava nikua mera vukea kina e dua na lewe ni lotu luluqa.

Wasea vata kei ira na goneyalewa na veika era na vulica tiko ena macawa mai oqo. Na cava e rawa ni ra cakava mera vakavakarau kina ki na vuli? Me kena ivakaraitaki, e rawa ni ra wilika e dua na vosa, sarava e dua na vidio, se vulica e dua na ivolanikalou e semati ki na lesoni ena macawa mai oqo.

Veisemati ni iTaviqaravi ni iTabagone

Yavutaka e dua na itaviqaravi ni Muavata ka na rawa ni vukei ira na goneyalewa mera bulataka na veika era sa vulica mai na lesoni oqo.