Meu na ciqoma vakacava na noqu ivakatakila?

Sa lavaki tu vei keda yadua meda ciqoma na noda ivakatakila me idusidusi ni noda bula. Ena kena gadrevi meda ciqoma na noda ivakatakila, e dodonu meda vakarautaki keda ena bula kilikili ka vulica ka vakasamataka vakatitobu na ivolanikalou. Kevaka meda vakasaqara ka kerea, ena vakatakila mai na Kalou na Nona lewa kivei keda mai vua na Yalo Tabu.

Mo vakarautaki iko vakayalo

O na kila vakacava ni ko sa ciqoma e dua na nomu ivakatakila? Sa vakalougatataki vakacava na nomu bula ena nomu vulica mo kila na nomu ivakatakila?

Na cava o nanuma kina ni bibi mera kila tiko na goneyalewa ena nomu kalasi na sala mera ciqoma kina na nodra ivakatakila? O na vukei ira vakacava mera kila na nodra dui ivakatakila?

Ni ko vakavakarau, vulica ena masumasu na ivolanikalou kei na veivurevure oqo. Na cava o vakila ni o vakauqeti kina mo wasea vei ira na goneyalewa?

1 Tui 19:9–12; Ilamani 5:30; V&V 6:14–16, 23; 8:2–3; 11:12–14 (Na sala e dau vosa kina vei keda na Yalotabu)

Joni 14:26–27 (Sa rawa ni vukei keda na Yalo Tabu meda nanuma tiko na veika eso ka vakila na vakacegu)

Ica 2–3; V&V 9:7–9 (Na ivakatakila ki na tamata yadua e dodonu me salavata tiko kei na noda vakanananu kei na vuli ivolanikalou)

Ronald A. Rasband, “Meda Sa liutaki Tu,” Ensign se Liaona, Me 2017, 93–96

Henry B. Eyring, “Tomani Tiko na iVakatakila,” Ensign se Liaona, Nove. 2014, 70-73

Richard G. Scott, “Na Sala Mo Taura Kina na iVakatakila kei na Veivakauqeti ni Nomu Bula,” Ensign se Liaona, Me 2012, 45–47

“Vulica mo Vakila na Veivakauqeti Vakayalo,” Vunautaka na Noqu Kosipeli (1999), 106–107

“iVakatakila,” Tudei ena Vakabauta (2004), 33–37

Vidio: “Patterns of Light: Spirit of Revelation,”“Hearing His Voice”, “Face to Face with President Eyring and Elder Holland: How can I tell the difference between the Holy Ghost and my emotions?” “Face to Face with President Eyring and Elder Holland: How can I feel the Holy Ghost more often?”

3:4

3:57

“Yalo Tabu Liutaka,” Serenilotu, naba 81

Veivakavulici ena ivakarau ni iVakabula

E veisureti tiko na iVakabula vei ira era dau muri Koya mera cakacaka ena vakabauta ka bula voli ena dina e vakavulica o Koya. E raica matua me vukei ira na Nona tisaipeli mera bulataka na kosipeli ena yalodra taucoko ena Nona vakarautaka vei ira na vulika kaukauwa. O na vakavulici ira vakacava na goneyalewa mera cakacaka ena vakabauta ka bula voli ena dina era sa vulica?

Veisemati ni iTaviqaravi ni iTabagone

Tuva e dua na itaviqaravi ni Muavata ka na rawa ni vukei ira na goneyalewa mera bulataka na veika era sa vulica ena lesoni oqo.

Wasea na veika o sa sotava

Ena itekivu ni veikalasi yadua, sureti ira na goneyalewa mera wasea, vakavulica, ka vakadinadinataka na veika eso era sa sotava oti mai ena nodra bulataka na veika era sa vulica ena lesoni ni macawa sa oti. Oqori ena vakauqeta na saumaki mai ni tamata yadua ka na vukei ira na goneyalewa mera raica na yaga ni kosipeli ena nodra bula e veisiga.

Vakamacalataka na ivunau

Digidigi mai na veivakasama oqo se nomu nanuma eso mo vakamacalataka kina na lesoni ni macawa oqo:

Kerei ira na goneyalewa mera wilika se lagata taucoko na qaqa ni sere “Yalo Tabu Liutaka” (Sere ni lotu, naba 81) ka vakasaqara kina na vosa e vakamacalataka na sala e vosa kina vei keda na Yalo Tabu. Na cava eso tale na vosa era rawa ni vakasamataka na goneyalewa e vakamacalataka na sala e vosa kina vei keda na Yalo Tabu?
Vola ena vava ni volavola “Au kila niu sa ciqoma tiko na noqu ivakatakila ena gauna__________.” Tarogi ira na goneyalewa ena sala mera na vakacavara kina na yatuvosa oqo. Sureti ira mera vakasamataka tikoga vakatitobu na itukutuku oqo ena gauna ni lesoni ka vakasaqara na ikuri ni kena isau.

