Na cava e kena ibalebale meda bula rawati keda?

Ni da sa bula rawati keda, eda vakayagataka na veivakalougatataki kei na rawa-ka eso sa solia vei keda na Kalou meda qaravi keda kina kei na noda matavuvale ka vakasaqara na iwali ki na noda veileqa. Ni da sa yaco meda bula rawati keda, sa na rawa vakavinaka talega meda qaravi ka qarauni ira tale eso. E vinakati keda na Turaga me yaco meda bula rawati keda vakayalo ka vakayago.

Mo vakarautaki iko vakayalo

O sa vakayagataka vakacava na veivakalougatataki kei na rawaka eso sa solia vei iko na Kalou mo qaravi iko kina kei na nomu matavuvale? E rawa vakacava ni vakalougatataki ira tale eso na nomu bula rawati iko voli? Na veivakalougatataki cava tale ni bula rawati iko o sa bau sotava oti?

Cava na vuna e bibi kina vei ira na goneyalewa me yaco mera bula rawati ira? Ena vukei ira vakacava na bula rawati koya mera vosota rawa kina na gauna ni dredre eso? Ena vakalougatataka vakacava na nodra matavuvale mai muri?

Na ivolanikalou kei na ivurevure cava tale ena vukei ira na goneyalewa ni kila deivaki na cava e kena ibalebale mera bula rawati ira?

Maciu 25:1–13 (Na vosa vakatautauvata ni goneyalewa lewe tini)

Maciu 25:14–29 (Vosa vakatautauvata ni taledi)

2 Cesalonaika 3:10–13; Kalatia 6:3–5 (Bibi ni cakacaka tiko ka bula rawati koya voli)

V&V 58:26–28 (Meda vakayacora ga na ka eda gadreva)

V&V 88:118 (Dou gumatua sara mo dou kila-ka io ena vuli kei na vakabauta)

V&V 89:18–20 (Yalayala vei ira era muria na Vosa ni Vuku)

V&V 104:78 (Sauma na dinau)

Henry B. Eyring, “Na Vakavakarau Vakayalo: Tekivu Kusarawa ka Tudei,” Ensign se Liaona, Nove. 2005, 37–40

“Cakacaka ka Bula Rawati Koya,” Me iSakisaki ni iTabagone (2011), 40–41

“Rawati Koya Vakaikoya,” Tudei ena Vakabauta (2004), 129–30

“Bula Rawati Koya,” iVoladusidusi 2: Veiliutaki ena Lotu (2010), 6.1.1

“Bula Rawati Koya Vakayago,” Luvequ Yalewa ena Noqu Matanitu: Na iTukutuku kei na Cakacaka ni iSoqosoqo ni Veivukei (2011), 59–64

Robert D. Hales, “Sotavi na Bolebole ni Vuravura Nikua,” Ensign se Liaona, Nove. 2015, 44-47

Vidio: “Life’s Drama”

6:31

Veivakavulici ena ivakarau ni iVakabula

Na iVakabula e nuitaki ira na Nona tisaipeli. E vakarautaki ira o Koya ka solia vei ira na ilesilesi bibi eso mera veivakavulici, veivakalougatataki ka veiqaravi vei ira na tamata. O na vakayaloqaqataki ira vakacava na goneyalewa ena nomu kalasi mera vakalougatataka eso tale ka wavoliti ira mai na nodra veivakatavulici kei na veiqaravi?

Wasea na veika o sa sotava

Ena itekivu ni veikalasi yadua, sureti ira na goneyalewa me ra wasea, vakavulica, ka vakadinadinataka na veika eso era sa sotava oti mai ena nodra bulataka na veika era vulica ena lesoni ni macawa sa oti. Oqo ena vakauqeta na saumaki ni tamata yadua ka na vukei ira na goneyalewa me ra raica na yaga ni kosipeli ena nodra bula e veisiga.

