Au na rawa ni cakava vakacava me vakaibalebale vakalevu cake na noqu masu?

E lomani keda na Tamada Vakalomalagi ka gadreva meda veivosaki vata kei Koya ena noda masu. Ni da sa masu, e dodonu meda tukuna vua na Tamada Vakalomalagi na nanuma ni lomada. Meda kakua ni tokaruataka tikoga na vosa se malanivosa e sega ni vakaibalebale. Mai na noda masu vakaidina, kei na yaloda dina, eda na vakila ni sa tiko volekati keda na Tamada Vakalomalagi.

Mo vakarautaki iko vakayalo

Na veika vakaibalebale cava soti ni bula ni masumasu o sa bau sotava oti? Na cava o sa vulica mai na veika oqo me baleta na veivosaki kei na Tamada Vakalomalagi? Na cava o sa cakava me vakaibalebale cake kina vakalevu na nomu masu?

Na gauna cava o sa bau rogoci ira kina na goneyalewa ena nomu kalasi mera masu? O na vukei ira vakacava me vakaibalebale vakalevu cake na nodra masu? Ena vukei ira vakacava ena gauna oqo kei na veisiga ni mataka na nodra kila vakavinaka na sala mera veivosaki kina kei na Tamada Vakalomalagi?

Ni ko vakavakarau, vulica ena masumasu na ivurevure oqo. Na cava o gadreva mera raica na goneyalewa me baleta na masu?

Luke 22:41–42;; Ilamani 10:5; V&V 46:30–31 (E dodonu meda vakasaqara na lewa ni Kalou ni da masu)

3 Nifai 14:7; V&V 9:7–8 (E dodonu me salavata tiko kei na masu na sasaga ena yalodina)

3 Nifai 17–19 (A masu vata kei ira na Nifai o Jisu Karisito ka vakavulica na ivakarau ni masu)

Moronai 10:3–5 (Masu ena vakabauta, kei na yalodina, ka vagumatua)

Carol F. McConkie, “Na Gagadre Vakaidina ni Yalo,” Ensign se Liaona, Nove. 2016, 25–27

Juan A. Uceda, “Na Turaga o Jisu Karisito sa Vakavulica vei Keda Meda Masu,” Ensign se Liaona, Nove. 2016, 30–32

David A. Bednar, “Kerekere ena Vakabauta,” Ensign se Liaona, Me 2008, 94–97.

David A. Bednar, “Dau Masu Tikoga,” Ensign se Liaona, Nove. 2008, 41–44.

“Masu,” Tudei ena Vakabauta (2004), 70–75

Vidio: “Daily Bread: Experience”, “Face to Face with President Eyring and Elder Holland: How can I improve my prayers?” “Face to Face with President Eyring and Elder Holland: What does the phrase ‘nothing wavering’ mean in James 1:6?”

Veivakavulici ena ivakarau ni Turaga

Na iVakabula e dau lomani ka masulaki ira e vakavulica. Ena gauna eda sa na kilai ka lomani ira kina eda vakavulica, eda na masulaki ira ena yacadra, ena bolebole, kei na veimadigi yadua era na rairai sotava tiko.

Vidio: “Strengthen Our Families”

Sarava eso tale

Wasea na veika o sa sotava

Ena itekivu ni veikalasi yadua, sureti ira na goneyalewa mera wasea, vakavulica, ka vakadinadinataka na veika eso era sa sotava oti mai ena nodra bulataka na veika era sa vulica ena lesoni ni macawa sa oti. Oqori ena vakauqeta na saumaki mai ni tamata yadua ka na vukei ira na goneyalewa mera raica na yaga ni kosipeli ena nodra bula e veisiga.

Vakamacalataka na ivunau

Raica eso tale na vakasama ni vuli kei na veivakavulici.

Digidigi mai na veivakasama oqo se na nomu nanuma eso mo vakamacalataka kina na lesoni ni macawa oqo:

• Wasea na italanoa mai na vosa nei Elder Juan A. Uceda  “Na Turaga o Jisu Karisito sa Vakavulica vei Keda Meda Masu.”  Na cava e tarai ira na goneyalewa me baleta na italanoa oqo ? Na cava e so na ka baleta na masu o sa sotava se  era sa sotava na goneyalewa? 

• Me lagata se wilika na kalasi na sere ni lotu me baleta na masu (vakayagataka na ituvatuva vakaivola ni ulutaga ena muaimuri ni ivola ni sere ni lotu me laurai kina na sere ni lotu veiganiti). Na cava era sa vulica na goneyalewa me baleta na masu mai na sere ni lotu oqo?

Bulataka na ka eda vulica tiko

Raica eso tale na vakasama ni vuli kei na veivakavulici.

Sureti ira na goneyalewa mera vakasamataka na sala mera bulataka kina na veika era sa vulica nikua. Me kena ivakaraitaki, e rawa ni ra:

• Lalawataka e dua na inakinaki me vakatorocaketaki kina na nodra masu vakaiira yadua.

• Vakacavara na Veika e sotavi ena yavunilewa 1 ena Vakabauta mai na Torocake Yadudua

Wasea vei ira na goneyalewa na ka era na vulica ena macawa mai oqo. Na cava e rawa ni ra cakava mera vakavakarau kina ki na vuli? Me kena ivakaraitaki, e rawa ni ra wilika e dua na vosa, sarava e dua na vidio, se vulica e dua na ivolanikalou e semati ki na lesoni ena macawa mai oqo.

