Vakamau kei na Matavuvale
“Sa qisia na Kalou me vakawati na tagane kei na yalewa … ni suitu tiko ni nona yavu ni bula oqo na Dauniveibuli na tiko vakamatavuvale, meda cokonaki kina ena noda ilakolako ki na bula tawamudu na Luvena vakayadua” (“Na Matavuvale: Ai Vakaro ki Vuravura Raraba,” Ensign se Liaona, Me 2017, 145).
Na ituvatuva ena tabana oqo ena vukei ira na goneyalewa me ra kila na bibi ni matavuvale ena nodra dui bula kei na Nona ituvatuva na Tamada Vakalomalagi me baleti ira na Luvena. Na dina era kila ena tabana oqo ena vukei ira me ra taqomaka na nodra bula vakawati kei na matavuvale mai na nona cakacaka kei na lawaki ni vunica. Ena vukei ira na dina oqo me ra vaqaqacotaka na nodra matavuvale ena gauna oqo ka vakarau me ra susuga cake e dua na matavuvale bula dodonu ni ra yalewa vakawati ka tina bula dodonu e Saioni.
iTuvatuva mo Digidigi mai kina ena Vula Oqo
Muavata
Vakasamataka na navuci ni so na itaviqaravi ka sala vata kei na veika era sa vulica tiko na itabagone. Na mataveilawa ni iTaviqaravi ni iTabagone ni lotu sa vakarautaki tu me vukei iko. E vuqa na itaviqaravi ni vuli ena ituvatuva oqo e rawa talega me itaviqaravi vinaka ni Muavata. Cakacaka vata kei ira na mataveiliutaki ni kalasi me digitaki ka tuvai na itaviqaravi ena vaqaqacotaka na veika era a vulica na goneyalewa ena Sigatabu.
Torocake Yadudua
Na itaviqaravi eso oqo mai na Torocake Yadudua e veisemati kei na lesoni mai na iwasewase oqori:
Veika e sotavi ena yavu ni lewa ni Bula Vakalou 3 kei na 5
Veika e sotavi ena yavu ni lewa ni Keda Yaga Yadua 4
Veika e sotavi kei na cakacaka lavaki ena yavu ni lewa ni Bula Dodonu