Vakamacalataka na ivunau

Digidigi mai na veivakasama oqo se nomu nanuma eso mo vakamacalataka kina na lesoni ni macawa oqo:

Wasea vata kei ira na goneyalewa na ibalebale ni bula rawati koya ena itekivu ni idusidusi oqo. Kerei ira na goneyalewa mera wilika na V&V 58:26–28, ka taroga na taro eso oqo: Na cava e vakaibalebaletaki ena “vakayacora ga na ka [eda] gadreva”? Ena rawa vakacava ni da yaco vakalevu cake ni “kilikili me da gumatua ena cakacaka vinaka”? Na cava e vakatavulica vei keda na veitikina oqo me baleta na bula rawati koya? Veivosakitaka vakalasi na isaunitaro.
Vola na vosa “Vakararavi” ena yasana imawi ni vava ni volavola kei na vosa “Bula rawati koya” ena yasana imatau. Kerei ira na goneyalewa mera vakamacalataka na vosa ruarua (ke ra gadreva na veivuke, vagolei ira ki na tabana 129–30 ni Tudei ena Vakabauta). Kerei ira mera vola na veisala era vakararavi kina vei ira tale eso kei na sala era bula rawati ira kina. Cava na vuna e vinakata kina vei keda na Turaga meda tubu ni bula rawati keda?

Vulica vata

Na veitaviqaravi yadua e ra ena vukei ira na goneyalewa me ra kila na cava na ibalebale ni bula rawati koya. Ena kena vakamuri na veivakauqeti ni Yalotabu, digitaka e dua se sivia ka na mana vinaka ki na nomu kalasi:

Wasei ira vakailawalawa na goneyalewa ka lesia ki na ilawalawa yadua na vakasama eso oqo ni bula rawati koya: vuli, ilavo, isema vakaveiwekani, kei na igu vakayalo. Sureta na ilawalawa yadua me ra railesuva na iwasewase ni vosa nei Elder Robert D. Hales “Sotavi na Bolebole ni Vuravura Nikua” ka tukuni kina na iulutaga oqo. Kerei ira na goneyalewa mera digitaka e dua na ka era na cakava me yaco mera bula rawati ira vinaka cake kina ena dua na iwase oqo.
Vola ena so tale na tiki ni pepa na ulutaga oqo ka semati ki na bula rawati koya: ivakarau ni bula, vuli, cakacaka, mamaroroi e vale, veika vakailavo, kei na kaukauwa vakayalo. Vakatara yadua na goneyalewa me digitaka e dua ka malele kina, ka sureti koya me wilika na nona ulutaga ena ilavelave ni iwasewase 6.1.1 ena iVoladusidusi 2 (tabana 38–39). Kerea yadua na goneyalewa me vakatavulica vakacaca na kalasi ena cava e sa vulica me baleta na nona ulutaga, na sala cava e semati kina ki na bula rawati koya, kei na ka e rawa ni cakava oqo me vakavakarau ni bula rawati koya kina ena nona yasana. Ena vakalougatataki ira vakacava ena nodra veisiga ni mataka na sasaga vakagoneyalewa ena gauna ni itabagone? Ena vakalougatataka vakacava na nodra matavuvale na veisasaga oqo ni ra sa yaco mera marama vakawati ka tina?
Sureta yadua na goneyalewa me wilika e dua na italanoa ena Luvequ Yalewa ena Noqu Matanitu (tabana 57–62) me baleti ira na marama era a bula rawati ira ena itekivu ni Lotu. Kerei ira na goneyalewa mera tukuna tale na nodra italanoa ena nodra vosa ka wasea na ka era vulica me baleta na bula rawati koya. Na cava e rawa ni ra cakava na goneyalewa mera muria kina na ivakaraitaki oqo ni ra se tiko ena itabagone?
Veisasataki ira na goneyalewa. Lesia ki na isa yadua e dua na ivolanikalou me baleta na bula rawati koya, me vakataki ira ena idusidusi oqo. Sureti ira na isa mera wilika na nodra iwase ni ivolanikalou ka qai bulia e dua na Momanadi me baleta na bula rawati koya. O na rairai vinakata mo vakaraitaka e dua na ivakaraitaki ni Momanadi mai na New Era se Liahona. Solia na madigi vei ira na goneyalewa mera wasea na nodra Momanadi ki na kalasi. Vakayaloqaqataki ira mera vakabira na Momanadi ena dua na vanua e vale me vakananumi ira ena ka era sa vulica.
Solia ki na goneyalewa yadua e rauta ni lima na tiki ni siliva, rua na tiki ni siliva, se dua na tiki ni siliva. Mera qai wilika na Maciu 25:14–29 ka raica se cava a yaco kivua na tamata ena vosa vakatautauvata ka a soli vua na ivotavota vata ga ni ilavo era taura. Veivosakitaka na taro me vaka “Na cava eratou a cakava na tolu na tamata cakacaka ena ilavo a soli vei iratou?” kei “E semati vakacava na vosa vakatautauvata oqo ki na bula rawati koya?” Sureti ira na goneyalewa mera vakasamataka vagumatua na veika sa solia vei ira na Kalou ka na vukei ira ni yaco mera bula rawati ira, me vaka na taledi, itovo vakatamata, kei na sasaga. Ena rawa vakacava ni ra vakayagataka na ivakarau oqo me yaco mera bula rawati ira vakalevu cake? Ena rawa vakacava ni ra vakayagataka me vakalougatataki kina na nodra matavuvale mai muri?
Tarogi ira na goneyalewa se cava era sa cakava kei na nodra matavuvale me vakarautaki kina e dua na draki voravora (vakataka na uneune se cagilaba). Wilika vakalasi na imatai ni tolu na parakaravu ni vosa nei Peresitedi Henry B. Eyring “/liahona/2005/11/15.” Na cava eso na “voravora vakayalo” se dredre eda na rawa ni sotava? Na cava eda rawa ni cakava ni vakavakarau kina vakayalo? Solia vua na goneyalewa yadua na tiki ni vo ni vosa nei Peresitedi Eyring, ka kerei ira mera vakaraica na isaunitaro ki na veitaro oqo. Sureti ira mera wasea na veika era sa raica.