Vulica vata

Na itaviqaravi yadua e ra ena vukei ira na goneyalewa mera kila vakavinaka na sala mera ciqoma kina na nodra ivakatakila. Muria na veivakauqeti ni Yalotabu ena nomu digitaka e dua se sivia ka na ganita na nomu kalasi:

Sureti ira na goneyalewa mera sarava na vidio oqo “Face to Face with President Eyring and Elder Holland: How can I tell the difference between the Holy Ghost and my emotions?” kei na “Face to Face with President Eyring and Elder Holland: How can I feel the Holy Ghost more often?” Na cava e rau vakatura tiko o Peresitedi Eyring kei Elder Holland me vukei keda meda kila na kedrau duidui na veivakauqeti ni Yalo kei na vakanananu ni lomada? Na cava era nanuma na goneyalewa na ibalebale ni “yalo vakanomodi,” me vaka e vakamacalataka tiko o Peresitedi Eyring? Sureti ira na itabagone mera wasea na sala era rawa ni vakayagataka kina na ka era sa vulica me tukuni vua e dua na itokani era taroga vata tiko na veika e veivosakitaki tiko ena vidio.
Vola e va na kolomu ena vava ni volavola mo vola kina na va na ivakamacala ena vosa nei Elder Ronald A. Rasband’s talk “Meda Sa liutaki Tu” me ulutaga. Me talevi vata na wase yadua, ka sureti ira na goneyalewa me ra vola ena kolomu na vakatutu nei Elder Rasband me ra na cakava me ra ciqoma kina na ivakatakila kivei ira yadua. E dua beka ena nomu tabanalevu e imatai ni dauveivukei, me vakataka na daubokobuka se ovisa? Ke tiko, sureti koya me mai vakamacala ki na kalasi ena ibalebale ni imatai ni dauveivukei ena veiqaravi totolo vakavuniwai se tavuki ni vanua. E dau vakavakarau beka vakacava me veivuke ki na veimataqali leqa vakaoqo? Kerei ira na goneyalewa me ra veivosakitaka na ka era sa vulica mai na veivosaki oqo baleta na ivakarau ni imatai ni veivuke vakayalo.
Mo ni wilika vata na imatai ni tolu na parakaravu ni vosa nei Peresitedi Henry B. Eyring “Tomani Tiko na iVakatakila.” Kerei ira na goneyalewa mera vola na gauna eso era na kila kina e dua vei ira se dua tale e gadreva na ivakatakila. Sureti ira na goneyalewa mera wilika se sarava na veitiki eso ni vosa i Peresitedi Eyring ka wasea na veika era vulica kina. Sureti ira mera vakasamataka vakatitobu na ka mera na cakava mera vakasaqara kina na ivakatakila kivei ira yadua.
Vola ena vava ni volavola na tiki ni ivolanikalou e vakatututaki ena ituvatuva oqo. Kerei ira yadua na goneyalewa mera wilika e dua ka tukuna na ka e vakavulica tiko me baleta na sala e dau veivosaki kina kei keda na Yalo Tabu. Mera vola na goneyalewa ena vava ni volavola na veika era sa raica rawa ena yasa ni itukutuku. Sureti ira mera wasea na veika era sotava ena gauna a vosa kina vei ira na Yalo Tabu ena dua vei ira na sala oqo.
Cakava e dua na ilavelave ni ivola vivi ena draunipepa 107-108 ni Vunautaka na Noqu Kosipeli mera yadua na goneyalewa. Sureti koya me raicalesu na ivola vivi kei na ivakamacala ni nona dau veivosaki kina kei keda na Yalo Tabu. Sureti ira na goneyalewa mera vola na gauna a yaco kina vei ira e dua na vakanananu, vakasama, se ivakaraitaki era vakamacalataki tiko ena ivola vivi. Sureta e vica vei ira mera wasea na veika era sa vola ki na vo ni kalasi.
Vakaraitaka na vidio “Hearing His Voice,” ka kerei ira na goneyalewa mera raica eso na ka era a cakava na itabagone ena vidio oqo mera vakavakarautaki ira kina mera ciqoma na nodra ivakatakila. Na cava eso tale na sala e rawa meda vakavakarautaki keda kina? (raica na 3 Nifai 17:2–3; V&V 9:7–8). Vakayaloqaqataki ira na goneyalewa mera ciqoma na bolebole era a ciqoma na itabagone ena vidio, ka sureti ira mera wasea na veika era sa sotava ena kalasi e tarava.

3:57

Kerei ira na goneyalewa mera wasea na veika era sa vulica nikua. Era sa kila deivaki tiko beka na sala mera ciqoma kina na nodra ivakatakila? Na cava era sa bau vakila se vakanananu kina? E tiko beka eso tale na nodra vakatataro? Ena veivuke beka me tauri vakalevu na gauna ena ivunau oqo?

Bulataka na ka eda vulica tiko

Sureti ira na goneyalewa mera vakasamataka na sala mera bulataka kina na veika era sa vulica nikua. Me kena ivakaraitaki, e rawa ni ra:

Vakacavara na Veika e sotavi ena yavunilewa 5 ena Digidigi kei na Vakatulewa Vakataki Koya mai na Torocake Yadudua
Vola vakamatata na veivakauqeti vakayalo se nanuma era ciqoma ena loma taucoko ni macawa ka mera cakacaka kina. Sa rawa mera vola ena nodra ivolaniveisiga na cava a yaco ena gauna era vakamuria kina na veivakauqeti vakayalo kei na veivakalougatataki cava era a ciqoma.

Wasea vei ira na goneyalewa na ka era na vulica ena macawa mai oqo. Na cava e rawa ni ra cakava mera vakavakarau kina ki na vuli? Me kena ivakaraitaki, e rawa ni ra wilika e dua na vosa, sarava e dua na vidio, se vulica e dua na ivolanikalou e semati ki na lesoni ena macawa mai oqo.

Veisemati ni iTaviqaravi ni iTabagone

Yavutaka e dua na itaviqaravi ni Muavata ka na rawa ni vukei ira na goneyalewa mera bulataka na veika era sa vulica mai na lesoni oqo.