Na cava e bibi kina na tiko savasava?

Na tiko savasava sa ikoya na savasava ni veiyacovi ka okati kina na ivakarau savasava ni vakanananu, vosa, kei na cakacaka. Na veivolekati ena veiyacovi sa ilesilesi mai vua na Kalou mera buli kina na gonelalai kei na vakaraitaki ni dodomo mai vei rau na veiwatini. Sa vakarota kina na Kalou ni gagadre ni veiyacovi e baleti ira ga era sa vakamau. Ni da savasava tu ena bula ni veiyacovi, sa ganiti keda na veitokani ni Yalo Tabu, ka da taqomaki kina mai na veivakacacani ki lomada kei na yaloda ni ivalavala ca ni veiyacovi.

Vakarautaki iko vakayalo

Esa vakalougatataki iko vakacava na nomu bulataka tiko na lawa ni tiko savasava?

Na ivunau cava ena vukei ira vakavinaka duadua na goneyalewa me ra vakila na bibi ni tiko savasava? Na ivakavuvuli lasu cava beka era dau raica e vakalailaitaka na bibi ni tiko savasava?

Vulica ena yalo masumasu na ivurevure eso oqo. O na vukei ira beka vakacava na goneyalewa me ra kila vakamatata ka vakila na bibi ni tiko savasava?

Nai Vakatekivu 39:7–21 (A dro tani o Josefa mai na ivalavala ca ni veiyacovi)

1 Nifai 10:21 (Sa dodonu me da savasava me rawa ni da tiko vata kei na Kalou)

Alama 39:1–13 (Sa ka vakasisila na ivalavala ca ni veiyacovi)

Moronai 9:9 (Sa ka talei ka vakamareqeti na tiko savasava)

V&V 46:33; 121:45–46 (Na bibi ni ivalavala dodonu)

Linda S. Reeves, “Bula Kilikili ki na Noda Veivakalougatataki Yalataki,” Ensign se Liaona, Nove. 2015, 9–11

Boyd K. Packer, “Na iTuvatuva ni Marau,” Ensign se Liaona, Me 2015, 26–28

David A. Bednar, “Eda Vakabauta na Tiko Savasava,” Ensign se Liaona, Me 2013, 41–44.

Jeffrey R. Holland, “Bula Savasava Yadua,” Ensign, Nove. 1998, 75–78; Liaona, Okot. 2000, 40–43

Jeffrey R. Holland, “Nodra Vukei o Ira Era Vakatotoganitaki Tu Ena Veivinakati Vakatagane se Vakayalewa Vata,” Ensign se Liaona, Okot. 2007, 42–45

“iSulusulu kei na iRairai,” “Savasava ni Veiyacovi,” Me iSakisaki ni iTabagone (2010), 14--16, 26–28

“Tiko Savasava,” Tudei Ena Vakabauta (2004), 123–128

Vidio: “I Choose to Be Pure”; “Chastity: What Are the Limits?”; “True Confidence”

4:20

NaN:NaN

3:58

Wasea na veika o sa sotava

Ena itekivu ni veikalasi yadua, sureti ira na goneyalewa me ra wasea, vakavulica, ka vakadinadinataka na veika eso era sa sotava oti mai ena nodra bulataka na veika era vulica ena lesoni ni macawa sa oti. Oqo ena vakauqeta na saumaki ni tamata yadua ka na vukei ira na goneyalewa me ra raica na yaga ni kosipeli ena nodra bula e veisiga.

Vakamacalataka na ivunau

Digidigi mai na veivakasama oqo se vakasamataka ga eso na nomu mo vakamacalataka kina na lesoni ni macawa oqo:

Ni se vo e vica na siga me yaco na kalasi, sureti ira na goneyalewa me ra sarava na vidio “I Choose to Be Pure” mena vakavakarau ki na lesoni oqo. Ena itekivu ni kalasi, sureti ira na goneyalewa me ra wasea na veika era sa vulica se na nodra taro.

4:20
Sureta e dua na goneyalewa me taura cake na iyaloyalo kei Josefa ena nona vorata tiko na wati Potifa (raica na iVola ni iYaloyalo Vakosipeli, 11) ka vakalekalekataka na italanoa ena nona vosa. Na cava a cakava o Josefa me savasava tikoga kina? Na cava a qai yaco dina me vua ni nona yalodina o Josefa? Na cava a rawa ni yaco kevaka a sega ni dinata na nona veiyalayalati? Na cava e bibi kina me da tiko savasava tikoga?