Kerei ira na goneyalewa me ra wasea na veika era sa vulica nikua. Era sa kila deivaki li na bula rawati koya me rawa ni ra vakamacalataka vua tale e dua? Na cava era sa bau vakila se vakanananu kina? E tiko tale beka eso na nodra vakatataro? Ena yaga beka me na tauri vakalevu na gauna ena ivunau oqo?

Bulataka na ka eda vulica tiko

Sureti ira na goneyalewa me ra vakasamataka na sala me ra bulataka kina na veika era sa vulica nikua. Me kena ivakaraitaki, e rawa ni ra:

Vakadeitaka ni cakava e dua na ka ena macawa oqo me yaco mera bula rawati ira vakalevu cake ka wasea na veika era sa sotava ena kalasi ni macawa mai oqo.
Vakacavara e dua se sivia na ka oqo mai na Torocake Yadudua: Bula va-Kalou cakacaka ni yavunilewa 1 se 4, Kila Ka veika sotavi ena yavunilewa se cakacaka ni yavunilewa, Digidigi kei na Vakatulewa Vakataki Au veika sotavi ena yavunilewa 1 se 7

Wasea vata kei ira na goneyalewa na veika era na vulica tiko ena macawa mai oqo. Na cava e rawa ni ra cakava me ra vakavakarau kina ki na vuli? Me kena ivakaraitaki, e rawa ni ra wilika e dua na vosa, sarava e dua na vidio, se vulica e dua na ivolanikalou e semati ki na lesoni ena macawa mai oqo.

Veisemati ni iTaviqaravi ni iTabagone

Yavutaka e dua na itaviqaravi ni Muavata ka na rawa ni vukei ira na goneyalewa me ra bulataka na veika era sa vulica mai na lesoni oqo.