Vulica vata

Raica eso tale na vakasama ni vuli kei na veivakavulici .

Na itaviqaravi yadua e ra ena vukei ira na goneyalewa mera kila vakavinaka na sala me vakaibalebale vakalevu kina na nodra masu. Mai na veivakauqeti ni Yalotabu, digitaka e dua se sivia ka na ganita vinaka duadua na nomu kalasi:

• Vola ena papanivolavola na yacadratou na Lewetoluvakalou ena papanivolavola. Sureti ira na goneyalewa me ra vakayagataka na vose nei Sisita Carol F. McConkie “Na Gagadre Vakaidina ni Yalo” me laurai ni ratou okati vakacava na Lewetoluvakalou ni da masu.  Kerei ira na goneyalewa me ra raica ena vosa nei Sisita McConkie na saunitaro eso oqo: “Na cava me da masu kina vua na Tamada Vakalomalagi? Na cava na kena ibalebale me da masu ena yaca i Jisu Karisito? E rawa vakacava me na vakaukauwa taka na Yalo Tabu na noda masu? Sureti ira me ra tuva mai eso na ka era rawa ni cakava me vakaibalebale kina vakalevu na nodra masu. E rawa ni ra lei vakaraitaka ena nodra vuvale ka vakanamata kina dua na ka ena veimacawa. 

• Sureti ira na goneyalewa mera vakaraica ena ivolanikalou e dua na ivakaraitaki ni masu e veivakauqeti kivei ira (ke ganita, vakatututaka mera wilika na ivolanikalou e lisitaki tiko ena idusidusi oqo), se vakaraitaka na vidio “Daily Bread: Experience.” Kerei ira mera wasea na veika era sa raica kei na ka era sa vulica me baleta na masu mai na ivakaraitaki o ya.

• Lesia kivei ira na goneyalewa yadua e dua na ivolanikalou me baleta na masu (me vakataka na kena e vakaturi tiko ena ituvatuva oqo). Kerei ira na goneyalewa mera vola e dua na ivakavuvuli ni masu era vulica mai na nodra ivolanikalou kei na dua na ivakaraitaki ni ivakavuvuli o ya mai na nodra bula se nodra bula tale eso. Sureti ira mera wasea ki na dua tale na goneyalewa ena kalasi na veika era sa vola. Na cava era sa dui vulica vakai ira na goneyalewa ka rawa ni vukei ira me vakaibalebale cake na nodra masu? Ena rawa ni vakuri na nodra vakararamataki na goneyalewa ni ra sarava na vidio oqo “Face to Face with President Eyring and Elder Holland: How can I improve my prayers?” kei na “Face to Face with President Eyring and Elder Holland: What does the phrase ‘nothing wavering’ mean in James 1:6?”

• Solia yadua vei ira na goneyalewa e dua na wase mai na vosa nei Elder David A. Bednar e vakaturi tiko ena ituvatuva oqo. Sureti ira na goneyalewa mera toqa edua na laini ena ivakasala matata e solia mai o Elder Bednar me vukei keda meda cakava me vakaibalebale cake kina na noda masu. Kerei ira mera wasea na veika era sa raica. Oti mo qai sureti ira mera raitayaloyalotaka ni ra vakavulica tiko e dua ena masu. Na cava beka era na vakavulica, kei na sala cava era na vakavulica kina. Sa rawa mo vakayagataka na vakatasuasua me sala ni veivakavulici.

• Wasea na wase 17, 18, se 19 ni 3 Nifai vei ira na goneyalewa. Kerei ira na goneyalewa mera wilika na nodra wase ka wasea na veika era sa vulica me baleta na masu mai na ivakaraitaki kei na ivakavuvuli i Jisu Karisito vata kei na nodra ivakaraitaki na Nona tisaipeli. Na cava e rawa ni ra cakava mera vakamuria kina na ivakaraitaki oqo ki na nodra masu?

• Lesi ira yadua na goneyalewa mera vulica e dua vei ira na ivakavuvuli ni masu e vakamacalataki tiko ena Tudei ena Vakabauta,tabana 119–21, se ena ivakamacala me baleta na masu ena Bible Dictionary. Kerei ira na goneyalewa mera vakavulica ki na kalasi na veika era sa vulica. Vakayaloqaqataki ira mera wasea na veika era sa sotava oti ni ra veivakavulici.

Kerei ira na goneyalewa mera wasea na veika era sa vulica nikua. Era sa kila deivaki tiko beka na sala mera cakava me vakaibalebale cake kina na nodra masu? Na cava era sa bau vakila se vakanananu kina? E tiko beka eso tale na nodra vakatataro? Ena veivuke beka me tauri vakalevu na gauna ena ivunau oqo?

Me Veivuke ena Veivakavulici

“Ni sa oti na nona sauma mai na taro se solia na nona vakasama e dua e vuli tiko, sureti ira na kena vo me ra tomana mai na vakasama o ya se vakaraitaka mai na nodra dui nanuma vakataki ira. Ni sa dua e taro tiko, solia na gauna me ra sauma mai o ira na vakarorogo tiko ka mo se kua mada ni se sauma o iko. Me kena ivakaraitaki oqo, e dodonu mo taroga, ‘E dua beka e tiko oqo e rawa ni sauma mai na taro o ya?’” (Veituberi, Me iLutua ni Noda Bula (1999), 77).