Vulica vata

Na itaviqaravi yadua e ra e rawa ni vukei ira na goneyalewa me ra vulica na lawa ni tiko savasava. Ni muri na veituberi ni Yalotabu, digitaka e dua se sivia ka na ganita na nomu kalasi:

Sureta eso na goneyalewa me ra wilika na ivolanikalou e baleta na bula savasava (me vaka era vakaturi ena ituvatuva oqo); sureti ira tale eso me ra wilika “Savasava ni Veiyacovi” ena Me iSakisaki ni iTabagone; ka sureti ira na kena vo me ra wilika na “Tiko Savasava” ena Tudei ena Vakabauta. Kerei ira me ra vaqara na isau ni taro “Na cava e bibi kina vua na Turaga na tiko savasava?” ka wasea na veika era sa kunea rawa. Era duidui vakacava mai na veika e vakavuvulitaka o vuravura me baleta na tiko savasava na ivakavuvuli eso e kune ena ivolanikalou kei na ivurevure eso oqo? Na cava era vulica na goneyalewa mai na ivurevure eso oqo ena rawa ni vukei ira me ra toboka na cala ena rai vakavuravura?
Vakaraitaka na vidio “Chastity: What Are the Limits?” Ni sa oti na vidio, kerei ira na goneyalewa me ra vakamacalataka na vakasama eso (me vaka na waisavu, waqavuka, se luve ni karokotaile) vakavulica vei ira na lawa ni tiko savasava. Na cava tale era sa vulica mai na vidio oqo? Sureti ira me ra vakasamataka ka wasea na vakasama tale eso e vakavuvulitaka na bibi ni tiko savasava.

NaN:NaN
Sureti ira na goneyalewa me ra sarava “I Choose to Be Pure” se na “True Confidence,” ka vaqara eso na isau ni taro oqo “Na cava e bibi kina na tiko savasava?” Kerei ira me ra wasea na nodra vakasama ka veidutaitaka na ivakarau ni rai e vakaraitaki ena vidio kei na veika e vinakata o vuravura me ra vakabauta na goneyalewa. Na cava soti e rawa ni ra cakava na goneyalewa me ra veitokoni kina vakaiira ena nodra sasaga me ra talairawarawa ki na lawa ni tiko savasava?

4:20

3:58
Wasei ira vakailawalawa na goneyalewa. Solia ki na ilawalawa yadua e dua na wase ni vosa nei Peresitedi Boyd K. Packer “Na iTuvatuva ni Bula Marau,” na vosa nei Elder David A. Bednar “Eda Vakabauta na Tiko Savasava,” se vosa nei Sister Linda S. Reeves “Bula Kilikili ki na Noda Veivakalougatataki Yalataki.” Me ra vulica na ilawalawa yadua na nodra iwasewase ka sauma na taro “Na cava sa rui bibi kina me ra bula savasava ni veiyacovi?” Sureti ira me ra wasea na itukutuku se veika dina era raica ni vakaibalebale se bibi. Ena rawa vakacava ni ra vakayagataka na veika era vulica mera vukea kina na nodra itokani mera kila deivaki na vuna e bibi kina vei ira na tiko savasava?
Kerei ira na goneyalewa mera vakayagataka na wase “iSulusulu kei na iRairai” ena Me iSakisaki ni iTabagone me isau ni taro vakaoqo “Na cava na ivakatagedegede ni Turaga me baleta na itovo rakorako?” “Na cava e bibi kina vei iko mo muria na ivakatagedegede eso oqo?” vakakina “Ena vakaraitaka se vakayarayarataka vakacava na itovo rakorako na noda rai me baleta na lawa ni tiko savasava?” Kerei ira me ra wasea na nodra isau ni taro ka vakananuma vakatitobu na veika e rawa ni ra cakava me ra vakamuria vakamatailalai kina na ivakatagedegede eso oqo.
Taroga vei ira na goneyalewa na sala e rawa ni ra vukea kina e dua na itokani ka bolei tiko ena veivinakati vakayalewa se vakatagane. Sureti ira me ra vaqara eso na kena vakasama ena itukutuku nei Elder Jeffrey R. Holland “Nodra Vukei o Ira Era Vakatotoganitaki Tu Ena Veivinakati Vakatagane se Vakayalewa Vata.” Vakayaloqaqataki ira me ra vola e dua na ivola ena rawa ni vukea na nodra itokani. Na cava tale era vulica mai na itukutuku nei Elder Holland?

Kerei ira na goneyalewa me ra wasea na veika era sa vulica nikua. Era sa kila vakamatata beka na lawa ni tiko savasava? Na cava era sa bau vakila se vakanananu kina? E tiko beka eso tale na nodra vakatataro? Ena veivuke beka me tauri vakalevu na gauna ena ivunau oqo?

Bulataka na ka eda vulica tiko

Sureti ira na goneyalewa me ra vakasamataka na sala me ra bulataka kina na veika era sa vulica nikua. Me kena ivakaraitaki, e rawa ni ra:

Cakava e dua vei ira na veika sotavi ni yavunilewa ni iValavala Dodonu (Torocake Yadudua, 69–71).
Cakava e dua na ituvatuva ni veika era na cakava kei na kena era na levea me ra savasava tikoga kina ena bula ni veiyacovi.

Wasea kei ira na goneyalewa na ka era na vulica ena macawa mai oqo. Na cava e rawa ni ra cakava me ra vakavakarau kina ki na vuli? Me kena ivakaraitaki, e rawa ni ra wilika e dua na vosa, sarava e dua na vidio, se vulica e dua na ivolanikalou e semati ki na lesoni ena macawa mai qo.

Veisemati ni iTaviqaravi ni iTabagone

Yavutaka e dua na itaviqaravi ni Muavata ka na rawa ni vukei ira na goneyalewa me ra bulataka na veika era sa vulica mai na lesoni oqo.